ဘင်္ဂလာရှိ ရခိုင်များ စိုးရိမ်နေရဆဲ

ရခိုင်ပြည်နယ်အတွင်းတွင် ဇွန် ၈ ရက်နေ့ကတည်းက အကြမ်းဘက်သောင်းကျန်းမှုများ ဖြစ်ပေါ်ခဲ့ပြီးနောက် အိမ်နီးချင်းနိုင်ငံဖြစ်သော ဘင်္ဂလာတွင် ဘင်္ဂလီများ၏ ဆက်ဆံမှုများကြောင့် ရခိုင်နှင့် ဗုဒ္ဓဘာသာဝင်များ အထူးစိုးရိမ်မှုများ တရွေ့ရွေ့ဖြစ်ပေါ်လာနေကြောင်း စုံစမ်း သိရှိရသည်။ "ကျမတို့ယောက်ျားတွေကို စက်ဘုတ်ကြီးတွေနဲ့ နိုင်ငံခြားပို့ပေးမယ်ဆိုပြီး အလျင်စလို ခေါ်သွားကြပါတယ်၊ ခေါ်တဲ့သူတွေက ရခိုင်ပြည်မှာ နင်တို့ငါတို့ ဆွေမျိုးတွေရဲ့ ကျေးရွာတွေကိုမီးတိုက်၊ ဗလီတွေကိုဖြို၊ လူတွေကိုသတ်နေကြတယ်၊ ဒါငါတို့မှာ တာဝန်ရှိကြောင့် အလ္လာရှင်မြတ်ပြောခဲ့တယ်လို့ ဆိုပါတယ်။ ခုငါတို့သားလင်တွေနဲ့ အဆက်အသွယ်မရ ဖြစ်နေတယ်၊ ရခိုင်တွေကိုမကျေနပ်ဘူး။"ဟု ဘင်္ဂလီအမျိုးသမီးများက ပြောနေကြောင်း လျှို့ဝှက်သတင်း တခုက ပြောသည်။
ရခိုင်ပြည်နယ်အတွင်းမှ အကြမ်းဖက်မှုနှင့် ဆက်စပ်နေကြသော သောင်းကျန်းသူများ အနေဖြင့် ယင်းကော့စ်ဘဇားခရိုင်အတွင်းရှိ ဘင်္ဂလီကျေးရွာနှင့် လမ်းဘေးများတွင် ပြန့်ကြဲနေထိုင်သူများအား မလေး၊ စင်္ကာပူနိုင်ငံများသို့ ပို့ပေးမည်ဟု လိမ်လည်ခေါ်ယူ၍ ရာပေါင်းများစွာ အင်အားစုဆောင်းနေပြီး ရခိုင်ပြည်နယ်အတွင်းသို့ ပို့ဆောင်နေကြသည်ဟု ဘင်္ဂလီအမျိုးသမီးများက ပြောသည်ဟု သတင်းများ ထွက်ပေါ်လာနေသည်။
ထို့ပြင် ကော့စ်ဘဇားခရိုင်အတွင်းတွင် ရခိုင်ပြည်နယ်အတွင်း ရခိုင်အမျိုးသားများက စစ်တပ်နှင့်ပူးပေါင်းပြီး မူဆလင်များအား သတ်ဖြတ်၊ ဗလီကျောင်းများကိုဖြိုဖျက်၊ ကျေးရွာများကိုမီးတိုက်သည့်ဟုဆိုကာ ဓါတ်ပုံ-ဗီဒီယိုဖိုင်များအား Mobile များတွင် ထည့်သွင်းပြီး စည်းရုံး လှုံ့ဆော်ပြသကာ ရခိုင်များအား နည်းမျိုးစုံ အကွက်ချ အပြစ်ရှာကြံလျက် ရှိနေကြောင်း ကိုယ်တွေ့မျက်မြင်များက ပြောသည်။
အကြမ်းဖက်သောင်းကျန်းသူများ အနေဖြင့် ကော့စ်ဘဇားခရိုင်နှင့် မောင်တော၊ ဘူးသီးတောင်မြို့နယ်တို့အား အီဆလာမ်မိတ်နိုင်ငံတော်ထူထောင်ရန် ကြိုးပမ်းလာခဲ့သည်မှာ နှစ်ပေါင်းများစွာ ကြာမြင့်လျက်ရှိနေပြီဖြစ်ကြောင်း ကောလဟာလသတင်းများ ထွက်ပေါ်နေသည်။
ယခုအခါ ရခိုင်ပြည်နယ်အတွင်း သောင်းကျန်းသူ ဘင်္ဂလီများထံမှ ခေတ်မီလက်နက်မျိုးစုံတို့ကို နေရာအနှံ တဖြည်းဖြည်း ဖမ်းဆီးရမိနေကြောင်းနှင့် ယင်းလက်နက်များဖြင့် သောင်းကျန်းသူများမှာ ဒေသခံရခိုင်လူထုနှင့် စစ်တပ်တို့ကို မြို့တွင်းများတွင် ခုခံတိုက်ခိုက်လျက် ရှိနေရာ ဒဏ်ရာရရှိသွားသူများရှိကြောင်း သတင်းများတွင်ဖေါ်ပြကြသည်။
သို့သော်လည်း ယခုအချိန်ထိ သမ္မတဦးသိန်းစိန် ဦးဆောင်သောအဖွဲ့သည် ရခိုင်ပြည်နယ် သောင်းကျန်းသူများမှ လက်နက်ခဲယမ်းမျိုးစုံ ဖမ်းဆီးရမိသည့် အရေအတွက်ကို တရားဝင်ထုတ်ဖေါ်ပြသမှုနှင့် အရေးယူဆောင်ရွက်မှုများ မရှိသေးချေ။
တာခ်နာမြို့ BGBက နော်ရာပါရာ မြန်မာဘင်္ဂလီဒုက္ခသည်စခန်းအတွင်း Block-B No 3 အမှတ် ၉၀၈ မှ ၉ လက္မအရှည်ရှိ လုပ်သေနက် တလက်ကို တနင်္လာနေ့ နေ့လည် ၂ နာရီတွင် ဖမ်းဆီးရမိကြောင်း ယနေ့ထုတ် The Daily Ajker Deshbideshနှင့် THE DAILY SAIKAT သတင်းစာတို့တွင် ဖေါ်ပြထားသည်။
သို့သော်လည်း သေနက်ပိုင်ရှင်မှာ ထွက်ပြေးလွတ်မြောက်သွားကြောင်းနှင့် မြန်မာဘင်္ဂလီဒုက္ခသည် ဖော်ယဇူလ္လာဟာရ်၏ သား နုရုလ် အာမ်လာမ်(၄၀)နှစ်အား သက်ဆိုင်ရာ တာခ်နာရဲဌာနမှ ဖမ်းဆီးယူသွားကာ အရေးယူစစ်ဆေးမှုများ ပြုလုပ်နေကြောင်း သတင်းစာက ဆိုသည်။ ယင်းမြန်မာဘင်္ဂလီဒုက္ခသည် စခန်းများမှ မကြာခဏ ဒေသလုပ်သေနက်နှင့် နိုင်ငံခြားလုပ်သေနက်များ ဖမ်းဆီးရမိကြောင်း သိရှိရသည်။
ရခိုင်ပြည်နယ် မြို့တော်စစ်တွေမြို့တွင် သောင်းကျန်းသူများ ငြိမ်သက်သွားမှု မရှိသေးသောကြောင့် စစ်တပ်၊ ရဲ၊ လုံထိန်းလုံခြုံရေး တပ်ဖွဲ့များ ယခုအချိန်ထိ ရှိနေသေးကြောင်း၊ လုံခြုံရေးတပ်ဖွဲ့တချို့မှာ ပြည်သူ၏ နေအိမ်များအတွင်း စခန်းချလျက် ရှိနေကြောင်းနှင့် လုံခြုံရေးအင်အား ထပ်တိုးချပေးရန် သက်ဆိုင်ရာသို့ ပန်ကြားထားကြောင်း သိရှိရသည်။
ရခိုင်ပြည်နယ်အတွင်း ပဋိပက္ခ စတင်ဖြစ်ပွားသည့် မောင်တောမြို့လူထုများက သမ္မတကြီး ဦးသိန်းသိန်ထံသို့ ပေးစာတစောင်အား ပူးတွဲ ဖေါ်ပြလိုက်သည်။
သို့
သမ္မတကြီး ဦးသိန်းစိန်
နေပြည်တော် သမ္မတရုံး
ပြည်ထောင်စု မြန်မာနိုင်ငံ
လေးစားအပ်ပါသော နိုင်ငံတော်သမ္မတကြီးခင်ဗျား
ကျွန်ုပ်တို့လေးစားစွာဖြင့်သိရှိ စီမံခန့်ခွဲနိုင်ရန် အစီရင်ခံ တင်ပြအပ်ပါသည်။
ရခိုင်ပြည်နယ်မောင်တောမြို့ နှင့် မောင်တောမြို့ နယ်တို့တွင် ၈/၆/၁၂ ခုနှစ်တွင် ဖြစ်ပျက်ခဲ့သော အကြမ်းဖက်မှု၌ ငယ်သောအမှုကို ကြီးစေ ကြီးသော အမှုကို ပို၍ ကျယ်ပြန့်စေ ဆိုသော သဘောဖြင့် နိုင်ငံတော် တစိတ်တပိုင်းအား လက်လွတ်လိုသော ရည်ရွယ်ချက်နှင့် နိုင်ငံတော်ကို ရောင်းစားရန်ကြံစည် အကောင်အထည်ဖော်နေသူမှာ မောင်တော နစက ဒေသကွပ်ကဲရေးမှူး ဒုတိယဗိုလ်မှူးကြီး ဦးအောင်ကြီး ဖြစ်ကြောင်းကို အောက်ပါအချက်တို့ဖြင့် သက်သေထူ တိုင်ကြားအပ်သည်။
အကြမ်းဖက်မှု ဖြစ်စေသော အခြေခံ ဆုတောင်းပွဲကို ကျပ်ငွေသိန်းပေါင်း ( ၃၅၀ဝ ) နှင့် ခွင့်ပြုခြင်း နိုင်ငံတော် ၏ တည်ဆဲဥပဒေကို ချိုးဖေါက်ပြီး သညန များအား ၄ လတွင် ၁၀ဝ၀ဝ ကျပ်အထိ ကောက်ခံ၍ ဘင်္ဂလီကုလား များကို ကိုင်ဆောင်ခွင့်ပြုခြင်း။
၎င်း ဘင်္ဂလီ အိမ်ထောင်စုစစ်ဆေးရာတွင်လည်း တရားမဝင် ဘင်္ဂလီတစ်ယောက်အား အိမ်ထောင်စုထဲ ထည့်လိုလျှင် ငွေကျပ် ၂၀ဝ၀ဝ၀ မှ ၅၀ဝ၀ဝ၀ အထိယူပြီး အိမ်ထောင်စု ဝင်ခွင့်ပြုခြင်း။
၎င်းဘင်္ဂလီအား မိသားစုဝင် ဓါတ်ပုံထဲထည့်ရိုက်ရန် ငွေ ၅၀ဝ၀ ကျပ် ထပ်ပေးရခြင်း။
ဦးဒီလာ၊ ဦးလှမြိုင်တို့သည် အကြမ်းဖက်မှု နောက်ကွယ်၌ ကြိုးကိုင်သူများဟု သိပါလျှက် ငွေယူပြီး သတင်းပေး အမာခံဟုဆိုကာ လုံခြုံရေးချထားပေးခြင်း။
နိုင်ငံတော်အစိုးရအဖွဲ့မှလိုအပ်သော ဦးတင်မောင်ဝင်းအား ဒီလာအိမ်၌ဝှက်ထားခြင်း။
ကျေးရွာ ရပ်ကွက်တို့အား မီးရှို့ဖျက်ဆီးသော ဘင်္ဂလီကုလားများအား မီးရှို့ဖျက်ဆီးနေစဉ်အတွင်း မည်သို့ သော တားဆီးမှုမျှမပြုလုပ်ဘဲ ကားဖြင့်ရောက်လာပြီး မျက်ကွယ်ပြု ရှောင်ထွက်သွားခြင်း။
အကြမ်းဖက်မှုဖြစ်မည့်သတင်းကို ရခိုင်ကျေးရွာများမှ နေ့လည် ၃ နာရီ ကတည်းက ဒေသနစက အဖွဲ့အား သတင်းပို့တိုင်ကြားသော်လည်း ညနေ ၅ နာရီ မီးလောင်လူသတ်ပြီးချိန်မှ ရောက်ရှိလာကြခြင်း။
နယ်မြေနှင့်ဝေးသော ဒေသတို့တွင် လုံထိန်း/ ရဲ / တပ်မတော်တို့မှ ဝန်ထမ်းတို့သည် လက်နက်အပြည့် အစုံနှင့်ပင် ရွာထဲသို့မဝင်ရဲကြသော်လည်း နစကတို့ကမူ လက်နက်မပါဘဲ ဝင်ထွက်သွားလာနိုင်ခြင်း။
၈/ ၆/ ၁၂ နေ့က အကြမ်းဖက်မှု ကျူးလွန်သူများကို ရဲနှင့် စစ်တပ်များက အရေးယူ ဖမ်းဆီး နေကြသည်ကို ၁၁/ ၆/ ၁၂ နောက်ပိုင်းတွင် ရပ်တန့်ခိုင်းခြင်း
ဒေသအနှံ့အပြား၌ နစကဝတ်စုံ နစကသေနက်ဖြင့် ဓါးပြမှုများအား တခုမှ မဖော်ထုတ်ခြင်း။
၈/ ၆/ ၁၂ ခုနှစ် သောကြာနေ့ ဘင်္ဂလီများ ဆုတောင်းပွဲအပြီးတွင် မြို့မဘုန်းတော်ကြီးကျောင်းနှင့် ယူနိုက်တက်တည်းခိုခန်းအား ရာပေါင်းများစွာသော ဘင်္ဂလီများက ခဲဖြင့်ပေါက် ဖျက်ဆီးနေသည်ကို ရဲတပ်ဖွဲ့မှ မိုးပေါ်ထောင် သေနက်ပစ်ဖေါက်၍ လူစုခွဲမှုအား အောင်ကြီးကအပြစ်တင် ကြိမ်းမောင်းခြင်း။
၎င်းမှစပြီး ဗိုလ်မှူးရွာထဲရှိ ရခိုင်အိမ်များကို မီးရှို့ဖျက်ဆီးနေကြသည်ကို မျက်ရည်စက်လက်ဖြင့် အဝေး မှကြည့် နေရုံမှလွဲ၍ ကယ်သူမဲ့ ဖြစ်နေသော ကျွန်ုပ်တို့ပြည်သူများမှ နစကမှူး ဗိုလ်မှူးကြီး အောင်ကြီး ရောက်လာပြီဟု အားကိုးတကြီးဖြင့် ၀မ်းသာနေကြရာ ဝမ်းသာခြင်းပင် မဆုံးလိုက် သူ၏ မျက်ကွယ်ပြု ခံခဲ့ရခြင်း။
၎င်းဖြစ်ရပ်တို့အား လုံခြုံရေးတို့ကို စောင့်ကြည့်ရုံသာ စောင့်ကြည့်ခိုင်းပြီး ဗိုလ်မှူးကြီး အောင်ကြီး တစ်စုံတစ်ရာ ဟန့်တားမူ မလုပ်ရန် နစကတပ်ဖွဲ့ဝင်များအား ညွှန်ကြားခြင်း
ဤဖြစ်ရပ်သည် အကြမ်းဖက်ကျူးကျော် သတ်ဖြတ်မှုဆိုသည်ကို သူကိုယ်တိုင် မသိလေခြင်းလော၊ အားပေး နေခြင်းလော၊ ကြံရာပါလော၊ သို့တည်းမဟုတ် အောင်ကြီးထက် အကြမ်းဖက်ဘင်္ဂလီများက ဩဇာကြီးနေ၍ လော။ ဤသို့ဆိုလျှင် အဘယ်ကြောင်းနည်း။ နိုင်ငံတော် အစိုးရ အဖွဲ့အနေဖြင့် စုံစမ်း ဖေါ်ထုတ်စစ်ဆေးသင့်ပါသည်။
မောင်တောမြို့ပေါ်တွင် မီးတိုက်မှုဖြစ်ပွါး ပြီးသောအခါ သရီကုန်ဘောင်၊ မောရဝတီဖက်သို့ မောင်တောမြို့ပေါ်မှ ကား ၄ စီးထွက်သွားပြီး ၄င်းကားပေါ်မှ ဆူပူ အကြမ်းဖက်လိုသူများက ဟောပြော သောအခါမှစ၍ မောင်တောနယ် တောင်ပိုင်းအား ဘင်္ဂလီများက မီးရှို့ ကြခြင်းဖြစ်ပါသည်။ မောင်တောမြို့ပေါ်၌ ထိထိရောက် ထိန်းသိမ်းနိုင်ခဲ့ပါလျှင် နယ်ကျေးရွာများ၌ မီးရှို့ တိုက်ခိုက် လူသတ်မူများ ဖြစ်လာစရာ အစီအစဉ်မရှိဟု ဘင်္ဂလီ သတင်းရပ် ကွက်မှ ကြားသိရပါသည်။
နိုင်ငံတော်၏ ကျွေးမွေးသောအစာရေစာတို့ကို စားသောက်ပြီး နိုင်ငံတော်သစ္စာဖောက်ကာ သူပုန်အားပေး နိုင်ငံတော်ကို ရောင်းစားသူ ဒုဗိုလ်မှူးကြီးအောင်ကြီးအား လက်ပိုက်ကြည့်နေကြလျှင် ကြည့်နေသူ နိုင်ငံခေါင်းဆောင် တို့သည် ကြံရာပါဖြစ်ပေလိမ့်မည်။ ဦးရွှေမန်း ကိုယ်တိုင် ကိုယ့်တူကိုကိုယ် ဆုံးမမည်လော (သို့မဟုတ်) နိုင်ငံတော်က ဆုံးမမည်လား (သို့မဟုတ်) မည်သူက ဆုံးမမည်ကို အမြန်ဆုံး သိရှိလိုပါသည်။

Written by သဇင်ဥ 

ဂဠုန်ဦးစော၏ နောက်ဆုံးနေ့ရက်များ ......

ကြိုးမိန့် ကျထားသည့် ဦးစော အတွက် ဇနီးဖြစ်သူ ဒေါ်သန်းခင်နှင့် သမီး
ဘေဘီစောတို့သည် ဒေါက်တာဘမော်နှင့် ဒေါက်တာ ဘဟန်တို့အား အယူခံရှေ့နေလိုက်ပေးရန် တောင်းပန်ပါသည်။ သို့သော် အချည်းနှီး ဖြစ်သွား ခဲ့ရသည်။(ဗမာ့ခေတ်သတင်းစာ၊ ၁-၁-၁၉၄၈)
၁၉၄၈ ခုနှစ်၊ မတ်လ ၁၀ ရက်နေ့ တွင် ဦးစော၏ဇနီးဖြစ်သူ ဒေါ်သန်းခင် သည် ရှေ့နေကြီး
မစ္စတာဟက်ဗောက်မှ တစ်ဆင့် အင်္ဂလန်ပြည်၊ လန်ဒန်မြို့ရှိ ဦးစော၏ညီဝမ်းကွဲ ဦးမောင်မောင်ကြီးထံ ထိုခေတ်ငွေ ကျပ် ၂၀ဝ၀ အကုန်ခံပြီး သံကြိုးတစ်စောင် ပို့ကာ အကူအညီ တောင်းခဲ့ပါသည်။ ထိုသံကြိုးစာတွင် ဤ အမှုသည် အင်္ဂလိပ်အစိုးရလက်ထက်တွင် ဖြစ်ပွားခဲ့သဖြင့် ဘိလပ်ပရီဗီကောင်စီတွင် အယူခံဝင်ခွင့်ရှိကြောင်း၊ တရားဥပဒေ အားဖြင့် ညွှန်ကြားအကြံဥာဏ်ပေးနိုင် သော ဥပဒေပါရဂူများရှာဖွေပေးရန် ပါရှိ သည်။(ဗမာ့ခေတ်သတင်းစာ၊ ၁၁-၃-၁၉၄၈)
ဦးစော၏ လက်နက်မှုကြီးကို ၁၉၄၈ ခုနှစ် ဧပြီလ ၂၀ ရက်၊ နေ့လယ် ၂ နာရီ အချိန်တွင် အင်းစိန်ထောင်ကြီးထဲတွင် အင်းစိန်သတ္တမ တရားသူကြီးက စတင် စစ်ဆေးခဲ့သည်။ ဦးစောမှာ အတော်လေး ပိန်ချုံးသွားသည်။ ဦးစောက အမှုတွင် ပါဝင်သည့် ကလေးများသည် မိမိအိမ်မှ ကလေးများဖြစ်သဖြင့်သူတို့အတွက်ရှေ့နေ ငှားပေးရန်မှာ မိမိတာဝန်ဖြစ်ကြောင်း ပြောကြားသည်။ ဦးစောက တရားခံများ ကို တွေ့ဆုံရန် တောင်းဆိုသည်။ တရား သူကြီး ဦးစိုးက မိမိတွင် အာဏာမရှိ၊ အထက်အရာရှိများနှင့်သာ စကားပြောစေ လိုကြောင်း ပြောကြားခဲ့သည်။(ဟံသာဝတီသတင်းစာ၊ ၂၁-၄-၁၉၄၈)
အင်းစိန်ထောင်ကြီးထဲတွင် နိုင်ငံ တော် လုပ်ကြံမှုတရားခံ နံပါတ်တစ် တရားခံ ဦးစောထံသို့ ဇနီးဖြစ်သူ ဒေါ် သန်းခင်နှင့် သမီး ဘေဘီစောတို့ ဧပြီလ ၁၇ ရက်နေ့က သွားရောက်တွေ့ဆုံခဲ့ သည်။ ဒေါ်သန်းခင်နှင့် ဘေဘီစောတို့က ဦးစောအား ဇိနတ္ထပကာသနီကျမ်းစာအုပ် တစ်အုပ် ပေးခဲ့ကြသည်။ ဦးစောက သူ ရေးသားထားသော စာရွက်ပေါင်း ၄၀ ကျော် ၅၀ ခန့်ရှိမည့် သူ၏ကိုယ်တိုင်ရေး အတ္ထုပ္ပတ္တိ စာတမ်းရှည်ကြီးကို ပေးအပ် လိုက်သည်။(ဟံသာဝတီသတင်းစာ၊ ၂၁-၆-၁၉၄၈)
အင်းစိန်ထောင်မှနေပြီး ဦးစောသည် ဇနီးဖြစ်သူဒေါ်သန်းခင်ထံ စာတစ်စောင် ကို အောက်ပါအတိုင်းရေးပို့လိုက်သည်။ မာမီခင် ကျွန်တော်၏ အလောင်းကို အိမ်သို့ မယူပါနှင့်။ ဘယ်ကိုမှလည်း မယူပါနှင့်။ သေပြီးသောအပုပ်ကောင်ကြီးဟူ၍ တရား နှင့်ဖြေပါ။ သတိသံဝေဂဖြစ်ပါ။ အနိစ္စ တရားနှင့် အနတ္တတို့ကို ပွားများပါ။ သေပြီဖြစ်၍ မထူးပါ။ ထို့ကြောင့် မာမီတို့ ဒုက္ခမရှာကြပါနှင့်တော့။ သေသူ ရည်ရွယ်၍ ပဉ္ဇင်းခံခြင်း၊ ရှင်ပြုခြင်း၊ ဆွမ်းကျွေးခြင်း စသော ကုသိုလ်ကောင်းမှုများကို လုပ်ပါက မာမီ တို့မှာကုသိုလ်ရနိုင်ပါသည်။ အမျှအတန်း ဝေပါက ကုသိုလ်ရနိုင်ပါသည်။ ဤသို့ သော ကုသိုလ်ရေးများကိုသာ ဂရုစိုက်ပါ။(မြန်မာ့အလင်း၊ ၁-၅-၁၉၄၈)
ဦးစော သေသောအခါ ရုပ်ကလပ်ကို ဇနီးဖြစ်သူ ဒေါ်သန်းခင်က အပြင်တွင် သင်္ဂြိုဟ်ရန် တောင်းဆိုခဲ့သည်။ ဆိုင်ရာမှ ခွင့်မပြုခဲ့ပေ။ သို့သော် တရားခံများအား သရဏဂုံတင်ရန်ကိစ္စတွင် ၄င်းတို့ အလိုရှိ သည့် ဘုန်းတော်ကြီးများကို ပင့်ဖိတ်ပြီး သရဏဂုံ တင်ခွင့်ကို ဧပြီလ ၅ ရက်၊ ၆ ရက်၊ ၇ ရက်နေ့များတွင် ပြုလုပ်ခွင့်များ ပေးခဲ့သည်။(မြန်မာ့အလင်း၊ ၆-၅-၁၉၄၈)
နိုင်ငံတော်လုပ်ကြံမှုနှင့် ပတ်သက် သည့် မြန်မာနိုင်ငံ တရားလွှတ်တော်ချုပ် သို့အယူခံဝင်ရောက်ရေးအတွက်အခွင့်ထူး ပေးရန် ဝင်ရောက်ထားကြသော ဦးစော၊ မောင်စိုး၊ သက်နှင်းနှင့် မှုံကြီးတို့၏အမှု ကို ဧပြီလ ၂၇ ရက်နေ့၊ နံနက် ၁၁ နာရီ အချိန်တွင် တရားဝန်ကြီးချုပ် ဆာဘဦး၊ တရားဝန်ကြီး ဦးအေးမောင်နှင့် တရား လွှတ်တော် တရားဝန်ကြီးချုပ် ဦးသိမ်း မောင်တို့ကကြားနာစစ်ဆေးပြီး စီရင်ချက် ချမှတ်လိုက်သည်။ ယခုအမှုတွင် မှား ယွင်းစွာဖြင့် တရားဥပဒေကြောင်းအား ဖြင့်လည်းကောင်း၊ အကြောင်းအရာအား ဖြင့်သော်လည်းကောင်း စစ်ဆေးခဲ့သည့် ခုံရုံးနှင့် တရားလွှတ်တော်တို့က မှားယွင်း စွာ ဆုံးဖြတ်ထားခြင်းမရှိသည်ကို တွေ့ရ သည့်အတွက် တရားခံတို့သည် ဤရုံး တော်သို့ အယူခံဝင်ရန် အခွင့်တောင်းခြင်း သည် မပေးသင့်ဟုဆိုကာ တရားခံတို့၏ အယူခံဝင်ရောက်ရေးခွင့်ပန်လွှာကို ပယ်ချ လိုက်သည်။ (သံတော်ဆင့်၊ ၁၈-၄-၁၉၄၈)
နိုင်ငံတော် လုပ်ကြံမှုကြီးနှင့် ပတ် သက်သည့် ဦးစောနှင့် အပေါင်းအပါ တရားခံ ၈ ဦးအား မေလ ၈ ရက်နေ့တွင် ကွပ်မျက်ရန်၊ အထူးခုံရုံးအဖွဲ့မှ ဆိုင်ရာသို့ ၂၈-၄-၄၈ ရက်နေ့က သေဒဏ်ဝရမ်းများ ထုတ်ပေးလိုက်သည်။ ဦးစော၏ဇနီး ဒေါ် သန်းခင်သည် ၂၇-၄-၄၈ နေ့စွဲဖြင့် ゞင်း ၏ အေဒီလမ်းရှိ နေအိမ်ကို ပြန်ပေးရန်နှင့် ၄င်း၏ လင်ယောကျာ်း အဆုံးစီရင်ပြီး သောအခါ အလောင်းကို ထိုအိမ်သို့ယူ ဆောင်ကာ သင်္ဂြိုဟ်ခွင့်ပြုရန် ဆိုင်ရာသို့ တောင်းဆိုထားသည်။(သံတော်ဆင့်၊ ၂၉-၄-၁၉၄၈)
နိုင်ငံတော် လုပ်ကြံမှုကြီးနှင့် ပတ်သက်၍ ကြိုးဒဏ်အတည်ပြုခြင်းခံရ သည့် ဦးစောသည် မေလ ၆ ရက်နေ့ ညနေအချိန်တွင် အင်းစိန်ထောင်အတွင်း ၌ မိုးညှင်းဆရာတော်ကြီးနှင့် အခြား ဆရာတော်သုံးပါးတို့၏တရားတော်တို့ကို နာယူခဲ့သည်။ ဦးစောက မိုးညှင်းဆရာ တော်ကြီးကို ငွေကျပ် ၄၅၀ဝ ရေစက်ချ လှူဒါန်းခဲ့သည်။(သံတော်ဆင့်၊ ၇-၅-၁၉၄၈)
မေလ ၈ ရက်နေ့ လင်းအားကြီး အချိန်တွင် ဦးစောနှင့် အပေါင်းအပါ တရားခံများအား ကြိုးဒဏ်ပေးမည် ဖြစ် သည်။ ရန်ကုန်ထောင်ကြီးထဲတွင် ရန် ကြီးအောင်နှင့် စိန်ကြီးတို့အား လည်း ကောင်း၊ အင်းစိန်ထောင်တွင် ဦးစော၊ မောင်စိုး၊ သက်နှင်းနှင့် မှုံကြီးတို့အား လည်းကောင်း နှစ်ယောက်တစ်တွဲစီ တစ် နာရီခြား ကြိုးပေးမည်ဖြစ်သည်။ မောင်နီ နှင့် သုခတို့မှာ နောက်လိုက်ငယ်သားများ ဖြစ်သောကြောင့် သမ္မတကြီး၏ ဆန္ဒအရ မေလ ၆ ရက်နေ့တွင် နိုင်ငံတော် ဇီဝိတ ဒါနအဖြစ် သေဒဏ်မှ ချမ်းသာပေးကာ တစ်သက်တစ်ကျွန်းဒဏ်သို့ ပြောင်းလဲ လိုက်သည်။(သံတော်ဆင့်၊ ၈-၅-၁၉၄၈)
နိုင်ငံတော်လုပ်ကြံမှုတရားခံ ဦးစော အား ချုပ်နှောင်ထားသည့် ကြိုးတိုက် အမှတ် ၃ တွင် ကြိုးဒဏ်မခံရမီ တစ်နေ့ က အောက်ပါစာလေးကို ကြိုးတိုက်နံရံ တွင် ခဲဖြင့်ရေးသွားခဲ့သည်။ အတိတ်ဘဝမကောင်းမှုက အရင်းခံကြောင့် ဒုက္ခဖြစ်ရသည်။ ဥယိဋ္ဌကကံကကပ်၍ နှိပ်စက်သောကြောင့် စိတ်ဆင်းရဲ၊ ကိုယ်ဆင်းရဲဖြစ်ရသည်။ အထည်ခံရုပ်ကြမ်းခုတား သေသည်နောက်တိုင်အောင် ကျန်ရှိလေ၏။(အိုးဝေ၊ ၂၇-၈-၁၉၄၈)
နံနက် ၅ နာရီ မိနစ် ၂၀ တွင် ရောက် ရှိကြသော ပရိသတ်များက ဦးစောထား ရာ ကြိုးတိုက်သို့သွားကြကြောင်း၊ ခဏမျှ အကြာတွင် ၄င်း၏အခန်းကို ဖွင့်ပေးလိုက် ရာ ၄င်းဆင်းမည်အပြုတွင် ကြိုးစင်တင် သောအခါ ဝတ်ရသောအင်္ကျီရှည်အဖြူကို ဝတ်ပေးမည်လုပ်ရာ ဦးစောက ဟိုပေါ် ရောက်မှဝတ်ပါလားခင်ဗျာဟု တောင်းပန် သည့်အတွက် မဝတ်ဘဲ ထောင်ပိုင်ကြီးက မူးမိုက်သွားမည်ကို စိုးရိမ်သဖြင့် လက်မောင်းမှ တွဲခေါ်လာကြောင်း၊ ထိုအချိန် သည်ကား နံနက် ၅ နာရီခွဲ တိတိပင် ဖြစ်၏။ ဦးစောမှာ ကြိုးတိုက်မှ ကြိုးစင်သို့ အရောက်တွင် လိုက်လာရာ ၄င်းကိုယ် တွင် ပိုးရှပ်အင်္ကျီအပြာလက်တိုနှင့် ပိုးရှမ်း ဘောင်းဘီကို ဝတ်ဆင်၍ ရှေ့ထိုးဖိနပ် အနက်ကို စီးလာကြောင်း။ ဦးစောမှာ နောက်ဆုံးအချိန်အထိ ဣနြေ္ဒမပျက်ဘဲ ပြုံးပြုံးရယ်ရယ်နှင့် ထောင်ပိုင်ကြီးအား(ဂွတ်ဘိုင်)ဟုပင် နှုတ် ဆက်သွားသေးသည်ဆိုကြောင်း။ ကြိုးစင်ပေါ်သို့ မတက်မီ ထောင် အရာရှိကြီးများက ၄င်းတို့ထုံးစံအတိုင်း ဘုရားကို အာရုံပြုရန် ခွင့်ပြုကြောင်း။ ဦးစော ကြိုးစင်ပေါ်သို့ရောက်သောအချိန် သည်ကား ၅ နာရီ ၃၂ မိနစ်ခန့်ရှိပြီဖြစ်ရာ ၄င်းအား အင်္ကျီရှည်ကို ထောင်မှူးကြီးက ဝတ်ပေးပြီး လက်နှင့်ခြေတို့ကို ကြိုးဖြင့် တုပ်ကာ အိတ်ဖြူစွပ်လိုက်ပြီး ကြိုးကွင်း ကို စွပ်လိုက်သည်။ တစ်ခဏမျှကြာသော အခါ ကြိုးတိုက်ဆိုင်ရာ ထောင်မှူးကြီးက ဖြုတ်လိုက်တော့ကြောင်း၊ ထိုအချိန်သည် ၅ နာရီ ၃၃ မိနစ်တိတိအချိန်ပင် ဖြစ်ရ ကား သံပြားကျသွားသော ဒိုင်းဟူသော အသံမှတစ်ပါး ဘာမှမကြားရ။ ကြိုးစင် အောက်ဘက်သို့ လှမ်းကြည့်လိုက်သော အခါ မပြောပလောက်သော လှုပ်ရှားမှု ကလေးဖြင့် မိနစ်အနည်းငယ်အတွင်း ဇီဝိန်ချုပ်သွားတော့ကြောင်း။ (သတင်းစာရေးသားချက်အတိုင်း ကူးယူဖော်ပြသည်) (သံတော်ဆင့်၊ ၈-၅-၁၉၄၈)
ဂဠုန်ဦးစောဇနီးထံမှ လျော်ကြေး ၄ သိန်းရလိုကြောင်း ဗိုလ်ချုပ်အောင်ဆန်း နှင့်အတူ လုပ်ကြံခြင်းခံရမှုတွင် ပါဝင် သည့် သယ်ယူပို့ဆောင်ရေးနှင့် လမ်းပန်း ဆက်သွယ်ရေးဌာန အတွင်းဝန် ဦးအုန်း မောင်၏ ကျန်ရစ်သူဇနီး ဒေါ်သိန်ြးွကယ် နှင့် သားသမီးများက တရားလွှတ်တော် တွင် တရားမကြောင်းဖြင့် တရားစွဲဆိုခဲ့ သည်။ အဆိုပါ တရားမမှုကြီးနှင့်ပတ် သက်ပြီး ဒေါ်သိန်ြးွကယ်ဘက်မှ လိုက်ပါ ဆောင်ရွက်သည့်ဝတ်လုံတော်ရမှာ ဒေါက် တာ ဘဟန် ဖြစ်သည်။ (မြန်မာ့အလင်း၊ ၂၉-၆-၁၉၅၀)

မှတ်ချက်
အချက်အလက်များကို လွတ်လပ်ရေးကြေညာပြီး ချိန် မြန်မာနိုင်ငံ၊ ၁၉၄၈-၁၉၉၈ ရွှေရတု နှစ် ငါးဆယ်ပြည့် ပြည်ထောင်စုမြန်မာနိုင်ငံသတင်းစာ မှတ်တမ်းများ၊ ပထမတွဲနှင့်ဒုတိယတွဲ၊ တက္ကသိုလ် စိန်တင် စာအုပ်များမှရယူပါသည်။
တင်ညွန့်
နောက်ဆက်တွဲ...

"ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက ဘာမှ လုပ်ခဲ့တာမှ မဟုတ်တာ။ သူတို့ အဘိုးကလည်း သူ့အပြစ်အတွက် ဥပဒေအရ ခံသွားပြီပဲ။ ကျန်တဲ့လူမှာ ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း အပြစ်ရှိတဲ့လူတွေရယ်လို့ မသတ်မှတ်သင့်ဘူး"

(ဒေါ်အောင်ဆန်းစုကြည်)

လီလီပန်း အဖြူရောင်လေးများက ကနုတ်ပန်းကြွ မင်္ဂလာဘိသိက် ငွေဖလားကြီးထဲ၌ လှလှပပ လန်းလန်းဆန်းဆန်း။ လွန်ခဲ့ပြီးသော ဆယ်စုနှစ်သုံးခုကျော်မှကြီးကျယ် ခမ်းနားလှသည့် မင်္ဂလာအခမ်းအနားပွဲ တစ်ခု၏ မြင်ကွင်းဖြစ်သည်။

ဘိသိက်ခံမင်္ဂလာမောင်နှံမှ သတို့သမီးမှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများကို လုပ်ကြံမှုတွင် မြန်မာ့သမိုင်း တရားခံတစ်ဦးအဖြစ် ပြည်သူများအကြား ယနေ့တိုင် နာမည်ဆိုးနှင့် ရှိနေခဲ့သော ဂဠုန်ဦးစော၏ မြေးဖြစ်၏။ ဦးစော၊ ဒေါ်သန်းခင်တို့၏ သမီးဒေါ်ဘေဘီစောမှ မွေးဖွား သော ဒုတိယသမီး ဒေါ်မွန်မွန်ရင်ဖြစ်သည်။

ဒေါ်မွန်မွန်ရင်၏ မင်္ဂလာပွဲ ဘိသိက်ပန်း ငွေဖလားတွင် လီလီပန်းကိုသာ ထိုးရမည်ဆိုသည့် အဘွားဒေါ်သန်းခင်၏ တစ်ချက်လွှတ် ဆန္ဒဖြင့် ထိုလီလီပန်းဖြူဖြူ ဖွေးဖွေးများကို ရန်ကုန်တစ်မြို့လုံးတွင် မရမက ရှာဖွေခဲ့ရသည်ဆို၏။

ထိုပန်းများကို တစ်မြို့လုံးတွင် မရမက လိုက်လံရှာဖွေခဲ့ရာ နောက်ဆုံးတွင်မှ တိုက်တိုက်ဆိုင်ဆိုင်ပင် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ဇနီးဖြစ်သူ ဒေါ်ခင်ကြည်ခြံထဲ၌ စိုက်ပျိုးထားသော လီလီပန်းများရှိကြောင်း သတင်းရသဖြင့် ထိုလီလီပန်း အဖြူရောင်များကို မင်္ဂလာဘိသိက်ပန်းအဖြစ် ထိုးနိုင်ခဲ့ခြင်းဖြစ်သည်။

ထိုအဖြစ်အပျက်မှာ လွန်ခဲ့သော နှစ်ပေါင်းသုံးဆယ်ကျော်က ဖြစ်ပြီး သမိုင်းဝင် မှတ်တမ်းတွင် မိသားစုနှစ်ခုကြား တစ်ကြိမ်တည်းသော အမှတ်မထင်ဆုံစည်းခဲ့သည့် ဆက်စပ်မှုတစ်ခု ဖြစ်ခဲ့လေသည်။

“ပန်းတွေ သွားခူးတဲ့နေ့က လာခူးတဲ့ လူတွေကို အန်တီဒေါ်ခင်ကြည်က အိမ်ပေါ်ကနေသော့ ပစ်ချပေးရင်း ဘယ်သူ့မင်္ဂလာဆောင်လဲလို့ မေးတယ်တဲ့။ ဦးစော၊ ဒေါ်သန်းခင်မြေး မင်္ဂလာဆောင်ပါလို့ ပြောတော့ သြော် ဒေါ်သန်းခင်က မြေးတွေဘာတွေနဲ့ ဆိုတော့ ကျွန်မထက် သူကတောင် ပိုကံကောင်းတာပေါ့လို့ ပြောတယ်တဲ့။ အဲဒီစကားလေးနဲ့ ပန်းလေးတွေက မှတ်မှတ်ရရပါပဲ” ဟု ဒေါ်မွန်မွန်ရင်က သူ့မင်္ဂလာဆောင် အမှတ်တရ ဘိသိက်ပန်းအဖြစ် ဒေါ်ခင်ကြည် စိုက်ပျိုးထားသော အဖြူရောင် လီလီပန်းလေးများကို မင်္ဂလာငွေဖလားထဲတွင် ထိုးစိုက်နိုင်ခဲ့ပုံကို ဂုဏ်ယူဝင့်ကြွား ပီတိဖြစ်စွာ ပြန်ပြောင်းပြောပြသည်။

ယခုအခါ ဦးစော၏ ဇနီး ဒေါ်သန်းခင်လည်း မရှိတော့၊ ဦးစော၏ သမီးဒေါ်ဘေဘီစောလည်း ကွယ်လွန်သွားပြီ ဖြစ်သည်။ အချိန်ကာလ ဆယ်စုနှစ်တွေလည်း တစ်စုပြီးတစ်စု ဖြတ်ကျော်ခဲ့ပြီ ဖြစ်သကဲ့သို့ ဦးစောမိသားစုဝင်တွေလည်း သမိုင်းမှအရိပ်မည်းတစ်ခု၏ ခြောက်လှန့်မှု အောက်မှ တဖြည်းဖြည်း ရုန်းထွက်လာနိုင်ပြီ ဖြစ်သည်။ သမိုင်းတရားခံ မိသားစုအဖြစ် အပြစ်ရှိသူများကဲ့သို့ ဖြတ်သန်းလာခဲ့ရသည့် ကာလများမှာ အချိန်တွေ ကြာလာသည်နှင့်အမျှ ဒေါ်မွန်မွန်ရင်၏ သား၊သမီးမြေးများ လက်ထက် ယခုအခါတွင်မူ တဖြည်းဖြည်း လွတ်မြောက်လာခဲ့ပြီဟု ဒေါ်မွန်မွန် ရင်ကယူဆလေသည်။

“အန်တီ့မေမေနဲ့ အဘွားတုန်းကတော့ တော်တော်လေး ရပ်တည် ရုန်းကန်ခဲ့ကြရတယ်။ အန်တီတို့ကျတော့ ကံကောင်းပါတယ်။ တော်တော်ကို အခြေအနေ ကောင်းလာပါတယ်။ ဒါပေမဲ့ အန်တီ့သမီးကြီးတုန်းကတော့ နည်းနည်းလေး ဂယက်ရှိခဲ့သေးတယ်။ ဆိုးဆိုးဝါးဝါးကြီးတော့ မဟုတ်ပါဘူး”

“ဦးစောမြစ်တဲ့”၊ “ဦးစောမြစ်တဲ့” ဆိုသည့် တစ်ကျောင်းတည်းနေ ကျောင်းသူ၊ ကျောင်းသားများထံမှ ကြားရသည့် မလိုလားသော အသံဟန်နှင့် ပြောဆိုမှုကိုကြုံတွေ့ခဲ့ရသည့် သမီးကြီးအတွက် ဒေါ်မွန်မွန်ရင် စိတ်ပူကာ နောက်ကျောင်းတစ်ကျောင်းသို့ ပြောင်းထားခဲ့ရသည်။

“ကလေးတွေမှာ ခံစားချက်ရှိ တယ်။ ကလေးချင်းဘာမှ ဆိုးဆိုးဝါးဝါးမရှိပေမယ့် ကျောင်းမှာ သူတို့အဘိုးနာမည်ကိုတပ်ပြောလာတော့ ကြောက်တာပေါ့လေ။ ကလေးစိတ်အနှောင့် အယှက်ဖြစ်မှာစိုးတာနဲ့ ကျောင်းပြောင်းလိုက်ရတာပေါ့”ဟု အဘိုးဖြစ် သူ၏ ဂယက်ရိုက်ခတ်မှုက မြစ်ဖြစ် သူအထိပင်ရှိခဲ့ကြောင်းကို ဒေါ်မွန်မွန်ရင်က ဥပမာပေး၍ ပြောပြသည်။

ဒေါ်မွန်မွန်ရင်မှာ ငယ်စဉ်က ပင် မိခင်နှင့်အဘွားဖြစ်သူသင်ကြား ပေးသည့်အတိုင်း နေထိုင်ခဲ့ရသလို ယခုသူ့သားသမီးမြေးများကိုလည်း ထိုကဲ့သို့ပင် ဆက်လက်သင်ကြားပေး သည့်အတွက် လူမှုပတ်ဝန်းကျင်တွင် ကောင်းမွန်စွာ နေထိုင်နိုင်ခဲ့ကြခြင်း ဖြစ်သည်ဟု ဆိုသည်။

“အန်တီ့ကိုငယ်ငယ်ကတည်း က မေမေကပြောတယ်။ ကိုယ့်မှာအပြစ်ရှိခဲ့တယ်။ အဲဒါကြောင့်သူများ တွေက အဘိုးနဲ့ပတ်သက်လို့ပြော လာရင် ပြန်ရန်ဖြစ်တာတို့ ပြန်ပြောတာတို့မလုပ်ရဘူးတဲ့ ဦးနှောက်ထဲကို အဲဒီအတိုင်းသွင်းပေးထားတာ။ အဲဒီတော့ ဘာမှ ပြန်မပြောရဲဘူး”ဟု ဒေါ်မွန်မွန်ရင်ကဆိုသည်။

ဒေါ်မွန်မွန်ရင်သည် မိသားစုနှင့်အတူ ဦးစော နေထိုင်ခဲ့ရာ အေဒီလမ်းရှိ အိမ်ခြံဝင်းနှင့် တစ်ခြံကျော်၌ လက်ရှိနေထိုင်လျက်ရှိသည်။ သူတို့အိမ်ဧည့်ခန်းဆောင်တွင် ၀င်ဝင်ချင်း တွေ့မြင်ရသည်က ဦးစောနှင့် ဇနီးဒေါ်သန်းရင်တို့ ဇနီးမောင်နှံပုံတူ ကျောက်စီပန်းချီကားကြီးဖြစ်၏။ ထိုပန်းချီကားခြေရင်းတွင် စားပွဲတစ်လုံးချကာ ရေပူရေအေး ဆက်ကပ်ထားသည်ကိုလည်း တွေ့ရသည်။

သမိုင်းတရားခံတစ်ဦး ဖြစ်သော်ငြား မိသားစုဝင်များကမူ ဦးစော ကြိုးစင်မတက် ခင် ထောင်အတွင်းမှ ရေးသားထားသောစာများကိုဖတ် ရှုသိမ်းဆည်းထားကာ ထိုစာများအရ အဘိုးဖြစ်သူ ဦးစောသည် မသေဆုံးမီ အမှန်တရားကို သိမြင်လက်ခံသွားခဲ့သည်ဟု ယုံကြည်လျက်ရှိကြ သည်။ ဦးစောက သူတို့အတွက် သူရဲကောင်း တစ်ယောက်မဖြစ်ခဲ့သော်လည်း သမိုင်းသင်ခန်းစာများ ပေးသွားခဲ့သူ တစ်ယောက်ဖြစ်သည့်အပြင် တိုင်းပြည်ကို ချစ်မြတ်နိုးခဲ့သူ တစ်ယောက်အဖြစ်လည်း လက်ခံထားကြသည်။

“သူမသေခင်ရေးခဲ့တဲ့ စာကိုကြည့်ရင်သူအမှန်တရားကို သိသွားခဲ့လို့ပေ့ါ။ တကယ်တော့ အထင်လွဲမှု တွေကနေ ဖြစ်လာတဲ့ သူ့ပင်ကို စိတ်ပေါ်လာတာပေါ့။ ဒေါသစိတ်ကြောင့် ဖြစ်ခဲ့ရတာလေ။ အဲဒီလိုသာ မဟုတ်ခဲ့ရင် တိုင်းပြည်လည်း ဒီလို ဘယ်ဖြစ်မလဲ။ သူလည်း တိုင်းပြည်ကို ချစ်တဲ့သူတစ်ယောက်ပဲ ဆိုတာ အန်တီတို့အိမ်မှာ ကျန်ခဲ့တဲ့ စာရွက်စာတမ်း၊ စာအုပ်တွေကို ကြည့်ရင်သိ နိုင်ပါတယ်””ဟု အဘိုးဖြစ်သူအပေါ် မိသားစုဝင်တစ်ဦးအဖြစ် နားလည်မှု ပြည့်ဝစွာဖြင့် ပြောပြသည်။

မည်သို့ပင်အဘိုးဖြစ်သူကို နားလည်မှုရှိသည်ဆိုဦးတော့ အဘိုး၏ တိုင်းပြည်အပေါ် ကျူးလွန်ခဲ့မှုအတွက် ယနေ့အချိန်ထိ ပေးဆပ်ရလျက်ရှိဆဲ ဖြစ်သည်ဟုဆိုသည်။

“လူတွေအမြင်မှာ သြော်.. ဒီမိသားစု သူတို့အပြစ်တော့သူတို့ သိသားပဲဆိုတာမျိုး ဖြစ်အောင် နေရပါတယ်။ အန်တီ့မေမေနဲ့ အဘွားတုန်းကဆိုရင် သူတို့တွေက ရှိတဲ့ပစ္စည်း ထုတ်ရောင်းတာ။ အပြင်လူနဲ့ ကူးလူးရတဲ့ စီးပွားရေးတွေ ဘာတွေလုပ်လို့ အဆင်မပြေဖူးလေ။ အဘိုးထားခဲ့တဲ့ ခြံပတ်ပတ်လည်က မြေတွေရောင်းစားပြီး နေလာခဲ့ကြတာ။ အန်တီ့အမေ လက်ထပ်ပြီး နောက်ပိုင်း အဖေက ၀န်ထမ်းဆိုတော့ အန်တီတို့လည်း ၀န်ထမ်းမိသားစုဝင်တွေ ဖြစ်လာတာပေါ့။ တဖြည်းဖြည်းနဲ့” ဟု ဦးစောမိသားစုဝင်များအဖြစ် ဖြတ်သန်းခဲ့ရသည့် အတိတ်ပုံရိပ်တို့ကို ပြန်ပြောင်းပြောပြသည်။

ယခုတော့ တဖြည်းဖြည်းနဲ့ လူမှုဝန်းကျင် ကျယ်ပြန့်လာခဲ့သည် မှာ သားကြီးက ပြည်သူတွေနဲ့ ထိ တွေ့ဆက်ဆံရသည့် အနုပညာရှင်တစ်ဦးအဖြစ် ဆယ်နှစ်ကျော်ဖြတ်သန်းခဲ့ပြီ ဖြစ်သည်။ သားကြီးက သရုပ်ဆောင် မင်းခဖြစ်သည်။

သားကြီးသရုပ်ဆောင်လုပ် လိုသည်ဟုပြောသည့်နေ့က ဒေါ်မွန် မွန်ရင်အော်လိုက်သည့်အသံမှာ တစ်အိမ်လုံးပင် လန့်သွားရသည်ဟုဆို သည်။

“သရုပ်ဆောင်ပဲ ၀ါသနာပါတယ်။ သရုပ်ဆောင်ပဲ လုပ်မယ်ဆိုတော့ အဲဒီနေ့က အန်တီအော်လိုက်တာ အိမ်ကလူတွေတောင် လန့်သွား တယ်။ အမလေး၊ အမလေး ဘယ့်နှယ့် တစ်မိသားစုလုံး လူမသိသူမသိ နေလာရပါတယ်ဆိုမှ မင်းကျမှ သရုပ်ဆောင်လုပ်မယ် ဆိုပြီးတော့လေ။ ဘယ်လို စဉ်းစားလို့မှ မရတာ။ ဒါပေမဲ့ သူတို့ အဖေက ၀ါသနာပါတာ လုပ်ပါစေ ဆိုပြီး ကြည့်နေလိုက်တာ အခု ၁၀ နှစ် တောင်ရှိခဲ့ပြီ” ဟု ဆိုလေသည်။

မင်းခသရုပ်ဆောင်လုပ်နေ စဉ်မှာလည်း အချို့က ဦးစောမြစ် အဖြစ်သိကြသူများရှိသလို အများစု ကတော့မသိကြ။ သို့သော်လည်း သူ့အနုပညာ လုပ်ငန်းတွင်တော့ အဘိုးကြောင့် တစ်စုံတစ်ရာ အရိပ် မထင်ခဲ့ဟု ဒေါ်မွန်မွန်ရင်ကဆိုသည်။

ထိုကဲ့သို့ ဦးစောမိသားစုကို သိရှိဆက်ဆံ ရင်းနှီးကြသူများဖြင့် တဖြည်းဖြည်း ပြောင်းလဲမှုများ ရှိလာခြင်းတို့က ဒေါ်မွန်မွန်ရင် လက်ထက်ကပင် စခဲ့သည်ဆိုကလည်း မမှားပေ။ အာဇာနည်နေ့ နီးတိုင်း ပြုလုပ်လေ့ရှိသည့် ဟောပြောပွဲများ၊ ကျောင်း တွင်းလှုပ်ရှားမှုများလုပ်သည့် ရက်များဆိုလျှင် ဒေါ်မွန်မွန်ရင် မိဘများက သူမကို ကျောင်းသို့မလွှတ်တော့။ ဖခင်တာဝန်ကျရာ မော်လမြိုင်မြို့ရှိ မော်ဒလိန်းကျောင်းတွင် ၄ တန်းမှ ၇ တန်းအထိတက်ခဲ့စဉ်က အမှတ်တရ တစ်ခုရှိခဲ့ဖူးသည်။

ဦးစော၏ မြေးမှန်း မြို့ကလူများရော ကျောင်းကပါ သိကြသည့်မို့ မိဘများက အာဇာနည်နေ့ အကြိုနေ့မျိုးတွင် ကျောင်းလွှတ်ရန် စိတ်ပူပန်ခဲ့သည့်အတွက် ကျောင်းမတက်ခဲ့ရ။ ထိုအကြောင်းကို ကျောင်းမှ အကြီးတန်း ကျောင်းသားများက သိကြသည့်အခါ သူ့ထံလာရောက်၍ အားပေးနှစ်သိမ့် စကား ပြောခဲ့ဖူး သည်ကို ဒေါ်မွန်မွန်ရင်မမေ့ခဲ့။ ကျောင်းသားကြီးများ၏ ထိုသို့ အားပေးနှစ်သိမ့်မှုများက ဒေါ်မွန်မွန်ရင်ကို အတော်ပင် အားတက်စေခဲ့သည်။

“ကျောင်းဟောပြောပွဲတွေမှာဆို အတန်းကြီးတွေက ပြောတာကိုး။ အဲဒီရက်မှာ ကျောင်းမတက်တာ သိတော့ သူတို့က နောက်နေ့ အတန်းထဲကို လာပြောတယ်။ ဒါက သမိုင်းကို ပြောတာပေါ့နော်။ နင်တို့နဲ့ မဆိုင်ဘူးပေါ့။ ကျောင်းမတက်ဘဲ မနေနဲ့။ နောက်ဆိုရင် လာတက်။ နားထောင်ပေါ့ ဆိုတာနဲ့ နောက်နှစ်တွေက စပြီး အဲလိုပွဲတွေ သွားတက်ဖြစ်တယ်” ဟု မိဘများက စိတ်ပူသော်လည်း ကလေးအချင်းချင်း ပြဿနာ မရှိခဲ့ဘဲ နားလည်မှုရခဲ့ပုံကို ဒေါ်မွန်မွန်ရင်က ရှင်းပြသည်။

နောက်ပိုင်းမော်လမြိုင်မှ ရန်ကုန်သို့ ပြန်ပြောင်းလာကာ အထက ၂ စမ်းချောင်း (စိန်ဖလိုး)သို့ ကျောင်းပြောင်းခဲ့သည်။ ၈ တန်းမှ ၁၀ တန်းအထိ တက်ခဲ့ခြင်းဖြစ် ကာ ကျောင်းပြောင်းစတွင် သူ့ကို အတန်းကြီးများက ဦးစောမြေးအဖြစ် လာရောက်ကြည့်ရှုကြသည်မှအပ အခြားပြဿနာ တစ်စုံတစ်ရာမရှိခဲ့။

“မိန်းကလေးကျောင်းဆိုတော့ အစ်မကြီးတွေပေါ့။ လာကြည့်ကြတယ်။ အုပ်စုလိုက် လာကြည့်ပြီးမှ အားနာသွားပြီး သြော် အသစ်ဆိုလို့ လာကြည့်တာပါ။ ဘာညာနဲ့ လျှောချသွားတယ်။ သူငယ်ချင်းတွေက ကိုယ်နဲ့ ပေါင်းကြည့်တယ်။ အဆင်ပြေတော့လည်း ခင်မင်ရင်းနှီးသွားတာပါပဲ” ဟု ဒေါ်မွန်မွန်ရင်က ပြောသည်။

သေနတ်ဒဏ်ရာ တစ်ဆယ့်သုံးချက် ထိမှန်ကျဆုံးခဲ့ရသည့် အမျိုးသားခေါင်းဆောင် ဗိုလ်ချုပ်အောင်ဆန်း၏ မိသားစုနှင့် ထိုလုပ်ကြံ သတ်ဖြတ်မှု၏ ဦးဆောင်တရားခံ ဦးစောမိသားစု ကြားတွင်လည်း သည်ဆယ်စုနှစ်များစွာအတွင်း တွေ့ဆုံဆက်ဆံမှု တစ်စုံတစ်ရာ မရှိခဲ့သော်လည်း ထိုသမိုင်းဝင်ဖြစ်ရပ်အတွက် နာကြည်းမုန်းတီးမှုတို့ကို မတွေ့ရသည်က ဒေါ်ခင်ကြည် စိုက်ပျိုးထားသည့် လီလီပန်းများကို ဦးစောမြေး မင်္ဂလာဆောင်တွင် အသုံးပြုရန် ငြင်းပယ်ခြင်းမရှိခဲ့သည့် အဖြစ်အပျက်တစ်ခုကသာ ပြသနေသည်မဟုတ်။ ဦးစောမိသားစုအတွက် အမြဲကျေးဇူးတင် နွေးထွေးနေခဲ့ရသည်ဆိုသော ဒေါ်ခင်ကြည်၏ အမှတ်တရ စကားတစ်ခွန်းလည်း ရှိပါသေးသည်။

လွတ်လပ်ရေးရပြီး နိုင်ငံတော် လုပ်ကြံမှုနှင့်ပတ်သက်၍ ဒေါ်ခင်ကြည်အား နစ်နာကြေး တောင်းခံနိုင်ရန် တရားစွဲဆိုနိုင်သေးကြောင်း အကြံပြုသူရှိခဲ့သော်လည်း ထိုအချိန်က ဒေါ်ခင်ကြည် ပြောခဲ့ သည့်စကားကို ဒေါ်မွန်မွန်ရင် အဘွားမှသည် မိသားစုအားလုံးက မမေ့နိုင်ခဲ့ကြ…။

“အန်တီဒေါ်ခင်ကြည်က ဘာပြောခဲ့လဲဆိုတော့ ဒေါ်သန်းခင်က မျက်နှာမရှိဘဲ ဖြစ်ရတဲ့ မုဆိုးမ။ ကျွန်မက ဂုဏ်ရှိပြီး ကျန်ခဲ့ရတဲ့ မုဆိုးမပါ။ ဒါကြောင့် ဒေါ်သန်းခင်ဆီက ကျွန်မ ဘာမှ မယူလိုတော့ပါဘူးတဲ့။ အဘွားက အဲဒီစကားကို အခုထက် ထိမမေ့ပါဘူး” ဟုဆိုလေသည်။

ထိုအမှတ်တရများနှင့်အမှတ်တရ မင်္ဂလာဘိသိက အဖြူရောင် လီလီပန်းလေးများကပင် မိသားစုနှစ်စုကြား အဃာတတရား မရှိခဲ့ခြင်းကို သက်သေပြနေသည်။

ဒေါ်မွန်မွန်ရင်က ဗိုလ်ချုပ်အောင်ဆန်း၏သမီး ဒေါ်အောင်ဆန်းစုကြည်ကို အပြင်တွင် မတွေ့မမြင်ဖူးဘဲ အခြေအနေပေးခဲ့၍ တွေ့ခွင့်ရခဲ့ရပါက တွေ့လိုစိတ် ပြင်းပြင်းပြပြ ဖြစ်မိသော်လည်း တကယ်တမ်း တွေ့ရမည်ဆိုခဲ့လျှင်လည်း တွေ့ဖို့ မ၀ံ့ရဲကြောင်း ဖွင့်ဟသည်။

“ကိုယ်က ဒီမှာတောင် ငုံ့နေရတဲ့သူလေ။ ဒေါ်စုကတော့ Image အရမ်းကြီးတယ်။ ကမ္ဘာကတောင် အသိအမှတ်ပြုခံရတဲ့သူ ဆိုတော့လေ။ ဘာနဲ့မှ နှိုင်းယှဉ်လို့ မရပါဘူး။ မိသားစု သမိုင်းကြောင်းတွေကြောင့် တွေ့ဖူးချင်ပေမယ့်လည်း မတွေ့ရဲပါဘူး။ မေမေတို့တုန်းက ဆိုရင်တော့ တစ်မျိုးပေါ့လေ” ဟု ဒေါ်အောင်ဆန်းစုကြည်ကို လေးစားကြောင်းနှင့် ပြောစရာ မရှိအောင်ပင် ကွာခြားမှုများပါကြောင်း ဒေါ်မွန်မွန်ရင်က ဆိုသည်။

ဒေါ်မွန်မွန်ရင်တို့ ဦးစောမျိုးဆက် မိသားစုဝင်များနှင့် ပတ်သက်ပြီး ဒေါ်အောင်ဆန်းစုကြည်ကမူ အပြစ်မရှိသူ မိသားစုဝင်များ အပြစ်ရှိသလို ခံစားနေရခြင်းကို စိတ်မကောင်းဖြစ်မိကြောင်း ကရုဏာစကား ဆိုပါသည်။

“ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက ဘာမှ လုပ်ခဲ့တာမှ မဟုတ်တာ။ သူတို့အဘိုးကလည်း သူ့အပြစ်အတွက် ဥပဒေအရခံသွားပြီပဲ။ ကျန်တဲ့လူမှာ ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း အပြစ်ရှိတဲ့လူတွေရယ်လို့ မသတ်မှတ်သင့်ဘူး” ဟု ဒေါ်အောင်ဆန်းစုကြည်က ပြောပါသည်။

မိသားစုဝင်များနှင့်သာမဟုတ် ဦးစောအပေါ်ကိုပင် မည်သို့မျှ သဘော မထားကြောင်း ကို ဒေါ်အောင်ဆန်းစုကြည်က ဆက်လက်၍ “ဖေဖေနဲ့ ပတ်သက်ပြီး တွေးရင် ဦးစောကြောင့် ဖေဖေ ဆုံးသွားတယ်လို့ ဘယ်တုန်းကမှ မမြင်ဘူး။ ပြီးတော့လည်း နိုင်ငံရေးမှာ ဒီလိုပဲ ဖြစ်တတ်ပါတယ်””ဟု ဆိုလေသည်။

ဒေါ်မွန်မွန်ရင်ကတော့ သမိုင်းမှတ်တမ်းများမှာ မိသားစုနှစ်ခုကြား၌ ဖြစ်တည်ကွာခြားချက်များစွာ ရှိသော်လည်း ထိုကွာခြားမှုကြား တူညီမှုတစ်ခု ရှိမည်ဆိုသည်ကို ယခုလိုယုံကြည်မှု ပြည့်ဝစွာဖြင့် ပြောပြသည်။

“တကယ်တော့ တိုင်းပြည်ကို ချစ်ကြတာချင်းတော့ အတူတူပဲနေမှာပါ” ဟူ၍ ဖြစ်လေသည်။

စက်တင်ဘာ ၂၁ ရက်၊ ၂၀၁၁ ခုနှစ်ထုတ် 7 Days Journal တွင် ဖော်ပြသော စာရေးသူ ငြိမ်းငြိမ်းနိုင်၏ ဆောင်းပါးတစ်ပုဒ်အား ကို Min Kyaw Khine (facebook)မှပြန်လည်မျှဝေလိုက်ပါသည်.။
Posted by မြတ်လေးငုံ

ခွေးမောင်းသလို မောင်းထုတ်ပစ်ရမှာ...

နိုင်ငံခြား အန်ဂျီအို သုံးခုသည် ဇူလိူင်လ ၃ ရက်နေ့က မောင်တောမြို့ပေါ်ရှိ ဒုက္ခသည် စခန်းများသို့ လာရောက်ပြီး အကူအညီပေးစဉ် ထိုသို့ ငြင်းပယ်ခံရခြင်း ဖြစ်သည်။

“ သူတို့က ဒီဒေသမှာ ဆန်ပေးတယ်။ ကျန်းမာရေးအခမဲ့ ပညာရေး အခမဲ့ ဒါတွေကို ဆောင်ရွက်ပေးတယ်။ တို့တိုင်းရင်းသားတွေ အတွက် မဟုတ်ဘူး။ သူတို့က တို့တွေ အတွက် ဘာမှလုပ်ပေးခဲ့ တာမရှိဘူး။ မူဆလင် ရွာတွေမှာ လမ်းဖောက်ပေးတယ်။ ရေတွင်းတူးပေးတယ်။ ရေကန်ဖော်ပေးတယ်။ တို့တိုင်းရင်းသား ရွာတွေမှာ ဘာမှမရှိဘူး။ အဲသလို အခြေအနေမျိုးမှာ အခုတော့ အေးချမ်းစွာ လုပ်ကိုင်စားသောက်နေတဲ့ တို့ရင်းသားတွေကို ဒီအန်ဂျီအိုတွေ အားကိုးနဲ့ အကြမ်းဖက်ခြင်းခံရတယ်။ သာမန် အားဖြင့်ကြည့်ရင် ရခိုင်နဲ့ ကုလား အဓိကရုဏ်းဖြစ်တယ်လို့ မြင်နိုင်တယ်။ ဒီထက်လေးနက်တဲ့ အပိုင်းက နိုင်ငံတော်ရဲ့ အချုပ်အချာအာဏာကို ထိပါးတာဖြစ်တယ်” ဟု ဆရာတော်က ပြောသည်။

“ အဲဒါကြောင့်မို့ မင်းတို့ ထောက်ပံ့တဲ့ ပစ္စည်းတွေကို ငါတို့မလိုအပ်ဘူး၊ မင်းတို့ မလာပါနဲ့လို့ ပြောလိုက်တယ်။ တို့လူမျိုးတွေက သူများကို အားကိုးတဲ့လူမျိုး မဟုတ်ဘူး။ ဒီလိုဘဲ ပြောပြီး သူတို့ကို ကျောင်းထဲက လွှတ်လိုက်တယ်” ဟု ဆရာတော်က ဆိုသည်။

 

By Win Naung

သခင်နု(သို့မဟုတ်)မုန်တိုင်းထဲက သစ်ရွက်တစ်ရွက် (ဒဂုန်တာရာ)

ဦးနု (၀ါ) သခင်နု (၀ါ) ကိုကြီးနုနှင့်ပတ်သက်၍ နိဒါန်းပျိုးစရာသိပ်လိုမည်မထင်။ တက္ကသိုလ်ကျောင်းသားသမဂ္ဂ ဥက္ကဋ္ဌ၊ ဖဆပလ ဥက္ကဋ္ဌ၊ လွတ်လပ်သောမြန်မာပြည်၏ ပထမဆုံးဝန်ကြီးချုပ်၊ ဂါးဒီးယန်း ဦးစိန်ဝင်းက ရာဇပလ္လင် ဖင်ကပ်ပါသူဟုဆိုခဲ့သူ၊ မိတ္တဗလကျမ်းကိုဘာသာပြန်ဆိုသလို ထိုကျမ်းကိုလည်း ထုံးလိုချေ ကျေညက်သူ၊ ဆဋ္ဌသင်္ဂါယနာတင်ဒါယကာကြီး စသည့် ဘ၀ဖြစ်စဉ်များ။ နိုင်ငံရေးနယ်ပယ်ကိုစွန့်ခွာရန် အကြိမ်ကြိမ်ကြိုးစားခဲ့သော်လည်း တ၀ဲလည်လည် ပြန်ရောက်ရှိလာခဲ့ရသည်။ သူ့ဘ၀သည်ပင် နှစ်ဆယ်ရာစုမြန်မာ့သမိုင်း ဖြစ်နေလေရော့သလား။ သူ့သမိုင်းကို တစ်ချို့က ဖျောက်ဖျက်ရန်ကြိုးစားချင်ကြသည်။ သို့သော် မပျက်။ သမိုင်းသည် သမိုင်းသာတည်း။
ဤဆောင်းပါးပါ အချက်အလက်များနှင့်ပတ်သက်၍ ပြောစရာတစ်ခုရှိသည်ကား တို့ဗမာအစည်းအရုံးသို့ ၀င်ရောက်နေပြီဖြစ်သောသခင်နုကို ကိုအောင်ဆန်းတို့ခေါ်လာရသည်ဟူသောအချက် ဖြစ်သည်။ မှတ်သားမိသလောက် တို့ဗမာအစည်းအရုံးကို ကိုအောင်ဆန်း အရင်ဝင်သည်။ ထို့နောက် သခင်အောင်ဆန်းမှ ကိုကြီးနုကို အတင်းဝင်ရန်တိုက်တွန်းသောကြောင့် ကိုနုမှ သခင်နု ဖြစ်လာသည်။ သို့ဖြစ်ပါ၍ သခင်နုကို တို့ဗမာအစည်းအရုံးမှ ကိုအောင်ဆန်းသွားခေါ်သည်မှာ မဖြစ်နိုင်။ သခင်နု တို့ဗမာအစည်းအရုံးဝင်ဖြစ်နေချိန်တွင် သခင်အောင်ဆန်းလည်း ထိုအဖွဲ့ဝင်ဖြစ်နှင့်ပြီး ဖြစ်သည်။ ကိုအောင်ဆန်းတို့သွားခေါ်ရိုးမှန်လျှင် ထိုအချိန်တွင် ကိုနုသည် တို့ဗမာအစည်းအရုံးဝင် မဖြစ်နိုင်သေးချေ။

ဂျပန်ခေတ်တွင် သခင်နုသည် နိုင်ငံခြားရေးဝန်ကြီးဖြစ်ရာ သခင်ဗဟိန်းမှာ သူ၏အတွင်းဝန်ဖြစ်သည်။

သခင်နု (သို့မဟုတ်) မုန်တိုင်းထဲက သစ်ရွက်တစ်ရွက်

ဒဂုန်တာရာ

(၁)

သခင်နု - ကျောင်းသား သပိတ်၊ ကျောင်းသားသပိတ် - သခင်နု။
ကျွန်တော့်အဖို့ရာကား သခင်နုနှင့် ၁၉၃၆ ကျောင်းသားသပိတ်သည် ခွဲခွာ၍မရအောင် ဆက်စပ်၍နေသည်။
ဗမာပြည်နိုင်ငံရေးရာဇ၀င်တွင် ၁၉၃၆ ခု ကျောင်းသားသပိတ်သည် မှတ်တိုင် တစ်တိုင်ဖြစ်သည်ဟုထင်သည်။ ၁၉၃၆ ခု ကျောင်းသားသပိတ်သည် ဗမာနိုင်ငံလုံးဆိုင်ရာကျောင်းသားသမဂ္ဂအသင်းချုပ်ကြီးကို မွေးဖွားပေးလိုက်သည်။ ကျောင်းသားသမဂ္ဂ၏ကြွေးကြော်သံဝယ် လူထုကြီးသည် မျက်စေ့ကိုပွတ်ကာ ထလိုက်ကြသည်။

ကျွန်ပညာ အလိုမရှိ

သခင်ပညာပေးလော့

ပညာရေး ပြုပြင်ပေး

ကျောင်းသားသမဂ္ဂသည် လူထု၏အသဲစွဲဖြစ်လာသည်။

၁၉၃၆ ခု ကျောင်းသားသပိတ်မှ ပေါ်ပေါက်လာသော ကျောင်းသားများသမဂ္ဂသည် ၁၉၃၈ ခု ရေနံမြေအလုပ်သမားအရေးတော်ပုံကြီးဝယ် နယ်ချဲ့စနစ်တိုက်ခိုက်ရေးတပ်ဦးသို့ ဘွားကနဲရောက်လာလေပြီ။ သမဂ္ဂသည် အလုပ်သမား၊ လယ်သမားတို့နှင့်အတူလက်တွဲကာ အရင်းရှင်စနစ်ဆန့်ကျင်ရေးအလံတော်ကို လွှင့်ထူခဲ့ကြပေပြီ။

အရင်းရှင်စနစ် ပျက်စီးပါစေ။
မီးတုတ် မီးတုတ် ရှိူ့ရှိူ့။
သူပုန် သူပုန် ထထ။
အရေးတော်ပုံ အောင်ပါစေ။

ကျောင်းသားသမဂ္ဂသည် နယ်ချဲ့တိုက်ခိုက်ရေးအင်အားစုကို ရှေ့ဆောင်လာလေပြီ။ ဤ ၁၉၃၈ အထွေထွေသပိတ်အရေးတော်ပုံ၏သားသမီးများဖြစ်ကုန်သော သခင်များ၊ ကျောင်းသားများသည် ဟိုင်နန်ကျွန်းသို့ လျှို့ဝှက်စွာစစ်ပညာသင်သွားပြီး ၁၉၄၁ က အင်္ဂလိပ်မောင်းထုတ်ရေးကို ရှေ့ဆောင်ပြုကြလေပြီ။

၁၉၄၁ - ၁၉၄၅၊ ဖက်ဆစ်မုန်တိုင်းကြီး။

ဤ ဖက်ဆစ်တော်လှန်ရေးကြီးကို ဤ ၁၉၃၆၊ ၁၉၃၈၊ ၁၉၄၁ ခု အရေးတော်ပုံများ၏ တိုးတက်သော အစိတ်အပိုင်းကပင် ပြုခဲ့ပေပြီ။ ဤ ဖက်ဆစ်တော်လှန်ရေးကပင် အမျိုးသားတပ်ပေါင်းချုပ်ကြီးဖြစ်သော ဖဆပလကို မွေးဖွားလိုက်လေပြီ။

ယခုကား လွတ်လပ်ရေးအောင်ပွဲကိုဆင်နွှဲကာ ပြည်ထောင်စုသမ္မတမြန်မာနိုင်ငံတော်ဟု ကြေညာခဲ့ပေပြီ။

၁၉၃၆ ကျောင်းသားသပိတ်၏အမှတ်အသား သခင်နု။
၁၉၃၈ အထွေထွေသပိတ်အရေးတော်ပုံ၏အမှတ်အသား သခင်ဗဟိန်း၊ ဒေါက်တာလှရွှေ။
၁၉၄၁ အင်္ဂလိပ်မောင်းထုတ်ရေးအမှတ်အသား သခင်အောင်ဆန်း။
၁၉၄၅ ဖက်ဆစ်တော်လှန်ရေးအမှတ်အသား သခင်စိုး၊ သခင်သန်းထွန်း၊ ဗိုလ်ချုပ်အောင်ဆန်း။
၁၉၄၆၊ ၁၉၄၇ ဖဆပလအမှတ်အသား ဗိုလ်ချုပ်အောင်ဆန်း။
ယခု ဖဆပလဥက္ကဋ္ဌနှင့် နိုင်ငံတော်ဝန်ကြီးချုပ် သခင်နု။

(၂)

၁၉၃၆ ကျောင်းသားသပိတ်။

ကျွန်တော်သည် ကျိုက်လတ် အမျိုးသားကျောင်းတွင် ပညာသင်လျက်ရှိသည်။ သပိတ်မမှောက်ခင်ကပင် သခင်နုအကြောင်းများကို သတင်းစာတွင်ဖတ်ရ၏။ သမဂ္ဂတရားပွဲတစ်ပွဲတွင် သမဂ္ဂဥက္ကဋ္ဌသခင်နုက “ဦးဥတ္တမကြီး ကုလားပြည် ပြန်လော့” ဟု ကြွေးကြော်လိုက်ပုံကိုဖတ်ရသောအခါ သူ၏ရဲရင့်ခြင်းအတွက် တက်ကြွ၍နေခဲ့၏။ နောက် ကျောင်းအုပ်ကြီး မစ္စတာစလောစ်နှင့်သခင်နု အပြန်အလှန်စာပေးသည့်သတင်းများကို ဖတ်ရ၏။ လူငယ်များက သခင်နုကို ချီးကျူးကြသည်။ ဘီအေဘွဲ့ကိုပြန်အပ်ကြောင်းကြားရသောအခါ လက်ခုပ်တီးကာ သြဘာပေးလိုက်ကြသည်။

ဇ၀န၏ ကောလိပ်ကျောင်းသားကိုဖတ်၍ တက္ကသိုလ်ကိုအထင်ကြီးနေစဉ် တက္ကသိုလ်၏ “ငွေလရောင်နှင့်အရိပ်” ဇာတ်လမ်းများကိုအိပ်မက်မက်နေစဉ် သခင်နုက ဘီအေဘွဲ့ကိုပြန်အပ်လိုက်ကြောင်း ကြားရသောအခါ သခင်နုကို နှစ်သက်စွဲလမ်းမိသည်။

ဖေဖော်ဝါရီ (၂၅) ရက်နေ့တွင် တက္ကသိုလ်မှခေါင်းဆောင်၍ သပိတ်မှောက်လိုက်သည့်သတင်းကို ကြားရသောအခါ ရင်တလှပ်လှပ် ဖြစ်လာ၏။ သပိတ်ကြီးကို မော်တော်ကားအမိုးတွင်လှန်တင်ကာ ကားကို တ၀ုန်းဝုန်းထုပြီး “ဘာစီတီ ဘာစီတီ ဘွိုက်ကောက် ဘွိုက်ကောက်” ဟု အော်ကြသောအသံသည် ရန်ကုန်ဘုရားလမ်းမှကျော်ကာ နယ်သို့ တဝေ့ဝေ့ ပဲ့တင်ထင်ရိုက်လာသည်။

ကျွန်တော်တို့ ဆယ်တန်းကျောင်းသားများမှာ စာမေးပွဲနီးကပ်၍ အိမ်တွင် စာကျက်ရန်အခွင့်ပေးထားသော ကျောင်းအားရက်အတွင်းဖြစ်လေရာ သပိတ်သတင်းကိုသာ နားတစွင့်စွင့် ရှိနေကြ၏။

ထိုအခိုက် ဖျာပုံကျောင်းသားများနှင့် ဆက်သွယ်ကြ၏။

တစ်ညနေတွင် ဖျာပုံမှ “ဖျာပုံမှောက်ပြီး။ အဆွေတို့လည်း မှောက်ပါ” ဟူသော သံကြိုးစာကို ရ၏။ ဆယ်တန်း ကျောင်းသားများစုဝေးကာ သပိတ်မှောက်ရန်ဆုံးဖြတ်ကြပြီး သပိတ်မှောက်ကြေညာစာတမ်းကို လက်မှတ်ထိုး၍ ရန်ကုန်သပိတ်စခန်းသို့ ပို့လိုက်ကြ၏။

ထိုညတွင် ကျောင်းသားတစ်ဦး၏အိမ်တွင်မအိပ်ဘဲ တစ်ညလုံး တရုတ်မှင်တောင့်များကိုဖျော်ကာ ကြွေးကြော်သံများကိုရေးပြီး ဈေးဆိုင်များ ကုက္ကိုလ်ပင်များတွင် ကပ်ကြသည်။

သပိတ်မှောက်ပြီ။

ကျွန်ပညာရေးကို မီးရှိူ့လော့။
စုတ်ချာသောပညာရေးကို အမြန်ပြုပြင်။

နောက်တစ်နေ့တွင် လူများသည် မိုးပေါ်ကကျလာသလို ဗြုန်းကနဲတွေ့ရသော ကြွေးကြော်သံများကို အံ့သြစွာ ဖတ်ကြရသည်။ ရှုတ်ချမည့်သူကား မရှိ။ မြို့မ စုံထောက်သည် ကျောင်းသားများကို လိုက်၍မေးမြန်း၏။

သို့နှင့် သပိတ်သည် တောမီးလောင်သလို တစ်ပြည်လုံးကူးစက်တောက်လောင်၍သွားလေပြီ။

(၃)

သပိတ်မှောက်ခေါင်းဆောင်များသည် အနယ်နယ်သို့ ၀ါဒဖြန့်ဖြူးရေးတရားဟော ထွက်လာကြလေသည်။ ကျွန်တော်တို့မြို့ကိုကား သခင်နု၊ သခင်ဗိုလ် (ဂျပန်ခေတ်က ကွန်မြူနစ်ပြောက်ကျားကိုယ်စားလှယ်၊ လေယာဉ်ပျံပျက်ကျ၍ဆုံးသူ)၊ ကိုထွန်းတင် (ယခု ဗိုလ်မှူးထွန်းတင်) တို့ လာကြသည်။ ကွယ်လွန်သူ ဖေဘီယံအဖွဲ့ဝင် သတင်းစာဆရာဦးဘခိုင်လည်း သခင်နုတို့နှင့်အတူ ပါလာသည်။

သတင်းစာထဲမှ မျက်နှာမဲစာလုံးများဖြင့် ကော်လံဦးမှဖော်ပြသော သခင်နု၏ဓာတ်ပုံရိပ်ကို ယခု ကိုယ်တိုင်တွေ့ရပေပြီ။ သင်္ဘောဆိပ်မှဆင်းလာပြီး သင်္ဘောဆိပ်အနီး ကျွန်တော်တို့အိမ်တွင် ခေတ္တနားသည်။

အိမ်တွင် လဘက်ရည်ပွဲဖြင့်တည်ခင်းကာ သခင်နုကို မြို့ပေါ်ရှိလူများနှင့် မိတ်ဖွဲ့ပေးသည်။ အမျိုးသား ကျောင်းအုပ်ကြီးနှင့်သခင်နုမှာ ဖော်ရွေပြုံးရယ်ကာ စကားပြောနေကြသည်။

သခင်နုသည် မီးခိုးရောင်သက္ကလပ်အပေါ်ဖုံး၊ အစိမ်းရင့်မန္တလေးလုံချည်ကို သပ်ရပ်စွာဝတ်ထားသည်။ ဆံပင်၏ အတွန့်အလိပ်များမှာ လှိုင်းထလျက် ရှိသည်။ သူ၏ မျက်နှာမှာ ကြည်လင်၍ ဖြူစင်ခြင်းလက္ခဏာသည် တောက်ပ၍နေသည်။

အထူးခြားအပေါ်လွင်ဆုံးကား တဖိတ်ဖိတ်ရွှန်းမြသောမျက်လုံးများ ဖြစ်သည်။ သူ၏ မျက်လုံးများမှာ ကောင်းကင်ပြာမှကြယ်ပွင့်ကဲ့သို့ ချစ်ဖွယ်ကောင်းသည်။ ပရိတ်သတ်ကို ဆွဲငင် စွဲလန်းအောင်လုပ်သော စိတ်တန်ခိုးနဂါးငွေ့များသည် ဤကြယ်ပွင့်မှ ဖိတ်ကျရစ်သန်းလျက် ရှိပေသည်။

သခင်နုသည် လဘက်ရည်စားပွဲတွင်စကားပြောနေရာမှ ဧည့်ခန်းထောင့်ရှိစန္ဒယားကို သွားမြင်၍ “သြ စန္ဒယားနဲ့ပါလား၊ ဘယ်သူတီးသလဲ” ဟု ပြုံးကာမေးသည်။ သူသည် လူ့ဘ၀၏လူမှုရေးရာမြောက်မြားစွာထဲတွင် သီချင်းဂီတကိုလည်း မမေ့ပေ။

သခင်နုသည် ကျိုက်လတ်တွင် နှစ်ရက်ခန့်နေစဉ် ရွှေကျင်သာသနာပိုင်ဆရာတော်ဘုရားကြီးအား သွားရောက် ကန်တော့သေးသည်။ တစ်နေ့လုံးအချိန်ယူ၍ ကုသိနာရုံ စသော ဘုရားပုထိုးများကို လှည့်လည်ဖူးမြှော်သည်။ ကျွန်တော်တို့ ကျောင်းသားတတွေကား သူ၏နောက်မှ တကောက်ကောက်လိုက်၍ နေကြသည်။

တိလောကမာရဇိန်ဘုရားအထွက်တွင် အ၀တ်အစားစုတ်စုတ်နွမ်းနွမ်းနှင့်လူတစ်ယောက်ကို သခင်နုက နှုတ်ဆက်စကားပြောသည်ကို တွေ့ရသည်။ သူသည် ပြုံးရယ်ကာ ဖော်ရွေစွာနှုတ်ဆက်ပြောဆိုသည်။ ကျွန်တော်တို့စိတ်ထဲတွင်ကား သူ၏ မေတ္တာဓာတ်ကို ချီးမွမ်း၍နေမိသည်။

သပိတ်လှန်ကာနီး ဂျူဗလီဟောလ်တွင်ကျင်းပသော ပထမနိုင်ငံလုံးဆိုင်ရာ ကျောင်းသားများညီလာခံသို့ တက်ရောက်သောအခါ ကျောင်းသားများ၏ပါးစပ်ဖျား၌ “ကိုကြီးနု” ဟူသောအသံသည် ဒေါင့်နေရာတိုင်းတွင် ကျူးရင့် မြည်ဟီးလျက်ရှိသည်ကို ကြားရလေသည်။

(၄)

အမှန်အားဖြင့် ကျွန်တော်သည် သခင်နုနှင့် တစ်ခါမှလက်ပွန်းတတီး မနေခဲ့ရဘူးပေ။ ကျွန်တော် တက္ကသိုလ်သမဂ္ဂတွင်ရှိသောအခါ သခင်နုသည် တို့ဗမာအစည်းအရုံးတွင်ရောက်နေပေပြီ။ သို့သော် နိုင်ငံရေးရာ၊ စာပေရေးရာတို့တွင် သခင်နု၏ပုံကားချပ် တစေ့တစောင်းကလေးများကား ရံဖန်ရံခါဆိုသလိုပင် ဆုံတွေ့နေရပေသည်။

တစ်ခါက ကိုအောင်ဆန်းဥက္ကဋ္ဌ ဖြစ်သောနှစ်၊ သမဂ္ဂက ဒေါက်တာဘမော်၏ တက္ကသိုလ်ပြင်ဆင်ရေးဥပဒေကြမ်းကိုပယ်သည့်ကိစ္စနှင့်ပတ်သက်၍ ကျောင်းသားအချို့မကျေနပ်၍ အယုံအကြည်မရှိအဆို တင်သွင်းရန် စိုင်းပြင်းလျက် ရှိ၏။ သမဂ္ဂက လူထုအစည်းအဝေးကို ခေါ်ပေးရ၏။

သမဂ္ဂစည်းမျဉ်းတွင် ပါတီနိုင်ငံရေး၌မစွက်ဖက်ရဟူသောစာပိုဒ်ပါရှိရာ ထိုစာပိုဒ်ကိုကိုးကား၍ အတိုက်အခံဘက်က ဆူပူလျက်ရှိသည်။ ကျောင်းသားများမှာ အတိုက်အခံဘက်သို့ယိမ်းလျက်ရှိရာ လက်ရှိ သမဂ္ဂအမှုဆောင်များ၏ အခြေအနေမှာ စိုးရိမ်စရာဖြစ်နေသည်။

သို့သော် လူထုအစည်းအဝေးပွဲတွင် သခင်နုကို စကားပြောခွင့်ပေးလေသည်။ ကိုအောင်ဆန်းတို့က သခင်နုကို တို့ဗမာအစည်းအရုံးမှ ခေါ်လာရသည်။ သခင်နု ထ စကားပြောသောအခါ ဝေါဝေါအော်နေသော ပရိသတ်သည် ငြိမ်သက်သွားလေသည်။

သခင်နု၏ သတ္ထုသံပါသောအသံသည် ခန်းမကြီးတစ်ခုလုံးတွင် တလွင်လွင် ပြည့်လျက်ရှိသည်။ သတ္ထုသံသည် တစ်ဒေါင့်မှတစ်ဒေါင့်သို့ ဝေ့ရိုက်လျက်ရှိသည်။ သူ၏ ကုလား-ဗမာအဓိကရုဏ်းအတွက် စိတ်ထိခိုက်ပုံကို စပြောသောအခါ ပရိသတ်သည်လည်း သူနှင့်အတူလိုက်၍ စိတ်ထိခိုက်နေပုံရသည်။

နောက် အဓိကရုဏ်းအတွင်း ညွန့်ပေါင်းအစိုးရတာဝန်မကျေပုံမှစပြီး လက်ရှိ သမဂ္ဂအမှုဆောင်၏ ကိုယ်ရေးကိုယ်တာကိုစွန့်ကာဆောင်ရွက်ကြပုံကို ချီးကျူးပြောသည်။ ပရိသတ်ကား သခင်နုခေါ်ရာသို့ လိုက်ပါကြလေပြီ။ နောက်ဆုံး မဲခွဲသောအခါ သမဂ္ဂ အပြတ်အသတ်အနိုင်ရလေသည်။

သည်ကတည်းက ကျွန်တော်သည် သခင်နု၏ဆွဲငင်နိုင်သော သံလိုက်ဓာတ်ကို ယုံကြည်မိသည်။

သခင်နု၏ တစေ့တစောင်းကားချပ်များထဲတွင် စကော့ဈေးနားရှိ နဂါးနီစာအုပ်တိုက်သည် နောက်ခံကားအဖြစ် ပေါ်လာတတ်ပေသည်။ လက်နှိပ်စက်ရိုက်သံ၊ သခင်စိုး၊ သခင်သန်းထွန်းတို့နှင့်အတူ သခင်နုကိုစာအုပ်များကြားထဲမှ တွေ့မြင်ရတတ်သည်။ သူတို့သည် နဂါးနီစာအုပ်အသင်းကို စတင်တည်ထောင်သူများ ဖြစ်ကြသည်။

၁၉၃၉ ခုက ကျွန်တော်သည် သခင်ထိန်ဝင်းနှင့်ကိုဗဆွေတို့၏တိုက်တွန်းချက်အရ ဖိလစ်ပိုင်မျိုးချစ် ဒေါက်တာဂျိုဆေရီဇာ ရေးသားခဲ့သော (အထိမခံ) ၀တ္ထုကြီးကို ဘာသာပြန်ခဲ့ရာ ပြီးဆုံး၍ စကော့ဈေးရှိနဂါးနီတိုက်သို့ သွားပေးသည်။ (ထိုစာမျက်နှာ ၃၀၀ ရှိ ဘာသာပြန်လက်ရေးမူမှာ ဂျပန်အတက် သခင်ဗိုလ်၏အိမ် မီးလောင်ရာတွင် ပါသွားပြီ)

နဂါးနီအခန်းတွင် သခင်နုကို တွေ့ရသည်။ ကျွန်တော်သည် စာအုပ်ဘီဒိုထဲရှိ ရောင်းသောစာအုပ်များကိုကြည့်ရှူနေရာ သခင်နုသည် အပါးတွင်လာရပ်၍ “အခု ဘာစာအုပ်တွေ ဖတ်နေသလဲ။ ဒါတွေ ဖတ်ကြည့်ပါလား” ဟု ပြောကာ ဘီဒိုထဲရှိ လက်ဝဲစာအုပ်အသင်းမှ ကွန်မြူနစ်စာပေများကို လက်ညှိုးထိုးပြသည်။ ကျွန်တော်လည်း သူညွှန်ပြသော လီနင်စာပေစဉ်မှ မာ့စ်စာပေစာအုပ် နှစ်အုပ်ကိုဝယ်ခဲ့သည်။ သည်ကစ၍ မာ့စ်ဝါဒနှင့်ပတ်သက်သော စာအုပ်များကို ပထမအကြိမ် ဖတ်ဖူးလေသည်။

(၅)

နဂါးနီစာအုပ်တိုက်မှ သခင်စိုး၏ “ဆိုရှယ်လစ်ဝါဒ”ကျမ်းသည် ဗမာပြည်တွင် ကွန်မြူနစ်ဝါဒမျိုးစေ့တစ်စေ့ ဖြစ်ပေ၏။ သခင်နုသည်လည်း ကွန်မြူနစ်ဝါဒခေတ်စားလာအောင်လုပ်သူတစ်ဦး ဖြစ်ခဲ့၏။ သူ၏ ဆောင်းပါးများကို နဂါးနီသတင်းစဉ်တွင် ဖတ်ရ၏။

သူ၏ “ခေတ်မီပြဇာတ်များ” ကိုကား အတော်ကို စွဲလမ်းခဲ့၏။ လူ့အထုပ္ပတ္တိ လူ့ဇာတ်ကိုသရုပ်ဖော်ပြသော လူ့ဘ၀ကြေးမုံများဖြစ်၏။ ပြဇာတ်ထဲရှိ ပြောသောစကားများမှာ တကယ့်လူဆန်၏။ မြေကြီးနှင့် နီးကပ်၏။

“မယားဆိုးလင်” နှင့် “လင်ဆိုးမယား” မှာ သဘာဝကျလှ၏။ မယားဆိုးလင်ထဲရှိ မိန်းမကြီး၏လေသံမှာ ဖတ်နေရင်း နားထဲတွင်စူးဝင်လာ၏။ ဖောင်သမားတစ်ဦး၏မယား လင်ငယ်နေပုံ ပြဇာတ်တစ်ခုမှာ လွမ်းစရာလည်းကောင်း၏။ သံဝေဂရဖွယ်လည်း ကောင်း၏။ “နောင်တော်ချွတ်ခန်း” ပြဇာတ်ကား ထိုအခါက သခင်နု၏ လူကျင့်တရားနှင့် နိုင်ငံရေးအမြင်ကိုဖွင့်ဟလိုက်ခြင်းဟု ထင်သည်။

လူမွဲတို့၏ထွက်ရပ်လမ်း၊ လူပေါ်လူဇော် စသော ဘာသာပြန်စာအုပ်ကြီးများလည်း ရေးခဲ့သေး၏။ လူပေါ်လူဇော်မှာ အထူးသဖြင့် ကုန်သည်များအဖို့အသုံးဝင်လှ၏။ ဂျပန်ခေတ်ကလည်း သူ၏ “ပုတုဇ္ဇနော ဥမ္မတကော” မှာ ကြွ၍ ဖျတ်လတ်၏။ “နွားသိုး ကြိုးပြတ်” ကား လိင်ပြဿနာကို မကွယ်မထောက် ပြောပြထား၏။ သူသည် လူများကို အိမ်ထောင်မှု၊ လိင်မှု စသည်တို့ကိုနားလည်စေချင်၏။

ယခုခေတ်တွင်ထွက်သော “မာ့(ခ်)ဆဇ္ဇင်း(မ်) ကိုကား နာမများ အမှတ်ရခက်သဖြင့် မဖတ်ဖြစ်ခဲ့ပေ။ “ငါးနှစ်ရာသီ ဗမာပြည်” မှာ ဖွင့်ဟ၀န်ခံချက်များ ဖြစ်ပေသည်။

သူ၏ “ရက်စက်ပါပေ့ကွယ်” ၀တ္ထုကိုကား အကြိုက်ဆုံးပင်။ ယခုခေတ် စာပေလောကတွင် ထူးခြားသောရတနာ တစ်ခုပင် ဖြစ်၏။ ပထမ အရင်းရှင်စနစ်၏စာရိတ္တများကိုဖော်ကာ ၀တ္ထုကိုဖွင့်လိုက်၏။ (သို့သော် ဖော်ပုံမှာအကြမ်းပြေး နိုင်သည်ဟု ထင်၏။) နောက် တဖြည်းဖြည်း တောင်ကိုတက်ရဘိသကဲ့သို့ မြင့်၍ မြင့်၍လာ၏။ မြင့်လာလေ မြေကြီးရှိ လှုပ်လှုပ်ရွရွသနစ်တွေကို မြင်လာ၏။ အကျဉ်းသားဘ၀ကို မီးမောင်းထိုးပြသည်မှာ ပေါ်လွင်လှ၏။ ဖတ်ရင်း ဆင်းရဲပင်ပန်းလာ၏။ ပင်ပန်းလာ၏ နောက်ဆုံးသောအခါမှ သက်ပြင်းကို ရှူထုတ်နိုင်တော့၏။ ဆုံးသည်အထိ သိမ်မွေ့လှပစွာ ခေါ်ဆောင်သွားပေ၏။

စင်စစ်အားဖြင့် ဤ၀တ္ထုသည် ရာဇ၀တ်မှုပပျောက်ရေးကိုရည်ညွှန်းထားသော ပြုပြင်ရေးဝတ္ထုဖြစ်၏။ အကျဉ်းထောင်၏ဒုက္ခကို အရိပ်ထင်ပြထား၏။

ဂျပန်ခေတ်က ကိုဗဟိန်း၏ နိုင်ငံခြားရေးအတွင်းဝန်ရုံးခန်းတွင် လက်နှိပ်စက်ဖြင့်ရိုက်ထားသော“ညချမ်းချိန်ခါဝယ်” ပြဇာတ်ကို ဖတ်ခဲ့ဖူးသည်။ သခင်နုတွင် မရိုက်ထုတ်ရသေးသော ပြဇာတ်၊ ၀တ္ထုများရှိသေးသည်ဟု သိရ၏။ ဘယ်တော့မှ ထုတ်မည်မသိ။

သခင်နုကား ပြဇာတ်၊ ဘာသာပြန်ကျမ်း၊ ၀တ္ထုများကိုရေးခဲ့ရာ စာရေးဆရာတစ်ဦးဟု ဆိုလောက်ပေသည်။

(၆)

လူအဖြစ်ကား သူသည် ကျယ်ဝန်းများပြားသော လူ့ဘ၀၏ အသွေးအသားတို့ကို ထိတွေ့ဆုံမိသူဖြစ်၏။ လူ့ဘ၀သည်ကား သွေးသားတို့၏အရာအားဖြင့်သာပြွမ်းတီးသည် ဖြစ်ကုန်၏။ သည်အထဲမှ တစ်ယောက်တလေသာထူးချွန်၍ သွေးသားထဲမှရုန်းထွက်ကာ ဟိမ၀န္တာတောသို့သွားပြီး ဘုရားဖြစ်ရန် ကျင့်၏။ တစ်ခုတည်းသော ရည်မှန်းချက်ကိုတမ်းတပြီး သဲသဲမဲမဲလုပ်သူ၊ သခင်အောင်ဆန်းသည်လည်း နိုင်ငံရေးတစ်ခုတည်းကိုသာစွဲပြီး ဒိုင်နမိုစက်လို မရပ်မနား ရှေ့သို့တိုးကာအတင်းလုပ်သူ ဖြစ်၏။

သည်နေရာ၌ သခင်အောင်ဆန်းနှင့်သခင်နုမှာ မတူဟုထင်သည်။ အောင်ဆန်းမှာ တစ်နေ့လုံး နေပူကြီးထဲတွင် တကုတ်ကုတ် နိုင်ငံရေးတိုက်ပွဲများကိုလုပ်ပြီးနောက် ညတွင် နိုင်ငံရေးနှင့်ပတ်သက်သော ထမင်းလုံးတစ္ဆေအိပ်မက်များနှင့်နပန်းလုံးခိုက် သခင်နုကား နိုင်ငံရေးမှအားလပ်သည့်အခါ နိုင်ငံရေးဖိုင်တွဲကြီးကိုခေါင်းအုံးရင်း ရေဒီယိုမှ မေရှင်၏ “မြပန်းဝတ်ကြည်” တေးသံလေးတွင် ငြိမ့်၍နေချင်ပေမည်။ ဒါမှမဟုတ် ကဗျာ တေးတစ်ပုဒ် ကာရန်တစ်ခုကို စိတ်ကူးချင်ကူးနေပေမည်။

လူ့ဘ၀တွင် အရေးကြီးဆုံး အရေး (၃) ခုကား အစာအာဟာရ၊ အ၀တ်အိုးအိမ်၊ လိင်ကိစ္စ ဖြစ်သည်ဟုဆိုသည်မှာ ဟုတ်သည်။ စင်စစ် နိုင်ငံရေးဆိုတာလဲ ဒါပဲ ဖြစ်၏။ အောင်ဆန်းလိုလူကား တစ်ခါက လိင်ကိစ္စကို နောက်ထားချင်ထားခဲ့ပေမည်။ ဒါတွေအားလုံး၏ ပြွမ်းတီးရောယှက်မှုအထွေထွေကို မပယ်နိုင်သည်ကိုတွေ့မြင်၍ ပုတုဇ္ဇနောဥမ္မတကော ဟု ကျူးရင့်ကြပေမည်။ သခင်နုသည်လည်း ပုတုဇ္ဇနောဥမ္မတကောသဘောကို တွေ့မြင်ပေသည်။ တစ်ခါက ဂျပန်ခေတ်တွင် ကုက္ကိုင်းရှိ သခင်နု၏နိုင်ငံခြားရေးဝန်ကြီးအိမ်တွင်နေသော သခင်ဗဟိန်းထံသို့သွားလည်၏။

သခင်ဗဟိန်းဇနီး မခင်ကြီး၏မှန်တင်ခုံတွင် သခင်နုငယ်စဉ်ကဓာတ်ပုံကို ယိုးဒယားပန်းတွန့်မှန်ဘောင်နှင့် အလှတင်ထားသည်ကို တွေ့ရသည်။

ရုပ်ပုံလွှာ၏ကျောတွင် “ရီနဲ့မောင်နု” ဟု လက်မှတ်ထိုးထားသည်ကို ဖတ်ရ၏။ သခင်ဗဟိန်းကား သခင်နု၏ ကလေးကိုပွေ့ချီရင်း ကျွန်တော့်အား ပြုံး၍ကြည့်ကာ “မမရီကို ပေးတဲ့ပုံပေါ့ဗျ” ဟု ပြောလေသည်။

သခင်နုဧည့်ခန်းကား စန္ဒယားသံဖြင့် ငြိမ့်နေတတ်၏။ သူ၏ ၀င်းထဲတွင် ဦးဥာဏ၊ မောင်ထင်တို့ကို ဗမာသစ် ပြဇာတ်အတွက် သက်သက်ခေါ်ထားသည်ကို တွေ့ရ၏။ အဓိပတိရုံးခန်းတွင် ဒေါက်တာဘမော်နှင့် ပြဇာတ်အကြောင်း၊ စာပေအကြောင်း နှစ်နှစ်ခြိုက်ခြိုက်ဆွေးနွေးပြောဆိုနေသည်ကို မကြာခဏ တစေ့တစောင်းတွေ့ခဲ့ရဖူး၏။

ဂီတ၊ ပြဇာတ် စသော ယဉ်ကျေးမှု၊ လူ့ဘ၀ရေးရာတို့တွင်ခံစားမှု၌ သခင်အောင်ဆန်းနှင့်မတူသော်လည်း နယ်ချဲ့စနစ်မှလွတ်မြောက်ရေးကိုကား အတူယုံကြည်ကြ၏။ ထို့ကြောင့်ပင် သခင်အောင်ဆန်း အစိုးရအဖွဲ့ထဲ ၀င်သောအခါ သခင်နုကိုခေါ်ကာ ဖဆပလ ဒုတိယဥက္ကဋ္ဌ နေရာကို ခေါ်ပေးခဲ့ပေသည်။

ဗိုလ်ချုပ်အောင်ဆန်းတို့ လုပ်ကြံခံရသည့်ညက သခင်နုခေါင်းဆောင်၍ အစိုးရအဖွဲ့သစ် ဖွဲ့သည်ဟုသိရသောအခါ အနည်းငယ် စိတ်သက်သာရာရမိသည်။ တစ်ပါတီကဦးစီး၍ တစ်ပါတီအစိုးရတက်လျှင် အာဏာရှင်ဆန်သွားပေမည်။ ပါတီများကမပယ်နိုင်သော ကြားနေသူတစ်ယောက်လည်း ဖြစ်သည်။ တစ်ခါကလည်း “ကွန်မြူနစ်ဝါဒ အောင်မြင်ပါစေ” ဟု ကြွေးကြော်ခဲ့သည်။

မုန်တိုင်းတိုက်သော်
လွင့်ဝိုက်လေပါ
ဝေ့လည်ချာနှင့်
မျောကာ သစ်ရွက် တစ်ရွက်တည်း။

သခင်နု၏ဘ၀ကိုရှူကြည့်ရင်း အဆုံးမသတ်သောကဗျာလေးကို ရေးစပ်မိ၏။ သစ်ရွက်တစ်ရွက်ကား မုန်တိုင်းတွေ ပြင်းထန်စွာတိုက်သည့်ကြားထဲမှာပင် လွင့်ပျောက်၍မသွားဘဲ ချာလည် ချာလည်နှင့် ဝေ့ကာမျောနေသည်။

အင်္ဂလိပ်ကိုမောင်းထုတ်သည့် ဘီအိုင်အေစစ်တပ်ချီလာစဉ် သခင်နုမှာ ထောင်ထဲတွင်ရောက်နေ၏။ ဂျပန်ခေတ်က ဖက်ဆစ်ဆန့်ကျင်ရေး မြေအောင်းလုပ်ငန်းများလုပ်နေစဉ် သခင်နုသည် ပြဇာတ်ကိုလုံးပမ်းလျက် ရှိနေသည်။ ကွန်မြူနစ်ခေါင်းဆောင်သခင်ဗဟိန်းသည် သခင်နုအိမ်မှပင် မြေလျှိုးသွားခဲ့၏။ နောက် ဂျပန်အပြေးဝယ် သူသည် အဓိပတိနှင့်အတူ မုဒုံသို့ပါသွား၏။

၁၉၃၆ သပိတ် စသော လှုပ်ရှားမှုများတွင် သူသည် ခေါင်းဆောင်ခဲ့ပြီး လက်နက်ကိုင်တော်လှန်ပုန်ကန်ထကြွသည့် အရေးတော်ပုံများတွင်ကား သူသည် မုန်တိုင်းထဲတွင် မျော၍နေပေသည်။

ပြန်လည်ထူထောင်ရေးခေတ်တွင် သခင်နုသည် ၀န်ကြီးချုပ်ဖြစ်နေ၏။ လူမှုရေးရာကို လျစ်လျူမရှု၊ တေးသီချင်း၊ ပြဇာတ်၊ စာပေ စသည့် ယဉ်ကျေးမှုများကို မမေ့၊ မျှမျှတတနှင့် အလယ်ကနေ၏။

သူ၏ နိုင်ငံရေးအမြင်ကား ခေတ်မီချင်မှမီပေမည်။ သူ၏ နိုင်ငံရေးလုပ်ငန်းစဉ်ကား ခေတ်ပြောင်းတော် လှန်ရေးမဟုတ်ဘဲ ပျော့ချင်ပျော့ပေမည်။ ကျွန်တော် မသိပေ။ ယခုစာသည် နု-အက်တလီစာချုပ်ကို ဝေဖန်ခြင်းမဟုတ်။ လူအဖြစ် သူ၏ဘ၀ကို တစေ့တစောင်းကြည့်ရှူခြင်းသာ ဖြစ်ပေသည်။

သူ့ဘ၀နှင့်ယှဉ်လျှင် မဆုံးသောကဗျာကိုပင် ထပ်၍ ဆိုပြချင်ပေသည်။

မုန်တိုင်းတိုက်သော်
လွင့်ဝိုက်လေပါ
ဝေ့လည်ချာနှင့်
မျောကာ သစ်ရွက် တစ်ရွက်တည်း။

ဒဂုန်တာရာ( ရုပ်ပုံလွှာ)

သေချင်လောက်အောင်ထိ ဆိုးနေတဲ့ကံကို ကုသိုလ်၅-မျိုးနဲ့ ပြုပြင် ယူလို့ရပါတယ်။

စာဖတ်သူ အသင်။ သင့်ကံ ဆိုးနေသလား။? ဒါမှမဟုတ် သိပ်ကံကောင်း နေတယ်လို့ ထင်လား။?
ဒါမှမဟုတ် ကံကောင်းတယ်လဲ မဟုတ် ကံဆိုး တယ်လဲ မဟုတ်ပါဘူးလို့ သတ်မှတ် ထားသလား။?

ဘယ်လိုဖြစ်နေနေ မပင်မပန်း ချမ်းချမ်းသာသာ လေး ကုသိုလ် ၅မျိုးကို ဆောင်ရွက်ရင်း …

တစ်ဘ၀တာ ကံကောင်းသောသူ၊ နောက်ဘ၀ပေါင်းများစွာ..

ကံကောင်းသောသူ ဖြစ်နိုင်အောင်  ကံကိုပြင်လိုက်ပါ။

၁။ သင်နှင့် ကောင်းကံ ဆိုးကံ

အခု စာဖတ်သူတွေ ကတော့ တခြားသော ဘ၀ လိုအပ်ချက်တွေ တခြားသော အဆင်မပြေမှုတွေ ရှိနေနိုင်ပါတယ်။
– လူမှုရေးနဲ့ ပတ်သက်လို့ ကံဆိုးချင်ဆိုးနေမယ်။
– စီးပွားရေး နဲ့ ပတ်သက်လို့ ကံဆိုးချင်ဆိုးနေမယ်။
– ကျန်းမာရေး နဲ့ ပတ်သက်လို့ ကံဆိုးချင်ဆိုးနေမယ်။
– ပညာရေး နဲ့ ပတ်သက်လို့ ကံဆိုးချင်ဆိုးနေမယ်။
– ရာထူးဌာနန္တရ နဲ့ ပတ်သက်လို့ ကံဆိုးချင်ဆိုးနေမယ်။
– နိုင်ငံခြားခရီး နဲ့ ပတ်သက်လို့ ကံဆိုးချင်ဆိုးနေမယ်။
ကြိုက်သလောက် ကံဆိုးနေပါစေ။ နောက်ဆုံး သေချင်လောက်အောင် အထိ ကံဆိုး နေစမ်းပါစေ။

ဆိုးနေတဲ့ကံကို စိတ်ကြိုက် ပြုပြင်ယူလို့ရတယ် ဆိုတဲ့ အသိလေးကိုပဲ အာရုံပြုပစ်လိုက်စမ်းပါ။

 

၂။ ဘယ်လိုပြုပြင်မလဲ …အဲဒီတော့ ဘယ်လိုပြုပြင်ယူမလဲ..?

အဲဒီ သေချင်လောက်အောင်ထိ ဆိုးနေတဲ့ကံကို ကုသိုလ်၅-မျိုးနဲ့ ပြုပြင် ယူလို့ရပါတယ်။
အဲဒီကုသိုလ် ၅မျိုးကတော့
၁။ ဒါန
၂။ သီလ
၃။ ဂုဏ်တော်
၎။ မေတ္တာ
၅။ ၀ိပဿနာ          တို့ ဖြစ်ပါတယ်။
အဲဒီကုသိုလ် ၅မျိုးကို နေ့စဉ် ဖြစ်စေရမယ်လို့ အဓိဋ္ဌာန်ပြီး နေ့စဉ် ပြုလုပ် သွားဖို့ပါပဲ။
၃။ ငါးမျိုးကုသိုလ် ဘယ်လိုပြုရမယ်။
၃-၁။ ဒါန
       ပထမဆုံးကုသိုလ်က ဒါန ပါ။ ဒါနဆိုတဲ့နေရာမှာ ရှင်၁သောင်းပြုပေးနိုင်မှ။ ကျောင်းကြီးတွေ ဆောက်လုပ်လှူဒါန်းနိုင်မှ ဒါန မဟုတ်ပါဘူး။ အိမ်မှာရှိတဲ့ ဘုရားကို ရေချမ်း ကပ်လိုက်မယ် ဆိုလည်း ဒါန ဖြစ်သွားတာပါပဲ။ နောက် ကိုယ်ထမင်းချက်မယ့် ဆန်ထဲက လက်တစ်ဆုတ်စာလောက်နှိုက်ပြီး အိမ်ရှေ့က စာကလေးတွေ ခိုကလေးတွေကို ပစ်ကျွေးလိုက်မယ်ဆိုရင်လည်း ဒါနဖြစ်သွားတာပါပဲ။ ဆန်လက်တစ်ဆုတ် လောက်နဲ့တော့ မိသားစု ထမင်းဝိုင်းကို သိပ်ပြီးလည်း မထိခိုက်စေပါဘူး။ နေ့စဉ် လက်တစ်ဆုတ် စာလောက် စာကလေးတွေကို ကျွေးနေမယ် ဆိုရင်လည်း ကိုယ့်ဝန် ကိုယ့်အားနဲ့ မျှတဲ့ ဒါန ဖြစ်နေတာပါ။
၃-၂။ သီလ
     ဒုတိယက သီလ ပါ။ သီလမှာလည်း လောကီ ထဲမှာနေတဲ့ လူတစ်ယောက် အတွက် ငါးပါးသီလလောက် လုံခြုံအောင် စောင့်ထိန်း လိုက်နိုင်တယ် ဆိုရင်ပဲ တော်တော် လုံလောက်နေပါပြီ။ တစ်ဆင့်တက်ပြီး ဥပုသ်နေ့တွေမှာ ၈ပါးသီလ၊ ၉ပါးသီလကို စောင့်ထိန်း နိုင်ရင်တော့ အကောင်းဆုံးပေါ့။ သီလကို စောင့်ရှောက်တဲ့အတွက် သီလကလည်း ကိုယ့်ကို သူ့သတ္တိ အားလျော်စွာ ပြန်စောင့်ရှောက် ပါလိမ့်မယ်။
၃-၃။ ဂုဏ်တော်
တတိယက ဂုဏ်တော်ပါ။ ဂုဏ်တော် ၉-ပါးထဲက ကိုယ်နှစ်သက်ရာ တစ်ခုခုကို ပွားလို့ရပါတယ်။
အရဟံဂုဏ်တော်ကိုပဲ …
အရဟံ = ပူဇော်အထူးကို ခံယူထိုက်သော မြတ်စွာဘုရား
အရဟံ = ကိလေသာ ကင်းစင်တော်မူသော မြတ်စွာဘုရား
အရဟံ = ဆိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား
လို့ ပွားများရပါတယ်။
အရဟံ ဆိုတဲ့ ပါဠိလေးရယ်။ အရဟံရဲ့ နောက်က အနက်သုံးမျိုးရယ်က ပွားလို့ ဆင်ခြင်လို့ သိပ်ကောင်းတဲ့ ပါဠိနဲ့အနက်လေးတွေပါ။
ဂုဏ်တော်ပွားတဲ့အတွက် ဂုဏ်တော်က သူ့သတ္တိအားလျော်စွာ ပြန်စောင့်ရှောက်နေ ပါလိမ့်မယ်။
၃-၄။ မေတ္တာ
      စတုတ္ထက မေတ္တာပါ။ မေတ္တာပွားတဲ့နေရာမှာ ပွားနည်းတွေကတော့ သီသန့်အကျယ်ကို ရှိပါတယ်။ စာရေးသူရဲ့ မေတ္တာ အတွေးများ စာအုပ်မှာလည်း ပွားပုံ ပြည့်ပြည့်စုံစုံ ရေးပြထားပါတယ်။
     မေတ္တာပွားတဲ့ နေရာမှာ အဓိက အကြံပေးချင် တာတော့ ပထမ ကိုယ့်အပေါ် ကျေးဇူးရှိတဲ့ ကျေးဇူးများတဲ့ လူပုဂ္ဂိုလ်အားလုံးကို တစ်ယောက်ချင်း ကုန်အောင်ပွားပါ။ ပြီးရင် နတ်ကောင်း နတ်မြတ်တွေ၊ ကိုယ်စောင့်နတ်-အိမ်စောင့်နတ် ကစပြီး၊ လမ်းမြို့နယ်၊ မြို့၊ နိုင်ငံကို စောင့်ရှောက်နေကြသော နတ်ကောင်း နတ်မြတ်တွေ အားလုံး ကိုယ်ဆင်းရဲ စိတ်ဆင်းရဲ ကင်းပါစေ၊ အစစအရာရာ အဆင်ပြေ ပါစေ… စသည်ဖြင့် ပေါ့လေ။
 ၃-၅။ ၀ိပဿနာ
      နောက်ဆုံးက ၀ိပဿနာပါ။ ၀ိပဿနာ ကတော့ ကိုယ်အားထုတ်ဖူးရာ-ကိုယ်သန်ရာ သန်ရာ ကိုယ့် အာစရိယ ၀ါဒအတိုင်း မှတ်ယူလို့ ရပါတယ်။
( မည်သည့် တရားစခန်း မည်သည့် အာစရိယ၀ါဒမျှ သင်ကြားထားခြင်း မရှိသူများအဖို့ အစပိုင်းတွင် တင်ပလ္လင်ခွေ(ထက်ဝယ်ဖွဲ့ခွေ)ထိုင်၊ ဘယ်လက်ပေါ် ညာလက်ထပ်တင်၊ ခါး-လည်ပင်း-ဦးခေါင်းကို မတ်မတ်ထား၊ အသက်ကို ပုံမှန်ရှူလျှက် ၀င်လေ၀င်လာလျှင် ၀င် လာ သည်ဟု သိပေး၊ ထွက်လေ ထွက်သွားရင် ထွက်သွားသည်ဟု သိပေးခြင်းဖြင့် မိမိစိတ်ကို ထိုထိုနှာသီးဝသို့သာ စူးစိုက်ရောက်ရှိစေရန် ပဏာမ လေ့ကျင့်ကြလျှက် ၇ရက်စခန်း-၁၀ရက်စခန်း စသည်တို့ကို ၀င်ရောက်နိုင်ရန် တိုး၍ ကြိုးစား ကြသင့်ပေသည်။ )
၎။ ကုသိုလ်-၅မျိုး တစ်နေ့တာ
ကဲ … စာဖတ်သူ၊ စိတ်ကူးနဲ့ပဲ ကုသိုလ်၅မျိုးကို စမ်းကြည့်ရအောင်ပါ။
၎-၁။ အိပ်ရာထ
မနက် အိပ်ရာက ထတာနဲ့ ကိုယ်လက် သန့်စင်ပြီး မိသားစု ကိစ္စတွေကို ဘာမှ မလုပ်နဲ့ဦး။
 ဘုရားခန်းကို အရင်သွားပါ။
ဘုရားသောက်တော်ရေကိုအရင်ကပ်ပါ။ (ဒါန)
ကပ်ပြီးရင် ၅ပါးသီလ ခံယူပါ။ (သီလ)
အဲဒါပြီးရင် ဂုဏ်တော်ကို ၅-မိနစ် ( ဂုဏ်တော် )
မေတ္တာကို ၅-မိနစ် ပွားပါ။ ( မေတ္တာ )
ပြီးရင် ၀ိပဿနာ ၅-မိနစ် ပွားများပါ။ ( ၀ိပဿနာ )
အင်မတန် နည်းပါးတဲ့ ၁၅မိနစ်အချိန်လောက်တော့ လူတိုင်း လုပ်နိုင်လောက်မယ် ထင်ပါတယ်။ ( ၅မိနစ်စီ ဆိုသည်မှာ အနည်းဆုံး ပြုရန်အချိန်ကို ဆိုလိုခြင်းဖြစ်ပြီး မိမိတို့၏ ခွန်အားအလိုက် သဒ္ဓါ တရားအလိုက် ၁၀မိနစ်စီ၊ နာရီဝက်စီ၊ တစ်နာရီစီ စသည်ဖြင့် အဓိဋ္ဌာန်ပြု
နေ့တစ်နေ့တာရဲ့ အစကို ကုသိုလ် ၅မျိုးနဲ့ စလိုက်တာ ဘယ်လောက် ကျက်သရေ ရှိသွားလဲ ။ အိပ်ရာထပြီး နာရီဝက် ၁နာရီအတွင်းမှာပဲ ကုသိုလ်၅မျိုး ရနေပါပြီ။ အဲဒီ ကုသိုလ် ၅မျိုးပြုပြီးမှ မိသားစုကိစ္စ၊ ကိုယ့်ကိစ္စ ဝေယျာဝစ္စတွေကို ပြုလုပ်ပါ။
၎-၂။ နေ့လည်
       အဲဒီလိုနဲ့ မနက်စာစားပြီးတဲ့ အခါ ဆန်လက်တစ်ဆုတ် စာယူပြီး ခြံရှေ့မှာ ငှက်ကလေးတွေ အတွက် ပက်ကျွေးလိုက်ပါဦး။
ကျွေးပြီးသွားရင် အဆစ်အနေနဲ့ ” ဒီနေ့ မနက် ပြုဖြစ်ခဲ့တဲ့ ကုသိုလ်၅မျိုး ကိုလည်း အမျှ ပေးဝေပါတယ်။ အမျှ အမျှ အမျှ ယူတော်မူကြပါ။ သာဓု၊ သာဓု၊ သာဓု ” ဆိုပြီး နတ်ကောင်း နတ်မြတ်များနဲ့တကွ ဝေနေယျ အပေါင်းကို အမျှပေးဝေလိုက်ပါဦး။
၎-၃။ ညပိုင်း
တတ်နိုင်တယ်။ အချိန်ရတယ်။ သဒ္ဓါတရားလဲ ထက်သန်လာတယ် ဆိုရင် ညပိုင်း ကိုးရီးယားကားလေး မလာခင်၊ ဒါမှမဟုတ် ကိုးရီးယားကားလေး ပြီးသွားတဲ့အခါ ကုသိုလ်ငါးမျိုးကို မနက်ကအတိုင်း တစ်ကြိမ် ထပ်လုပ်လိုက်ပါဦး။
၅။ နေ့စဉ်ပြုအပ်သည်
       ဒီအတိုင်းသာ နေ့စဉ်ပြုသွားစမ်းပါ။ ဆိုးနေတဲ့ကံဟာ တောင်းပန်ပြီး ထွက်သွားဦးမှာပါ။
ဒါပေမယ့် ဒီနေ့လုပ်-နက်ဖြန်ဖြစ် ဆိုတဲ့ပုံစံမျိုးတော့ ဘယ်ဖြစ်နိုင်မှာလဲ။ တစ်လတန်သည် တစ်နှစ်တန်သည်တော့ စွဲလုပ်ရပါမယ်။ ရက်မပျက်အောင် အဓိဋ္ဌာန်ပြု၍ လုပ်ရပါမယ်။ အကုသိုလ်ဆိုတဲ့ အင်းအားက ကြီးလွန်းနေရင်တော့ ချက်ခြင်းကြီး ရနိုင်မှာ မဟုတ်ပါဘူး။ ဒါပေမယ့် ကုသိုလ် အင်အား ကောင်းလာတာနဲ့ အမျှ ကုသိုလ်အင်အားကို ကြည့်ပြီး လန့်ပြေးသွားမှာပါ။
ဒါက ကံဆိုး နေတဲ့သူတွေကို ပြောတာပါ။
ကံကောင်း နေတဲ့သူတွေ အတွက်လည်း အမြဲတမ်း ကံကောင်းနေအောင် ကုသိုလ်၅မျိုး နဲ့ အမြဲပြုစု စောင့်ရှောက်နေသင့်ပါတယ်။
ဒီကုသိုလ်၅မျိုးနဲ့ ကံကောင်းအောင် လုပ်နေတဲ့အတွက် ဒုတိယဘ၀၊ တတိယဘ၀ စသည်တွေမှာလည်း ဆက်ပြီး ကံကောင်းနေဦးမှာပါ။
၆။ ဒုက္ခကြံရင် သစ္စာဆို
      ဒီကုသိုလ် ၅မျိုးကို ကံကောင်းခြင်း၊ ကံဆိုးခြင်းကြောင့် မဟုတ်ဘဲ နေ့စဉ်ဝ တ်တစ်ခု အနေနဲ့ ပြုရပါမယ်။ အဲဒီလို ပြုနေစဉ် အတွင်းမှာပဲ
ဘ၀ အခက်အခဲ တစ်ခု ကြုံလာမယ်၊ ဒါဆို ကိုယ်ပြုတဲ့ကုသိုလ်၅မျိုးကို နေ့စဉ် အမျှပေးဝေနေတဲ့ နတ်ကောင်းန တ်မြတ်တွေကို တိုင်တည်ပြီး သစ္စာ ဆိုလို့လည်း ရပါတယ်။
” ကျွန်ှုပ်သည် ကုသိုလ်၅မျိုးကို နေ့စဉ်ပြုပြီး၊ နတ်ကောင်းန တ်မြတ် များကိုလည်း နေ့စဉ် အမျှပေးဝေခဲ့ပါတယ်။ ဤသစ္စာစကား မှန်ကန်ပါက ယခုတွေ့ကြုံနေရသော အခက်အခဲများ ပြေပျောက် ပါစေသတည်း။ နတ်ကောင်း နတ်မြတ်တို့က ကူညီမစတော်မူပါ ” စသည်ဖြင့်ပေါ့လေ…..
၇။ သံသရာကပင် ကျွတ်နိုင်ရဲ့

     ကုသိုလ် ၅-မျိုးထဲမှာ ၀ိပဿနာလည်း ပါနေတော့ တရားမှတ်ရင် ပါရမီပါခဲ့ရင် တစ်မဂ် တစ်ဖိုလ်မှသည် လေးမဂ်၊ လေးဖိုလ် အထိ တရားထူးတရားမြတ်တွေ ရသွားပြီး သံသရာဝဋ်က ကျွတ်သွားနိုင်ပါသေးတယ်။
ကုသိုလ် ၅မျိုးကို ဘယ်အဆင့်အထိ ပြုရမလဲ … ဆိုရင် ညအိပ်ရာဝင်လို့မှ ဒီနေ့ တစ်နေ့တာအတွက် ကုသိုလ် ၅မျိုး မပြုရသေးရင် အိပ်လို့ လုံးဝမပျော်တဲ့ အဆင့် ချက်ခြင်း ထလုပ်လိုက်မှ အိပ်ပျော်တယ် အိပ်လို့ရတယ် ဆိုတဲ့ အဆင့်ထိ ပြုလုပ်ကြရပါတယ် …

ကဲ …. စာဖတ်သူ … ၊ ကံ နဲ့ ပတ်သက်လို့ သေချင်လောက်အောင် ဆိုးနေပါစေ။ ကုသိုလ် ၅မျိုးနဲ့သာ နေ့စဉ် ပြုပြင် လိုက်စမ်းပါ။ မကြာခင် ကံကောင်းလာပါလိမ့်မယ်။

ရေးသားသူ - အရှင်ရာဇိန္ဒ (ရဝေနွယ်- အင်းမ)

ကျမ်းကိုး
မဟာဝင်ဝတ္ထု - ကျီးသဲလေးထပ်ဆရာတော်

        ဆရာတော်-အရှင်ရာဇိန္ဒ (ရဝေနွယ်- အင်းမ) က ဆုံးမသလို အားလုံး ကံကောင်းအောင် ဆောင်နိုင်ကြပါစေ..

ကုလားအရေး စိတ်မအေးနိုင်ပါ

ရိုဟင်ဂျာအရေးနဲ့ ပက်သက်ပြီး အငြင်းပွားနေတဲ့အရာကတော့ နိုင်ငံသားဖြစ်ပိုင်ခွင့်နဲ့ တိုင်းရင်းသားဖြစ်ပိုင်ခွင့်တို့ ဘဲဖြစ်ပါတယ်။ နိုင်ငံခြားက စာနည်းနည်းတတ်တဲ့ ရိုဟင်ဂျာခေါင်းဆောင်လို့ ပြောတဲ့လူတွေက တိုင်းရင်းသားဖြစ်ပိုင်ခွင့်ကိုပဲ အဓိက ဦးတည်တောင်းနေတာကိုပဲတွေ့ ရပါတယ်။ ဒီအထဲမှာ ရိုဟင်ဂျာအဖွဲ့ အစည်းတွေက အဓိက ပါဝင်ပါတယ်။ သြစတျေးလျနိုင်ငံမှာတောင် ရိုဟင်ဂျာအဖွဲ့ အစည်းတစ်ခုရှိတယ်။ သူတို့ ရဲ့ အဓိက ရည်ရွယ်ချက်က ရခိုင်ပြည်နယ်ဘက်က ဘင်္ဂါလီကုလားတွေကို ရိုဟင်ဂျာတိုင်းရင်းသားလူမျိုးအဖြစ် အသိအမှတ်ပြုပေးဖို့ ဖြစ်တယ်။ ဘာ့ကြောင့်တိုင်းရင်းသားအဖြစ်တောင်းရလဲဆိုတော့ ဦးနုအစိုးရဖြစ်တုန်းက သူတို့ ကို တိုင်းရင်းသားအဖြစ် အသိအမှတ်ပြုခဲ့တယ်ဆိုတဲ့အထောက်အထားတွေကို ကိုးကားပြီး အဓိက သက်သေအဖြစ်တင်ပြကြတယ်။

ဒါကို ငြင်းစရာအဖြစ်မမြင်မိပါဘူး။ ဟုတ်ပါတယ်။ ဦးနုလုပ်ခဲ့ပါတယ်။ သို့ သော် အဲဒီတုန်းက တိုင်းပြည်ရဲ့ အခြေအနေက ယနေ့ ကာလထက်ပြည်တွင်းစစ်က ပိုပြီး ကြီးတယ်။ ရန်ကုန်အစိုးရလို့ ပြောနေကြတာဘဲ မဟုတ်ဘူးလား။ လူမျိုးတစ်မျိူးကို တိုင်းရင်းသားအဖြစ် အသိအမှတ်ပြုတယ်ဆိုတာက ဦးနုရဲ့ ပါးစပ်ထဲကနေ ဖြစ်စေဆိုတဲ့ အမိန့် နဲ့ လုပ်လို့ မရတာကို သတိရဖို့ ကောင်းတယ်။ ဒါကို နိုင်ငံခြားက ဘွဲ့ ရထားတဲ့ ကုလားခေါင်းဆောင်တွေ ပိုပြီးသိမယ်လို့ ယူဆမိတယ်။

အနောက်နိုင်ငံတွေကပြောနေတဲ့ လူ့ အခွင့်အရေးကြေငြာစာတမ်း၊ နိုင်ငံသားဖြစ်ပိုင်ခွင့်၊ တိုင်းရင်းသားဖြစ်ပိုင်ခွင့် နဲ့  လူ့ ဂုဏ်သိက္ခာရရှိရေးဆိုတဲ့စကားလုံးတွေကို အဲဒီမှာပညာသင်ခဲ့ခေါင်းဆောင်တွေ သိတယ်ဆိုရင် ဦးနုတို့ လုပ်ရပ်က မှားသလားမှန်သလားဆိုတာကို သဘောပေါက်ပါလိ့မ်မယ်။

အမေရိကန် နိုင်ငံမှာ ရက်အင်ဒီယန်းဆိုတဲ့ ဌာနေတိုင်းရင်းသားတွေရှိတယ်။ သြစတျေးလျမှာလည်း ဌာနေတိုင်းရင်းသားတွေရှိသလို နယူးဇီလန်မှာလည်း မာရီဆိုတဲ့ ဌာနေတိုင်းရင်းသားတွေရှိတယ်။ အင်္ဂလိပ်တွေက အမေရိကန်၊ သြစတျေးလျနဲ့ နယူးဇီလန်နိုင်ငံတွေကို သိမ်းပိုက်ပြီး အုပ်ချုပ်ခဲ့တာဟာ ယနေ့  ၂၀၁၂-မှာဆိုရင် နှစ်ပေါင်း နှစ်ရာကျော်ရှိပြီ။ ဒီနိုင်ငံတွေမှာ လူမျိုးပေါင်းစုံနဲ့ ဘာသာပေါင်းစုံက မြန်မာပြည်ထက်ပိုပြီး များပါတယ်။ ရောက်နေတာကြာပြီဖြစ်တဲ့ ဥရောပသားတွေမှာ သူတို့ ကိုယ်သူတို့ ဌာနေတိုင်းရင်းသားအဖြစ် ဘယ်တော့မှ မတောင်းခဲ့သလို ဌာနေတိုင်းရင်းသားဘယ်သူတွေဖြစ်ခဲ့လဲဆိုတာကို လုံးဝကို အသိအမှတ်ပြုပေးကြပါတယ်။ ဒီအခြေအနေကို အမေရိကန်၊ သြစတျေးလျ နဲ့ အင်္ဂလန်မှာနေတဲ့ ရိုဟင်ဂျာခေါင်းဆောင်တွေမသိတာမဟုတ်ပါဘူး။ သူတို့ သိပါတယ်။

နိုင်ငံသားဖြစ်ပိုင်ခွင့်နဲ့ တိုင်းရင်းသားဖြစ်ပိုင်ခွင့်ဆိုတဲ့ စကားလုံးကို ပြည်ပက ရိုဟင်ဂျာအရေးလှုပ်ရှားနေတဲ့သူတွေရောချနေတယ်လို့ ထင်တယ်။ သူတို့ က သူတို့ ဘ၀ရဲ့ ဇစ်မြစ်ကို ကောင်းကောင်းသိပါတယ်။ သူတို့ ဟာ ဘယ်နိုင်ငံကနေ ရခိုင်ပြည်နယ်ထဲကို ရောက်ခဲ့လဲဆိုတာ သူတို့ လုံးဝ သိပါတယ်။ ဒီလိုသိတာအပြင် တိုးတက်တဲ့နိုင်ငံတွေမှာလည်း ပညာသင်ထားခဲ့တဲ့လူတွေအနေနဲ့ ဘာ့ကြောင့်များ တိုင်းရင်းသားအဖြစ်တောင်းလဲဆိုတာက တွေးစရာအရမ်းကောင်းပါတယ်။

နိုင်ငံသားဖြစ်ပိုင်ခွင့်ဆိုတဲ့စကားလုံးနဲ့ ပက်သက်ပြီး ကျနော့်အနေနဲ့ အငြင်းပွားစရာမရှိပါဘူး။ မြန်မာပြည်ထဲမှာ တိုင်းရင်းသားတွေအပြင် ကုလားကော တရုတ်ကော ရှိတော့....စဉ်းစားတဲ့အခါတိုင်းအကုန်လုံးအတွက် ထည့်သွင်းစဉ်းစားသင့်တယ်လို့ မြင်ပါတယ်။ အခုအချိန်မှာ ရိုဟင်ဂျာအရေးက အရမ်းကို ဆူညံနေမှ ဒီအီရှူးကို ကောက်ခါင်ငင်ခါ ပြောတာထက်စာရင် အနာဂတ်အတွက်ပါ ထည့်သွင်းစဉ်းစာသင့်တယ်။ ကျနော်တို့ ပထမလက်တလောမြင်နေရတဲ့ အခြေအနေကို ကြည့်တဲ့အခါမှာ ထင်ထင်ရှားရှားမြင်ရတာက မြန်မာပြည်မှာ ကုလားတွေအများကြီး နှစ်ပေါင်းများစွာနေနေကြတယ်။ သူတို့ တွေကို ကျနော်တို့ က တစ်စုံတစ်ရာနိုင်ငံသားဖြစ်ပိုင်ခွင့်ဆိုတဲ့ အခွင့်အရေးကို ပေးမှရမယ်။ မင်းတို့ က ဘင်္ဂါလီကုလားဖြစ်တယ် ဘင်္ဂလားဒေ့ရ်ှကို ပြန်လို့ ဆိုပြီး အတင်းမောင်းထုတ်လို့ လည်း မရဘူး။ ဘာ့ကြောင့်လဲဆိုတော့ သူတို့ က မျိူးဆက်သုံးလေးဆက် မြန်မာပြည်မှာရှင်သန်ခဲ့တာပဲဆိုတော့ သူတို့ နိုင်ငံက နိုင်ငံသားပေးပေးမပေးပေး မြန်မာပြည်ဟာ သူတို့ နိုင်ငံဖြစ်နေပြီ။ ရခိုင်မှာ ကုလားဗမာ အရေးပြီးတော့ တချိူ့ ကုလားတွေ ဘင်္ဂလားဒေ့ရှ့် ကိုလှေနဲ့ ထွက်ပြေးတော့ ဘင်္ဂလားဒေ့ရ်ှကတောင် ပြန်မောင်းထုတ်တာကို ကြည့်ရင် သိသာနိုင်တယ်။ သူတို့ မှာ မြန်မာပြည်ပဲရှိတယ်။

ဒါ့ကြောင့် ရိုဟင်ဂျာခေါင်းဆောင်တွေနဲ့ သတိထားဖို့ က ကိုယ့်လူမျိူးကို နှိပ်စက်သလို မလုပ်မိဖို့ အရေးကြီးတယ်။ ကိုယ်ကတော့ ကွန်ပြူတာရှေ့ မှာထိုင်ပြီး ရိုဟင်ဂျာကို တိုင်းရင်းသားအဖြစ်အသိအမှတ်ပြုပေးရေး၊ မြန်မာအစိုးရက ရိုဟင်ဂျာတိုင်းရင်းသားတွေကို လူမျိုးစုလိုက် အကုန်သတ်ရေး၊ လူ့ အခွင့်အရေး၊ စတဲ့စကားလုံးတွေနဲ့ လှုံ့ဆော်တိုင်း အထူးဆင်ခြင်စရာတစ်ခုရှိတယ်။ နောက်ဆုံးခံရတာက မြန်မာပြည်က ခင်ဗျားတို့ ရဲ့ အမျိုးတွေ မြန်မာပြည်မှာလည်း နေမရ၊ ဘင်္ဂလာဒေ့ရ်ှကလည်း လက်မခံပဲ နိုင်ငံမဲ့ဖြစ်ကြရတယ်။ အိုးအိမ်တွေ ပျက်စီးရတယ်။ ကုန်ကုန်ပြောရရင် ဘ၀ တွေပျက်စီးခဲ့ရပြီ။ ဒီလိုအခြေအနေကို မဖြစ်စေချင်ဘူးဆိုရင် တိုင်းရင်းသားအဖြစ်တောင်းဆိုနေမှု့ တွေကို ရပ်မှ ရမယ်။ ခင်ဗျားတို့ တောင်းလေ ကုလားမဟုတ်တဲ့လူတွေက ဒေါသထွက်လေပဲ။ မြန်မာလူမျိူးဆိုတာက ဒေါသထွက်ရင် ပါးစပ်နဲ့ ထွက်တဲ့လူမျိူးမဟုတ်တော့ အနည်းဆုံး ဓါးနဲ့ တော့ခုတ်နိုင်တယ်။

တိုင်းရင်းအသားအရေးတောင်းဆိုမှုကို အစိုးရကလည်း အသိအမှတ်ပြုလို့ မရသလို၊ လူတစ်စုကလည်း အသိအမှတ်ပြုလို့ မရဘူး။ ဒါက နိုင်ငံထဲမှာရှိတဲ့ လူတိုင်းရဲ့ သမိုင်းကြောင်းနဲ့ ဆိုင်တယ်။ ဒါကို သဘောမပေါက်ပဲ ကိုယ်လိုချင်တာကို လိုင်းတွေဇွတ်တင်တဲ့အခါမှ ကိုယ်ပဲ နိုင်ငံမဲ့ဖြစ်ရတာကို သတိထားကြပါ။

တချိူ့ သော နိုင်ငံခြားက လွှတ်တော်အမတ်တွေနဲ့  မီဒီယာတွေက ရိုဟင်ဂျာအရေးနဲ့ ပက်သက်ရင် သူတို့ က သနားကြတယ်။ သတင်းထဲမှာလည်း ကုလားတွေ လှေတွေနဲ့ စားရမဲ့ သောက်ရမဲ့ သူများနိုင်ငံမှာ လာပြီးနေဖို့ ကို မောင်းထုတ်တာလည်း နိုင်ငံကြီးတွေက သိတယ်။ တစ်ခါတုန်းက ထိုင်းနိုင်ငံကို ရောက်လာတဲ့ ရိုဟင်ဂျာလှေတွေကို အင်ဂျင်ဖြုတ်ပြီး ပြန်မျှောလိုက်တာကို နိုင်ငံတကာက အင်မတန် သနားတယ်။ နောက်ပြီး သြစတျေးလျနိုင်ငံကို လှေတွေနဲ့ အင်ဒိုနီးရှားဘက်ကနေ ခိုးဝင်နေတဲ့ မြန်မာပြည်က လူတွေရှိတယ်။ ဒီအထဲမှာ မြန်မာပြည်က ရိုဟင်ဂျာတွေပါတယ်။ တစ်ခုစဉ်းစားဖို့ က အင်ဒိုးနီးရှားကနေ သြစတျေးလျအထိ လှေနဲ့ ခိုးဝင်တာဆိုတာက ဘယ်လောက်ထိငွေရှိမှ ဖြစ်လဲဆိုတာကို တွေးကြည့်ရုံနဲ့ သိနိုင်တယ်။ လှေနဲ့ လာတဲ့လူတိုင်းလိုလိုက အီရတ်၊ ရိုဟင်ဂျာ၊ အာဖဂန်နစ်စတန်က ကုလားတွေချည်းပဲ။ သီရိလင်္ကာကကုလားအပြင် ဘင်္ဂလားဒေ့ရ်ှက ကုလားတွေလည်းပါတယ်။ ကုလားဆိုတာက ရုပ်ချင်းကလည်း ခပ်ဆင်ဆင်၊ စကားကလည်း အတူတူ၊ သိတ်ပြီးကွဲတာမဟုတ်ဘူး။ သြစတျေးလျလည်းရောက်ရော သူတို့ က မြန်မာပြည်က ရိုဟင်ဂျာဖြစ်ပါတယ်ဆိုပြီးလိမ်ရောပဲ။ မြန်မာပြည်ရဲ့ အခြေအနေက လိမ်လို့ ကောင်းတောဆိုတော့။ ဒါနဲ့ တဆက်တည်း မြန်မာအစိုးရက နှိပ်စက်တယ်။ ရခိုင်တွေက သတ်တယ်။ နိုင်ငံသားမပေးဘူးဘာညာဆိုပြီး ရွှီးရော။ ကုလားဆိုတဲ့လူတွေက အောက်ကျို့ တဲ့နေရာမှာ ချီးပါးစားရစားရ အောက်ကျို့ နိုင်သလို အပေါ်စီးရောက်ရင်လည်း လည်ပါလှီးတတ်ကြတယ်။ ဆော်ဒီအာရေဗီယျမှာ အလုပ်သွားလုပ်တဲ့ လူတွေဘယ်နှစ်ယောက်တောင်ခေါင်းဖြတ်ခံရတာလဲဆိုတာ သတိထားပြီးလေ့လာကြည့်ပါ။ သြစတျေးလျအစိုးရကလည်း သနားတက်ရင်သူများမတူဘူး။ ဘာမှစဉ်းစားစာတာမဟုတ်ဘူး။ ဒါနဲ့ ဘယ်ကကုလားမှန်းမသိဘူး။ ရိုဟင်ဂျာဆိုပြီး ဖြစ်သွားရောပဲ။ ဒါ့ကြောင့် ယနေ့ ကာလမှာ ကုလားအရေးကို ခုတုံးလုပ် လုပ်စားနေတဲ့လူတွေအတွက်တော့ အခွင့်ကောင်းပဲ။

ဘင်္ဂလားဒေ့ရှ်၊ အိန္ဒိယ၊ တရုတ်နိုင်ငံတွေဟာ မြန်မာပြည်အနီးမှာ ရှိတာကို လူတိုင်းသိတယ်။ လူဦးရေဘယ်လောက်ကြီးလဲဆိုတာကိုလည်း အားလုံးသိတယ်။ ကြီးတာတင်မဟုတ်ဘူး လျှံပါကျနေပြီ။

သူတို့ တွေနဲ့ ပက်သက်ပြီး မြန်မာနိုင်ငံက လူဝင်ကြီးကြပ်ရေးဥပဒေကို သေသေချာချာ ကိုင်တွယ်ဖို့ လိုတယ်။ ဥပဒေတော့ရှိတယ်။ ၀န်ထမ်းတွေက လာဘ်စားပြီး မှတ်ပုံတင်လုပ်ပေးတော့ ကုလားနဲ့ တရုတ်က မများသင့်ပဲများရတယ်။ နောက်ပြီး ဒီကောင်တွေက ခလေးတွေလည်း အသားကုန်ဇွတ်မွေးတော့ ရခိုင်တွေ ဘယ်ပြေးရမှန်းတောင်မသိတော့ဘူး။ သူတို့ လူမျိူးက ၀ါးမျိုသွားသလိုပဲ။

လက်ရှိအခြေအနေမှာ ရခိုင်လူငယ်လူရွယ်တွေ နိုင်ငံခြားမှာ အလုပ်ထွက်လုပ်ကြတော့ ရခိုင်ပြည်မှာ အဘိုးကြီး အဘွားကြီးနဲ့ ခလေးတွေပဲ ကျန်ခဲ့တော့တယ်။ ဒါ့ကြောင့် ရခိုင်ရွာတွေကို မီးရှို့ တုန်းကဆိုရင် အသက်လုပြီးပြေးခဲ့ကြရတယ်မဟုတ်လား။ ဒါတောင် ရခိုင်ပဲ ရှိသေးတယ်။ ချင်းပြည်နယ်မှာလည်း ပုလုံးတွေပဲ ကျန်ခဲ့တော့တယ်။ ချင်းကောင်းကေင်းသန်သန်မာမာတွေ မလေးရှားမှာချည်းပဲ။ မြန်မာပြည်တစ်ခုလုံးကိုခြုံကြည့်ရင် ရွာတွေမှာ သန်သန်မာမာတွေမရှိသလောက်ဖြစ်နေပြီ။ ကရင်ဆိုရင် ပိုဆိုးသလားပဲ။

အရွယ်ရောက်တာနဲ့ နိုင်ငံခြားမှာ ထွက်လုပ်ကြတော့ မြန်မာပြည်ထဲမှာ အဘိုးကြီး၊ အဘွားကြီးရယ်၊ ခလေးသူငယ်ပဲ ကျန်ခဲ့တော့တယ်။ ဒီလိုအခြေအနေမှာ တရုတ်နဲ့ ကုလားအပြင် ရိုဟင်ဂျာဆိုတဲ့ ကုလားက တစ်မှောင့်။ ဆိုတော့ ကြာလာရင် မြန်မာပြည်နဲ့ မြန်မာလူမျိူးဟာ ဘာရုပ်ပေါက်နိုင်လဲဆိုတော့ အသားဖြူဖြူ၊ ကုလားမျက်နှာနဲ့ ဗမာစကားပြောရမဲ့ ရုပ်ပေါက်တော့မယ်။ ဒီနေရာမှာတိုင်းရင်းသားတွေသတိထားဖို့ က ကိုယ့်အချင်းချင်း မဟာလူမျိူးကြီးဝါဒတို့ ၊ မဟာလူမျိူးသေးဝါဒတို့ ဘာညာ လျှောက်ပြောမနေနဲ့ တော့။ အဓိကပြောရမှာက ကိုယ့်နယ်မြေမှာ ကိုယ့်လူမျိူးကို ကာကွယ်ဖို့ စကားပဲပြောကြ။

အစိုးရအနေနဲ့ သူများနိုင်ငံတွေ ဘယ်လိုမျိူး နိုင်ငံသားအဖြစ်အသိအမှတ်ပြုပေးတယ်။ ဘယ်လိုမျိူးထိန်းကွပ်လဲဆိုတာကို လေ့လာဖို့ ကောင်းတယ်။ အကူအညီတောင်းသင့်တယ်။ E-immigration စနစ်ကို သုံးသင့်တယ်လို့ မြင်တယ်။ တချိူ့ သော ကုလားနဲ့ တရုတ်တွေကို မြန်မာနိုင်ငံသားအဖြစ်ပေးကိုပေးရတော့မယ်။ FRC စနစ်ကိုဖြုတ်သင့်တယ်။ မလုပ်ပဲ ဒီအတိုင်းဆက်ထားရင် ကုလားက အသေခံဗုံးခွဲတာတို့ ဘာလုပ်လာရင် မဆိုင်တဲ့လူတွေအသက်ထွက်ရအုံးမယ်။

ရိုဟင်ဂျာခေါင်းဆောင်တွေနဲ့ ရိုဟင်ဂျာကို တိုင်းရင်းသားအဖြစ်အသိအမှတ်ပြုပေးဖို့ တောင်းဆိုနေတဲ့မြန်မာလောဘီရစ်ထ်တွေသတိထားဖို့ က ခင်ဗျားတို့ လုပ်လေ ပြည်သူလူထုက တင်းလေပဲ။ အဲဒီလိုဖြစ်လေ မြန်မာပြည်ထဲက ကုလားက နိုင်ငံမဲ့ဖြစ်လေပဲ။ ခင်ဗျားတို့ ကတော့ ကွန်ပြူတာရှေ့ မှာထိုင်၊ ဟိုအစည်းအဝေးတက် ဒီအစည်းအဝေးတက်ပြီး ရေဒီယိုမှာအာတာက မပင်ပန်းဘူး။ ရခိုင်ပြည်နယ်က ကုလားက ဘာမှမသိပဲ ဒုက္ခရောက်ရတာပဲ အဖတ်တင်တယ်။ အပြစ်မဲ့တဲ့ကုလားတွေတစ်ပုံကြီးပဲ။ ဘယ်လောက်သနားစရာကောင်းလဲ။ သူတို့ ခင်ဗျာ ဘာမသိပဲ ကုလားလေးတွေကို ပိုက်ပြီး မိခင်ကုလားမကြီးတွေ မိုးထဲရေထဲမှာ ငတ်ပြတ်ပြီးပြေးကြရတာ။ သူတို့ လည်း လူတွေပဲ။ ရိုဟင်ဂျာခေါင်းဆောင်ကတော့ ကြောင်လျှာသီးလည်မှာဆွဲပြီး ကိုရန်ကျမ်းစာကို ပိုက် ခေါင်းပေါင်းဆောင်းပြီး အေးအေးချမ်းချမ်း နေနိုင်တယ်။ မိန်းမလည်း လစ်ရစ်လစ်သလို သုံးလေးယောက်ယူနိုင်တယ်။ ရခိုင်ပြည်က ကုလားငမွဲကတော့ စုတ်ပြတ်သတ်နေတာပဲ။ ဒီအခြေအနေကို ဒုက္ခထပ်ရောက်အောင် ဆွ မပေးကြပါနဲ့ ဗျာ။

မီဒီယာပေါ်မှာတွေ့ နေတဲ့ ဟန်ညောင်ရွှေ၊ ကိုဇော်ဦးနဲ့ ဒေါက်တာဇာနည်တို့ အနေနဲ့ ပြည်သူလူထုကို ရိုဟင်ဂျာအရေးနဲ့ ပက်သက်ပြီး ရှင်းပြဖို့ လိုတယ်။ ရခိုင်ပြည်မှာဖြစ်ပျက်ခဲ့တဲ့ကိစ္စက ခင်ဗျားတို့ ပရောဂလည်းမကင်းဘူး။

ဒိုနာတွေဆီက ပိုက်ဆံရချင်တာတစ်ခုတည်းနဲ့ ကုလားကိုလည်း ဒူးထောက်တယ်။ အရှေ့ ဥရောပက ကွန်မြူနစ်ကိုလည်းဖက်ခံတယ်။ လစ်ဘရယ်နဲ့ တွေရင်လည်း BJ လုပ်တယ်။ မြန်မာအစိုးရနဲ့ တွေ့ ပြန်တော့လည်း ဘောမ ပေးကြတယ်။ အဲဒီလိုလုပ်နေတဲ့ နိုင်ငံရေးလှုပ်ရှားသူ၊ လူ့ အခွင့်အရေးသမားနဲ့ မီဒီယာသမားတွေ မြန်မာ့နိုင်ငံရေးလောကကနေ မောင်းထုတ်ဖို့ အချိန်တန်နေပါကြောင်း တိုက်တွန်းလိုက်ပါတယ်။

ဘုန်းကျော်
သြစတျေးလျ

ဆော်ဒီအာရေဗျ က လာတဲ့  သတင်းအရ ဖေဖေါ်ဝါရီလ

ပြည်ထဲရေးဝန်ကြီး ဗိုလ်ချုပ်ခင်ရီမျက်နှာကို ခြေထောက်နဲ့ ကန်ကျောက်တဲ့  ဆော်ဒီအာရေဗျ သံအမတ်ကြီး ဦးခင်ဇေါ်ဝင်း
ဆော်ဒီအာရေဗျ က လာတဲ့  သတင်းအရ ဖေဖေါ်ဝါရီလ ၁ရ-နေ့ မှာ ဆော်ဒီအာရေဗျနိုင်ငံ မြန်မာသံအမတ်ကြီး ဦးခင်ဖေါ်ဝင်းကို မြန်မာနိုင်ငံအတွင်းက သမိုင်းလိမ်ကုလားတွေက ဂုဏ်ပြုဧည့်ခံ ညစာထမင်းကျွေးပွဲ တခုကို ( Jeddach ) မြို့ က ဟိုတယ်တခုမှာ ခန့် ခန့် နားနား ပြုလုပ်ပေးခဲ့ ကြပါတယ်။ ဒီအချိန်ဟာ သမတဦးသိန်းစိန်အစိုးရက ၂၀၁၁-ခုနှစ်မှာ မြန်မာနိုင်ငံဒီမိုကရေစီစနစ်ဆီသို့  ပြောင်းလဲရေးအတွက် အမျိုးသားပြန်လည်သင့်မြတ်ရေးကို ပြုလုပ်နေချိန်ဖြစ်ပါတယ်။ ၂၀၀၉-ခုနှစ်က မြန်မာနိုင်ငံအတွက် လှေစီးပြေး ကုလားတွေက အိမ်နီးချင်း နိုင်ငံကို ပင်လယ်ဖြတ်လို့  ရောက်လာချိန်မှာ ဟောင်ကောင်က မြန်မာစစ်ကောင်ဝန် ဦးရဲမြင့်အောင်က သူတို့ အကြောင်းကို သိလို့  ဒီကောင်တွေဟာ ဘီလူးသရဲသဖက်လို ရုပ်ဆိုးတဲ့  သမိုင်းလိမ် လူမျိုး သာဖြစ်တယ် ဆိုပြီးတော့ ထုတ်ဖေါ်ပြောဆိုပြီး သူတို့ ရဲ့  ဇါတိအခြေအနေမှန်ကို ထုတ်ဖေါ်ပြလိုက်ပါတယ်။
၂၀၁၂-ခုနှစ်က ကျင်းပခဲ့တဲ့  ပြည်သူ့ လွှတ်တော် မှာလဲဘဲ ပြည်ထဲရေးဝန်ကြီး ဦးခင်ရီက ဒီခေါ်တောဘင်္ဂလီကုလားတွေဟာ ဘင်္ဂလားဒေ့ရ်ှနိုင်ငံက ခိုးဝင်းလာတဲ့  သူတွေသာ ဖြစ်တယ်လို့  ထုတ်ဖေါ်ကျေညာလိုက်ပါသေးတယ်။ ပြည်သူ့ လွှတ်တော်မှာတောင် သူတို့ တွေနဲ့  ပါတ်သက်လို့  အရေးတကြီး တင်ပြနေရတဲ့  သူတို့ တွေရဲ့  ကောက်ကျစ်တဲ့  လုပ်ရပ်တွေကို ဆော်ဒီအာရေဗျ မြန်မာသံအမတ်ကြီး ဦးခင်ဇေါ်ဝင်းက ဘာဖြစ်လို့  ခုလို လက်ခံ တွေ့ ဆုံ ကြရတာလဲ ဆိုတာ မေးခွန်းတွေ ထုတ်စရာ ဖြစ်လာနေပါပြီ ။
ဒီလိုတွေ့ ဆုံပွဲမှာ နောက်ခံ ဆိုင်းဘုတ်ရဲ့  စာသားမှာကျတဲ့ အခါတော့ ဦးခင်ဇေါ်ဝင်းကို ဧည့်ခံကျွေးမွေးခြင်း ဆိုတဲ့  စာသားကိုသာ ဖေါ်ပြထားတာ တွေ့ မြင်ရမှာပါ။ ဒါပေမဲ့  သူတို့ တွေရဲ့  တွေ့ ဆုံ ဆွေးနွေးနေတာနဲ့  ပါတ်သက်လို့  ဦးခင်ဇေါ်ဝင်းကလဲဘဲ ခုအချိန်မှာ ပြည်သူ့ လွှတ်တော်ကိုရော ပြည်ထဲရေးဝန်ကြီး ဦးခင်ရီကိုရော သမတဦးသိန်းစိန်ကိုရော တင်ပြခြင်း အကြောင်းကြားခြင်း မရှိသေးဘူးဆိုတာ သိသာနိုင်ပါတယ်။ ဦးခင်ဇေါ်ဝင်းကို ထမင်းကျွေးပြီး တောင်းဆိုတဲ့ အချက်တွေထဲမှာ ဆော်ဒီအာရေဗျက သူတို့ အခေါ် ( ရိုဟင်ဂျာ ) လူမျိုးကို မြန်မာနိုင်ငံသားအဖြစ် ပါ့စ်ပို့ မှာ အသိအမှတ်ပြု မှတ်ပုံတင်ထားပေးရေး။ ဆော်ဒီအာရေဗျ နိုင်ငံ အကျဉ်းထောင်ထဲမှာ ဖမ်းဆီးခံနေရတဲ့  သူတို့  ခေါ်တော ဘင်္ဂလီ ( သူတို့ အခေါ် -ရိုဟင်ဂျာ ) လူမျိုးကို မြန်မာနိုင်ငံရှိ သူတို့ နေအိမ်သို့  ပြန်လည်ပို့ ဆောင်ပေးရေး။ နိုင်ငံတကာနဲ့  မြန်မာနိုင်ငံအတွင်းမှာ ဆုံးရှံးခံနေရတဲ့  သူတို့ ရဲ့  မွေးရာပါအခွင့်အရေးတွေကို ရရှိစေရေးနဲ့  -Jeddach ) မြို့ မှာ မြန်မာစာသင်ကျောင်း ဖွင့်လှစ်ခွင့် ဆောင်ရွက်ပေးရေး စတာတွေကို တောင်းဆိုတင်ပြကြတယ် ဆွေးနွေးကြတယ်လို့  သိရပါတယ်။
ဒီလိုလုပ်ပြီး ဧည့်ခံထမင်းကျွေးတာဟာ သူတို့ ရဲ့  အခွင့်အရေးတွေကို ရရှိစေဖို့ အတွက် သွေးဆောင်တိုက်တွန်းနေတယ်လို့  ယုံကြည့်နေကြပါပြီ ။ ရာစုနှစ်တ၀က်ကျော်လောက် သူတို့  လူမျိုးတွေဟာ မြန်မာနိုင်ငံနဲ့  နိုင်ငံတကာမှာ ကြောက်ကြောက်ရွံ့ရွံ့ နဲ့ နေကြရပါတယ်လို့  တင်ပြကြတယ်လို့  သိရပါတယ်။ ဒီလိုဆိုရင် ဆော်ဒီအာရေဗျ နိုင်ငံ မြန်မာသံအမတ်ကြီး ဦးခင်ဇေါ်ဝင်းက ဘာဖြစ်လို့  သူတို့ လို ခေါ်တောဘဂ်လီကုလား လူမျိုးကို ပြည်ထဲရေးဝန်ကြီး ဦးခင်ရီရဲ့  ပြည်သူ့ လွှတ်တော်မှာ ရှင်းပြခဲ့ တာကို မဖြေရှင်းခဲ့ တာလဲ ဆိုတာ စဉ်းစားစရာဖြစ်နေပါပြီ။ ထမင်းတလုပ်ထက် ဒေါ်လာ ဘယ်လောက် ရသွားတယ် ဆိုတာကို မေးခွန်း ထုတ်ရတော့မှာဖြစ်ပါတယ် ။ သေချာတာကတော့ ဆော်ဒီအာရေဗျ နိုင်ငံ မြန်မာသံအမတ်ကြီး ဦးခင်ဇေါ်ဝင်းဟာ ငါးစာကို မြင်ပေမဲ့  ငါးမျှားချိတ်ကို မမြင်ဘူးလို့  မပြောနိုင်တဲ့  သံတမန်ဆိုင်ရာ နဉ်းပညာတွေကို နားမလည်တဲ့  သူမဟုတ်ပါဘူးလို့  ထင်ပါတယ်။ ဒီတော့ အသေချာဆုံးဖြစ်နေတာကတော့ ပြည်ထဲရေးဝန်ကြီး ဦးခင်ရီရဲ့ မျက်နှာကို ဦးခင်ဇေါ်ဝင်းက ခြေထောက်နဲ့  ကန်ကျောက်လိုက်တာလို့  ပြောရမှာဘဲလို့  ထင်ကြောင်းပါဗျာ ။။။။။။။။

အောင်သာနီ