“ယုံကြည်ချက်”
ကျွန်တော်ငယ်ငယ် ၁၅နှစ်သားလောက်က ဗိုလ်ချုပ်အောင်ဆန်းနဲ့ ဆုံခဲ့ဘူးတယ်ဗျ။ ဗိုလ်ချုပ်အောင်ဆန်းက ရွှေတိဂုံအနီး တော်လှန်ရေးပန်းခြံမှာ တပ်မတော်သားတွေကို" အနီးကပ်ဆုံးရန်သူကို ချေမှုန်းကြ" လို့ စစ်ထွက်မိန့်ခွန်းပြောပြီး တော်လှန်ရေးခရီး ထွက်လာတယ်။
ကျွန်တော် ရက်စွဲတော့ တိတိကျကျ မမှတ်မိတော့ဘူး။ တော်လှန်ရေးနေ့က မတ် ၂၇ ဆိုတော့ အဲဒီနား ၀န်းကျင်ပေါ့။ အဲဒီအချိန်မှာ ကျွန်တော်တို့ မိသားစုက သာယာဝတီခရိုင် ကြို့ပင်ကောက်မြို့က နှစ်မိုင်လောက်ဝေးတဲ့ ရှမ်းစုရွာလေးမှာ ရောက်နေတယ်။ ဗိုလ်ချုပ်အောင်ဆန်း တို့က ကျွန်တော်တို့အိမ်ကို ရောက်လာတယ်။ အင်္ဂလိပ်တွေက လေယာဉ်ပျံတွေနဲ့ ဗုံးတွေကြဲ၊ စက်သေနပ်တွေနဲ့ပစ်ဆိုတော့ ဗိုလ်ချုပ်တို့က ညဘက်မောင်းလာပြီး မနက်ရောက်လာကြတာဗျ။ ရောက်လာပြီး အိပ်တယ်။ နေ့ခင်းကြမှ နိုးတယ်ပေါ့ဗျာ။
ကျွန်တော်စကားဖြတ်ပြောရအုံးမယ်။
သိကြတဲ့အတိုင်းပဲဗျာ ဗိုလ်ချုပ်အောင်ဆန်းက နာမည်ဟိုးလေးကျော်နေတာ။ ဂျပန်ခေတ် တစ်ခေတ်လုံး ပြည်သူလူထုတရပ်လုံးက ဗိုလ်ချုပ်အောင်ဆန်းကိုပဲ အားကိုးပြီးတော့ နေကြတာ။ အဲဒီအချိန်မှာ ဗိုလ်ချုပ်အောင်ဆန်းကိုတွေ့တော့
အဲဒီအချိန်ကစပြီးတော့ ကျွန်တော့်စိတ်ထဲမှာ " ငါ ပညာတက်အောင်သင်ရမယ်။ ပညာတက်မှ တိုင်းပြည်ကောင်းကျိုးအတွက် ဆောင်ရွက်နိုင်မယ် " ဆိုတဲ့ ယုံကြည်ချက်ပေါ်လာတယ်။ အဲဒီယုံကြည်ချက်အတိုင်း ကျွန်တော်ဆယ့်ခွန်၊ ဆယ့်ရှစ်သား ကတည်းက စာနယ်ဇင်းလောကထဲ ၀င်ခဲ့တယ်။ စာတွေသင်ခဲ့တယ်။ ကိုယ်တိုင်လဲ စာရေးဆရာ၊ သတင်းစာသမားဖြစ်အောင် ကြိုးစားခဲ့တယ်။ ကြိုးစားခဲ့လို့လဲ သတင်းစာသမားတစ်ယောက်အနေနဲ့ ရပ်တည်နိုင်ခဲ့တယ်။
ဒီနေ့ဒီအချိန်ခါမှာ နိုင်ငံရေးသမားတစ်ယောက်အဖြစ် ရပ်တည်နေခဲ့ပေမဲ့ ကျွန်တော်ဟာ သတင်းစာသမားတစ်ယောက်ပါ။ “ကျွန်တော့်ဘ၀တစ်လျှောက်လုံး ယုံကြည်တာတော့ ပညာတက်မှ တိုင်းပြည်ကောင်းကျိုးအတွက် ဆောင်ရွက်နိုင်မယ် ဆိုတာပါပဲ။“
ဦးဝင်းတင်း
Ref. Zay Latt
No comments:
Post a Comment