လူငယ်များတွင်ရှိသင့်သော ဂုဏ်ရည်များ

လူငယ်များတွင်ရှိသင့်သော ဂုဏ်ရည်များ
======================
(၁) သေချာတိကျခြင်း ( Accuracy )

(၂) လိုက်လျောညီထွေကျင့်ခြင်း ( Adaptability )

(၃) စွန့်စားစိတ်ရှိခြင်း ( Adventure )

(၄) နှစ်သက်ဖွယ်ဖြစ်ခြင်း (Agreeableness )

(၅) တိုးတက်ချင်စိတ်ရှိခြင်း ( Ami-biting )

(၆) အကောင်းအမြတ်ကို သိမြင်ခြင်း (Appreciation of the Beautiful )

(၇) သတိရှိခြင်း ( Caution )

(၈) ကြည်လင်ရွှင်ပြခြင်း ( Cheerfulness )

(၉) သန့်ပြန့်စင်ကြယ်ခြင်း ( Cleanliness )

(၁၀) စွဲမြဲစူးစိုက်ခြင်း (Concentration )

(၁၁) ရောင့်ရဲတင်းတိမ်ခြင်း ( Contentment )

(၁၂) ပူးပေါင်းဆောင်ရွက်ခြင်း ( Cooperation )

(၁၃) ရဲရင့်သတ္တိရှိခြင်း ( Courage )

(၁၄) ယဉ်ကျေးသိမ်မွေ့ခြင်း ( Courtesy )

(၁၅) သိချင်တတ်ချင်စိတ်ရှိခြင်း ( Curiosity )

(၁၆) စိတ်ဆုံးဖြတ်ခြင်း ( Decision )

(၁၇) ၀တ္တရားကျေခြင်း ( Duty )

(၁၈) ကြိုးစားအားထုတ်ခြင်း ( Effort )

(၁၉) ယုံကြည်မှုရှိခြင်း ( Faith )

(၂၀) မိတ်ဖွဲ့စိတ်ရှိခြင်း ( Friendliness )

(၂၁) ပေးကမ်းစွန့်ကြဲခြင်း ( Generosity )

(၂၂) ကျေးဇူးသိခြင်း ( Gratitude )

(၂၃) ပျော်ရွှင်ခြင်း ( Happiness )

(၂၄) ကူညီရိုင်းပင်းခြင်း ( Helpfulness )

(၂၅) ရိုးသားဖြောင့်မတ်ခြင်း ( Accuracy )

(၂၆) နိမ့်ချစိတ်ရှိခြင်း ( Humility )

(၂၇) ရယ်ရွှင်မှုနားလည်ခြင်း ( Humor )

(၂၈) ဥာဏ်ကွန့်မြူးခြင်း ( Imagination )

(၂၉) လုံ့လ၀ီရိယကြီးခြင်း ( Industry )

(၃၀) တရားမျှတခြင်း ( Justice )

(၃၁) သနားကြင်နာခြင်း ( Kindness )

(၃၂) ခေါင်းဆောင်ခြင်း ( Leadership )

(၃၃) ချစ်ခင်မြတ်နိုးခြင်း ( Love )

(၃၄) သစ္စာစောင့်ထိန်းခြင်း ( Loyalty )

(၃၅) ဆုံးမနာယူခြင်း ( Obedience )

(၃၆) စနစ်စည်းကမ်းရှိခြင်း ( Orderliness )

(၃၇) သည်းညည်းခံခြင်း ( Patience )

(၃၈) ဇွဲကောင်းခြင်း ( Perseverance )

(၃၉) အချိန်မှန်ခြင်း ( Punctuality )

(၄၀) ကြံရည်ဖန်ရည်ရှိခြင်း ( Resourcefulness )

(၄၁) ကိုယ်ထူကိုယ်ထလုပ်ခြင်း ( Self-reliance )

(၄၂) မြဲမြံခိုင်ခံ့သောစိတ်ရှိခြင်း ( Steadfastness )

(၄၃) ကောင်းဆိုးပိုင်းခြားနိုင်ခြင်း ( Tact )

(၄၄) ခြိုးခြံချွေတာခြင်း ( Thrift )

(၄၅) ခွင့်လွှတ်ခြင်း ( Tolerance )

(၄၆) ပညာဥာဏ်ရှိခြင်း ( Wisdom ) ။ ။

င်္Copy From : Moe Nge

နော်ခမ်းဘာကြောင့်သေတယ်လို့ထင်ပါသလည်း.................?

ဓာတ်ပုံ/Tun way

ကျွန်နော်စာရေးတတ်ချင်တယ်ဗျာစာမရေးတတ်တော့ကျွန်နော်မှာအခက်တွေ့နေတယ်၊ဒီချိန်မှာကျွန်နော်သာစာရေးတတ်ခဲ့မယ်ဆိုရင်(နော်ခမ်းဘာကြောင့်သေတာလည်း..............?)ဆိုတဲ့ခေါင်းစဉ်နဲ့ကျွန်နော်စာရေးမိမှာသေချာတယ်၊ဘာလို့လဲဆိုတော့နော်ခမ်းအကြောင်းကျွန်နော်ကောင်းကောင်းမသိပါဘူး၊ဒါပေမဲ့ကျွန်နော်တို့ရဲ့တိုင်းရင်းသားတစ်ယောက်ဟာနိုင်ငံသားဆိုတဲ့အစောင့်အလျှောက်အကာအကွယ်မဲ့သေဆုံးသွားရခြင်းအပေါ်မှာစိတ်မကောင်းခြင်းကြီးစွာဖြစ်မိလို့ပါဘဲ၊ကျွန်နော်သူငယ်ချင်းတို့ကိုရိုးရိုးလေးနဲ့ရှင်းရှင်းလေးတစ်ခုပြောပြချင်ပါတယ်၊အဲ့ဒါဘာလည်းဆိုတော့နော်ခမ်းဟာရှမ်းလူမျိုးတစ်ယောက်ဖြစ်နေတဲ့အကြောင်းရင်းကအခြေခံပါတယ်၊သူငယ်ချင်းတို့လည်းဟုတ်မဟုတ်ဖြစ်နိုင်မဖြစ်နိုင်စဉ်းစားဝေဖန်ခွင့်ရှိပါတယ်၊ကျွန်နော်တို့မြန်မာပြည်မှာမြန်မာနိုင်ငံသားမဟုတ်တဲ့တရုတ်လူမျိုးတွေဂိုဏ်းတွေဖွဲ့ပြီးဒုစရိုက်လုပ်ငန်းတွေလုပ်ကိုင်နေတာကိုတော့အားလုံးသိကြမယ်လို့ထင်ပါတယ်၊ဒီနေရာမှာသူငယ်ချင်းတွေထဲကတရုတ်လူမျိုးတွေအနေနဲ့ငါတို့လည်းနိုင်ငံသားဘဲဆိုပြီးစောဒကတက်ချင်တက်လာနိုင်ပါတယ်၊စောဒကတက်လာရင်လည်းကျွန်နော်လက်ခံပါတယ်ဘာလို့လည်းဆိုဘိုးစဉ်ဘောင်ဆက်မြန်မာရှင်ဘုရှင်တွေလက်ထက်တည်းကတရုတ်လူမျိုးတွေမြန်မာပြည်မှာအခြေချနေထိုင်ပြီးနိုင်ငံသားအဖြစ်နဲ့နေထိုင်ခဲ့ကြတယ်ဆိုတာကျွန်နော်ဖတ်မှတ်လေ့လာခဲ့ဘူးလို့ပါဘဲ၊ဒါပေမဲ့ဒီနေ့ခေတ်မှာဘိုးစဉ်ဘောင်ဆက်မဟုတ်ပါဘဲနိုင်ငံသားဆိုပြီးတော်လှန်ရေးကိုအမည်ခံဂုဏ်းတွေဖွဲ့ဒုစရိုက်လုပ်ငန်းတွေလုပ်ကိုင်နေတာအားလုံးအသိပါ၊ဘယ်သူမှငြင်းချက်ထုတ်နိုင်မယ်မထင်ပါဘူးဗျာ၊
ဒါနဲ့ဆိုလိုရင်းမရောက်ဘဲစာကရှည်နေပြီဗျာတိုတိုနဲ့လိုရင်းဘဲပြောကြပါစို့၊တရုတ်အစိုးရကတရုတ်လူမျိုးအပေါ်မှာအမြဲတမ်းကာကွယ်စောင့်လျှောက်တယ်ဗျ၊မဆလ၊နဝတ၊နအဖအစဉ်အဆက်ပါဘဲဗျာ၊ဒီနေ့ခောတ်လူတွေအနေနဲ့ဆိုမကြာသေးတဲ့နအဖလက်ထက်မှာတရုတ်ဝန်ကြီးချုပ်ကနအဖကိုသူ့လူမျိုးတွေအပေါ်မှာအကာအကွယ်ပေးဖို့မှာကြားတာကိုတော့အားလုံးသိကြမယ်လို့ထင်ပါတယ်၊တရုတ်အစိုးရကသူလူမျိုးတရုတ်တွေအတွက်အကာအကွယ်ပေးမှာပေါ့ဒီအတိုင်းသာဆက်သွားနေမယ်ဆိုအထက်ဗမာပြည်ကတရုတ်ပြည်အောက်ဗမာပြည်ကကုလားပြည်ဖြစ်တော့မယ်လေ၊မြန်မာလူမျိုးတွေဒီလိုသာပေါ့ပေါ့တန်တန်နေကြမယ်ဆိုနောက်အနှစ်100လောက်ဆိုတရုတ်နဲ့ကုလားကစစ်တွေတိုက်ပြီးတိုင်းပြည်ထူထောင်ဖို့လုကြလိပ်မယ်၊ဒါတွေထားလိုက်ပါတော့ရှည်မနေချင်တော့ပါဘူး၊အာရှမှာချမ်းသာလွယ်တဲ့အလုပ်ကဘာအလုပ်လည်း.....?ဂုဏ်းဖွဲ့ပြီးဘိန်းလုပ်ငန်းလုပ်တာဘဲချမ်းသာတာဗျ၊အဲ့ဒီတော့ဒီနေ့မြန်မာပြည်မှာဘယ်သူတွေဂုဏ်းဖွဲ့ပြီးဘိန်းလုပ်ငန်းလုပ်နေကြလည်းကြည့်ကြရအောင်ဗျာ၊ဟိုးးးးးးးးအရင်တုန်းကရှမ်းလူမျိုးဖြစ်တဲ့ခွန်ဆာဟာဘိန်းဘုရင်ဆိုတဲ့ဘွဲ့တောင်ရအောင်အကြီးဆုံးဖြစ်ခဲ့တယ်၊ခွန်ဆာကြီးစိုးစဉ်ကတရုတ်လူမျိုးဂုဏ်းတွေဖြစ်တဲ့MNDAAကိုးကန့်တို့UWSA(ဝ)တို့ဆိုတာကိုယ်ဝန်ဆောင်အဆင့်မှာဘဲရှိသေးတယ်၊အဲ့ဒီနောက်မှာတော့ခွန်ဆာကိုအမေရိကန်နဲ့ဥရောပနိုင်ငံတွေကဝရမ်းထုတ်လာကြတယ်၊ခွန်ဆာလည်းသူ့အန္ဒရာယ်သူသိတော့နအဖနဲ့ငြိမ်းချမ်းရေးယူအေးဆေးနှပ်နေလိုက်တော့တယ်အဲ့ဒီအချိန်မှာဘဲကိုးကန့်တို့ဝတို့ကဦးမော့လာတယ်၊ကိုးကန့်ဆိုတာလည်းတရုတ်ဘဲဝဆိုတာလည်းတရုတ်ဘဲ၊ကုလားကြီးနဲ့အနဲကြီးဆိုတာဘဲကွာတယ်၊ကိုးကန့်တို့ဝတို့တရုတ်မဟုတ်ပါဘူးဘယ်သူငြင်းချင်လည်းရတယ်၊ဒီနေရာမှာတစ်ခုတော့ပြောပြမယ်ကျွန်နော်ကိုယ်တိုင်MNDAAကိုးကန့်အဖွဲ့နဲ့3နှစ်ကျော်လောက်အတွင်းကျကျနေခဲ့ဘူးတယ်ဝလူမျိုးသူငယ်ချင်းမိတ်ဆွေတွေလည်းအများကြီးရှိခဲ့တယ်၊အဲ့ဒီ2ဖွဲ့လုံးကလူ100စီဆွဲထုပ်ပြီးမြန်မာလိုမေးရင်မြန်မာစကားမတတ်တဲ့သူက95ယောက်စီရှိတယ်၊အဲ့ဒီအချိန်မှာအထက်ဗမာပြည်ရဲ့3ပုံ1ပုံကိုတရုတ်တွေအုပ်စိုးမိနေပြီ၊တရုတ်အစိုးရကမြန်မာပြည်ကိုလှမ်းကြည့်လိုက်တဲ့အချိန်မှာဂုဏ်းတွေဖွဲ့ဒုစရိုက်လုပ်ငန်းတွေလုပ်နေတာကတရုတ်တွေချမ်းသာတဲ့သူတွေကြည့်လိုက်တော့လည်းတရုတ်တွေ၊ဒီမှာတရုတ်အစိုးရကသူလူမျိုးတွေအတွက်မကာကွယ်လို့မရတော့ဘူးဆိုတာသဘောပေါက်သွားတယ်၊အဲ့လိုနဲ့ဘဲနအဖအတွက်မားမားမှတ်မှတ်ကိုကမ္ဘာကသောက်မြင်ကတ်အောင်ကာကွယ်ပေးတယ်နအဖလိုအပ်တာကူညီတယ်၊အဲ့လိုဖြစ်လာမှတော့မြန်မာစကားပုံရှိတာဘဲဗျာ(သူဆန်စားရဲမှတဲ့)တရုတ်ကလည်းအလကားတော့ဘယ်ကူညီမလည်းဟုတ်တယ်ဟုတ်၊ငါ့တရုတ်လူမျိုးတွေအတွက်အကာအကွယ်လုံလောက်အောင်ပေးပါပေါ့၊စားထားမိတဲ့သူကလည်းတစ်လုပ်စားဘူးသူ့ကျေးဇူး၊သူဆန်စားရဲမှာဆိုသလိုဘဲ၊ဒီနေ့ခောတ်ဝန်ကြီးတောင်လူသိရှင်ကြားပြောသွားတာဘဲဗျာတရုတ်ကကျေးဇူးရှင်ပါဆိုပြီးဟုတ်တယ်မဟုတ်လား၊နောက်ဆုံးတော့အဖြေက(((ဒါပါဘဲ)))နော်ခမ်းဟာတရုတ်တွေနဲ့စီးပွါးပြိုင်ဂိုဏ်းပြိုင်ဖြစ်လာလို့အသတ်ခံလိုက်ရတယ်၊တရုတ်အစိုးရကတရုတ်လူမျိုးတရုတ်ဂုဏ်းတွေအတွက်အပြိုင်အဆိုင်ဖြစ်လာမဲ့ရှမ်းလူမျိုးနော်ခမ်းကိုရှင်းလိုက်တယ်၊..........ပေါက်ဖော်ကြီးရဲ့မိတ်ဆွေတွေကလည်းကျေးဇူးရှင်ကြီးကိုကျေးစွတ်ရာရောက်မှာစိုးတဲ့အတွက်နော်ခမ်းကိုကူညီချင်ရှာတောင်အသံမဟရဲရှာဘဲလက်ပိုက်ကြည့်နေလိုက်ရလေသတည်း၊နော်ခမ်းခမျှာလည်းဒီနေ့ခေတ်မှာမှဂုဏ်းဖွဲ့စီးပွါးလုပ်ဆောင်မိတာမှားသွားတာပေါ့ဗျာ၊ဘာဘဲဖြစ်ဖြစ်ကျွန်နော်ကတော့အကျဉ်းသားပို့ဆောင်တာတောင်မလုပ်ဘဲ၊နိုင်ငံသားတစ်ယောက်ရဲ့အကာအကွယ်အစောင့်အလျှောက်တောင်မရသွားရှာတဲ့နော်ခမ်းကိုဒီနေရာကနေကောင်းရာသူဂတိလားပါစေလို့ဆုတောင်းပေးလိုက်ပါတယ်၊((((((တရုတ်လူမျိုး13ယောက်လေးသတ်တဲ့နော်ခမ်းကိုမြန်မာအစိုးရတောင်ခွင့်မတောင်းဘဲမောင်းသူမဲ့ဒုံးယဉ်တွေနဲ့တိုက်မလို့တဲ့ဗျာသူတို့ကိုယ်တိုင်ဝန်ခံသွားတာနော်၊လုပ်ကြံမပြောဘူး၊တရုတ်လူမျိုးတွေသိန်းသန်းသတ်လိုက်တဲ့ဂျပန်တွေထက်ကိုအရေးကြီးနေလားလို့မေးလိုက်ချင်စမ်းတယ်ဗျာ))))))

လူကြီး လူကောင်းစိတ်

ကလေးများကို ပြုစုပျိုးထောင်ပေးခြင်းဟာ အနာဂတ် လူ့အဖွဲ့စည်းတခုကို ပုံသွင်းပျိုးထောင်ပေးခြင်းပါပဲ။ ကျမတို့ရဲ့ အနာဂတ် လူ့အဖွဲ့စည်းကြီးထဲမှာ လူကြီးလူကောင်း စိတ်ဓာတ်တွေ လူတိုင်းလူတိုင်းမှာ ရှိလာစေဖို့အတွက် ကလေးအရွယ် ငယ်ကတည်းကိုက လူကြီးလူကောင်း စိတ်ကလေးတွေ ကလေးတို့ဆီမှာ ကပ်ငြိနေအောင်လို့ လုပ်ပေးကြရမှာပါ။

လူကြီးဖြစ်လာမယ့် လူမှု အဖွဲ့အစည်းထဲကို ၀င်ရမယ့် ကလေးများကို လူကြီးလူကောင်းစိတ်တွေ ၀င်လာအောင်လို့ မိဘ၊ဆရာများ ဘယ်လိုထိန်းကျောင်း ပြုစုပေးရမယ် ဆိုတာကို ကျမ ဒီတပတ် ဆွေးနွေး တင်ပြသွားပါ့မယ်။

ကျမတို့ရဲ့ လူမှု အဖွဲ့အစည်းထဲမှာ လူတော်တွေ များကြပါတယ်။ ဒါပေမယ့် လူကြီးလူကောင်းစိတ်တွေ ဖြစ်တဲ့ မျှတစွာ တွေးတတ်သူ၊ ကိုယ်လုပ်တဲ့ အလုပ်ကို ရဲဝံ့စွာ တာဝန်ယူတတ်သူ၊ အမှားကို ၀န်ခံတတ်သူ များကတော့ အလွန်ပဲ နည်းလှပါတယ်။ အထူးသဖြင့် အကြောက်နဲ့ အုပ်ချုပ်ရတဲ့ လူ့အဖွဲ့အစည်းမှာ၊ အကြောက်နဲ့ အုပ်ချုပ်တဲ့ မိသားစုများမှာ၊ အကြောက်နဲ့ အုပ်ချုပ်တဲ့ စာသင်ခန်းများမှာတော့ ကြောက်ရခြင်းသာ ကြီးစိုးနေတာမို့ လူကြီးလူကောင်း စိတ်ဓာတ် ရှင်သန်ဖို့ဆိုတာ အင်မတန်မှ မလွယ်ကူလှပါဘူး။

ကျမ အနေနဲ့ကတော့ ကလေးကို ပြုစု ပျိုးထောင်တဲ့ နေရာမှာ တုတ်ကိုင်ပြီးတော့၊ ခြိမ်းခြောက်ပြီးတော့ စည်းကမ်း လိုက်နာ ခိုင်းတာကို မှန်ကန်တဲ့ ဆုံးမမှုလို့ မယူဆပါဘူး။ အကြောက်တရားနဲ့ မတရားမှုကို မကျူးလွန်အောင်လို့ တားမြစ်ခြင်းဟာ မကြောက်ရမယ့် နေရာ၊ မကြောက်ရမယ့် အချိန်ကို ရောက်လာတဲ့ အခါမှာတော့ မတရားမှုကို ကျေကျေနပ်နပ်ကြီး ကျူးလွန်တတ် လာပါတော့တယ်။ အကြောက်တရားကြောင့် မတရားမှုကို မကျူးလွန်တာ မဟုတ်ဘဲနဲ့၊ ကိုယ့်ကိုယ်ကိုယ် ကြည်ညိုလေးစားလို့၊ ကိုယ့်ပတ်ဝန်းကျင်ကို မညစ်နွမ်းစေချင်လို့ မကျူးလွန်တဲ့ လူမျိုးတွေမှာတော့ဖြင့် ဘယ်နေရာ ရောက်ရောက်၊ ဘယ်ကိုပဲ ရောက်ရောက်၊ ဘာအကြောင်းနဲ့ ဖြစ်ဖြစ် မတရားမှုကို လုံးဝ မကျူးလွန်တတ်ကြပါဘူး။

ကိုယ့်ကိုယ်ကိုယ် ကြည်ညိုလေးစား တတ်တဲ့၊ လူကြီးလူကောင်း စိတ်ကလေးတွေ ရှိတဲ့ လူကြီးတွေ ဖြစ်လာစေဖို့ အတွက် တုတ်မကိုင်ဘဲနဲ့ ကလေးတို့ကို ဘယ်လို ပြုစုစောင့်ရှောက် ကြမလဲ ဆိုတာကို လေ့လာကြည့်ကြရအောင်ပါ။

ကတိတည်ပါ၊ ပြောတဲ့အတိုင်း လုပ်ပါ
ကျမတို့ရဲ့ မြန်မာမိဘ တော်တော်များများကတော့ဖြင့် ကလေးကို လွယ်လွယ်ပဲ နားအေးအောင်လို့ ပြောတတ်ကြပါတယ်။
“ဖေဖေ မုန့်ဝယ်ခဲ့” ဆိုရင်လည်း “အေးအေး” လို့ လွယ်လွယ်ပဲ ကတိပေးပြီးတော့ မေ့နေတတ်ကြပါတယ်။  အဲဒီလိုပဲ အပြင်သွားရင် အရုပ်မပူဆာနဲ့ ၀ယ်မပေးဘူးလို့ ပြောထားပေမယ့်လည်း  ကလေးက အရုပ်လိုချင်လို့ အော်ဟစ်ငိုယိုတဲ့ အခါမျိုးမှာတော့ ကလေးရဲ့ အငိုဒဏ်ကို မခံနိုင်တော့ဘဲနဲ့ ၀ယ်ပေးတတ်ကြပါတယ်။
အဲဒီလို ကလေးကို ကတိပေးပြီးတော့ ကလေးပဲရယ်လို့ လွယ်လွယ်နဲ့ မေ့ပစ်လိုက်ကြတာ မျိုးဟာ ကလေးတို့ကို စကား မတည်အောင်၊ ကတိပေးပြီးရင် ဒီလိုပဲ လွယ်လွယ်နဲ့ ဖျက်ပစ်လို့ ရတယ်လို့ ထင်သွားအောင်လို့ သင်ကြားပေးနေသလိုပါပဲ။  အရုပ်ကို သူငယ်ချင်းနဲ့ ဝေမျှပြီး အတူတူကစားရင် ပန်းခြံကို လိုက်ပို့မယ်လို့ ကလေးကို ကတိ ပေးထားတယ်ဆိုပါတော့ …ကိုယ်ပြောထားတဲ့ ကတိအတိုင်းပဲ ကလေးကို ပန်းခြံလိုက်ပို့ ပေးရပါမယ်။ ကလေးကို ကတိပေးထားပြီးရင် ပေးထားတဲ့ အတိုင်း ကတိ တည်ခြင်းဟာ သူတို့လေးတွေရဲ့ ရင်ထဲက ယုံကြည်မှုကိုပါ ရစေသလို၊ ကတိ တည်တတ်တဲ့ လူကြီးလူကောင်း စိတ်ကလေးကိုပါ ဖွံ့ဖြိုးလာအောင်လို့ အစပြု ပျိုးတောင်ပေးရာလည်း ရောက်စေပါတယ်။
အဲဒီလိုပဲ “ဒါမလုပ်နဲ့၊ လုပ်ရင် … ဘာမလုပ်ပေးဘူးလို့” ပြောထားတယ် ဆိုပါတော့။ ကလေးကို ပြောထားမိတဲ့ အတိုင်း တိတိကျကျ လုပ်ဖို့ လိုပါတယ်။

စည်းကမ်း
မိဘတယောက်၊ ဆရာ တယောက်ရဲ့ တာဝန် ၀တ္တရားတွေထဲမှာ အရေးအကြီးဆုံး ၀တ္တရားတခုကတော့ ကလေးကို အသက်အရွယ်အလိုက် စည်းကမ်းပေးခြင်းပါပဲ။ ကလေးတို့ရဲ့ အပြုအမူလေးတွေ လိမ်မာ ယဉ်ကျေးလာအောင်လို့ ထိန်းကျောင်းပြုပြင်ပေးဖို့ လိုသလို၊ လူ့လောက အတွင်းကို ၀င်ရမယ့် လူကြီးလေးတွေ အဖြစ် ကလေးဘ၀ ကတည်းက ဘယ်ဟာကိုတော့ လုပ်ရမယ်၊ ဘယ်အရာကိုတော့ မလုပ်ရဘူး ဆိုတာကို နားလည်အောင်လို့ သင်ကြားပေးဖို့ လိုပါတယ်။ အိမ်တွင်း စည်းကမ်းများဟာ တကယ်တော့ အိမ်တွင်း ဥပဒေများ ပါပဲ။ ကလေးကို အိမ်တွင်းစည်းကမ်းတွေ အကြောင်းပြောတဲ့ အခါမှာ ဘယ်ဟာကိုတော့ ဘာကြောင့် မလုပ်သင့်ဘူး ရယ်လို့ ကလေး သိအောင် ရှင်းရှင်းလင်းလင်း ပြောပြဖို့ လိုပါတယ်။
ဥပမာ – ကလေးက အိမ်ထဲမှာ လျှောက်ပြေးနေတယ် ဆိုပါတော့ …။ “သားရေ … အိမ်ထဲမှာ လျှောက်မပြေးနဲ့၊ အိမ်ထဲမှာ ခုံတွေရှိတော့ ခုံနဲ့တိုက်မိပြီး သား ဒဏ်ရာရနိုင်တယ်။ တကယ်လို့ သားပြေးချင်တယ် ဆိုရင်တော့ ခြံထဲမှာ ဆင်းပြေးနော်” လို့ ပြောရပါမယ်။
တကယ်လို့ ကလေးက မလုပ်သင့်တဲ့ အရာတခုခုကို လုပ်ပြီ ဆိုပါတော့။ အဲဒီလို လုပ်တာ ဘာကြောင့် မှားတယ် ဆိုတာရယ်၊ဘယ်လို လုပ်သင့်တယ် ဆိုတာရယ်ကိုပါ ကလေးကိုရှင်းပြဖို့ လိုပါတယ်။ ဥပမာ – ကလေး က အိမ်မှာမွေးထားတဲ့ ကြောင်လေးရဲ့ အမြီးကို ဆွဲနေတယ် ဆိုပါတော့။ အဲဒီလို အခါမျိုးမှာ ကလေးကို တဟဲ့ဟဲ့နဲ့ အော်နေမယ့်အစား “သမီး ကြောင်လေး အမြီးကို ဆွဲရင် ကြောင်လေး နာသွားမှာပေါ့။ ကြောင်လေးကို ချစ်ရင် ဒီလိုပွတ်ပေးနော်” ဆိုတာမျိုးနဲ့ အစားထိုး သင်ကြား ပေးရပါမယ်။ ကလေးက သင်ပေးတဲ့ အတိုင်း ကြောင်လေးကို ပွတ်ပေးမယ်ဆိုရင်တော့ ကလေးကို ချီးကျူးဖို့ မမေ့ရပါဘူး။
ကလေးတို့ကို စည်းကမ်းပေးတဲ့ အခါမှာ သူ့အရွယ်နဲ့သူ လိုက်ဖက်တဲ့ စည်းကမ်းမျိုးပဲ ဖြစ်ရပါမယ်။ ကလေးသဘာဝ ကစားတာ၊ ဆော့တာကို မဆော့နဲ့၊ ငြိမ်ငြိမ်ထိုင်နေလို့ ပြောတာမျိုး၊ ကွင်းထဲမှာ ဘောလုံးကန်တာကို ကန်ရကောင်းလား ရယ်လို့ ခေါ်ရိုက်တာမျိုးကတော့ စည်းကမ်းမဟုတ်ပါဘူး။ ရက်စက်မှုလို့တောင်မှ ခေါ်လို့ရပါတယ်။ ပြီးတော့ သုံးလေး နှစ်အရွယ် ဆွဲလွဲတတ်တဲ့ ကလေး အနားမှာ တန်ဖိုးရှိတဲ့ ပစ္စည်း၊ ကွဲနိုင်တဲ့ ပစ္စည်းတွေ မထားရပါဘူး။ ကလေး ဆိုတာမျိုး ကတော့ ဆွဲတတ်ကြတာချည်းပါပဲ။ သုံးနှစ်ကလေးကို ဟိုမဆွဲရ၊ ဒီမဆွဲရ ဆိုပြီးတော့ စည်းကမ်းလုပ်လို့ မရပါဘူး။
ကလေးကို မလုပ်ရဘူး ရယ်လို့ မပြောခင် ကိုယ့်ဘာသာ သေချာစဉ်းစား သင့်ပါတယ်။ တကယ် မလုပ်သင့်တဲ့ အရာကို မလုပ်ရဘူးလို့ ကလေးကို ပြောပြီးရင် ပြောတဲ့အတိုင်း ကလေးကို တကယ်မလုပ်ခိုင်းဖို့ လိုပါတယ်။ ဆိုလိုချင်တာက ကိုယ်ပြောလိုက်တဲ့ စကားအတိုင်း လိုက်နာဖို့ပါ။ အဲဒီလိုမှ မဟုတ်ဘဲနဲ့ မလုပ်နဲ့လို့ ပြောပြီးတော့ ကလေး ဂျီကျတိုင်း လိုက်လုပ် ပေးနေမယ်ဆိုရင်ဖြင့် ကိုယ်ပြောလိုက်တဲ့ မလုပ်ရဘူးဆိုတဲ့ စကားဟာ လုပ်ကောင်းလုပ်လို့ရမယ် ဆိုတဲ့ အဓိပ္ပာယ်လို့ ကလေးတို့ ယူဆသွားနိုင်ပါတယ်။

ကလေးများနဲ့တာဝန်ယူမှု
လူကြီးလူကောင်း စိတ်ဓာတ်မှာ တာဝန်ယူမှုဟာ အဓိက နေရာက ပါဝင်ပါတယ်။ ကလေးတို့ကို ကိုယ့်တာဝန် ကိုယ်ယူတတ်စေဖို့အတွက် ငယ်ငယ်ကတည်းက လေ့ကျင့်ပေးဖို့ လိုပါတယ်။ ကျောင်းနေတဲ့ ကလေး အရွယ်ကတော့ အိမ်စာပေါ့။ ကျောင်းက ပါလာတဲ့ အိမ်စာကို ဘယ်တော့မှ လူကြီးက လိုက်မလုပ်ပေးရပါဘူး။ သူ့ဘာသာသူ လုပ်ခိုင်းရပါမယ်။
ကျမတို့ နိုင်ငံက မိဘတချို့က ကလေးကို ဆရာမ မရိုက်အောင်၊ မဆူအောင် ရယ်လို့ ဆရာ၊ ဆရာမကို လက်ဆောင်တွေ ပေးကြ၊ လုပ်တတ်ကြ ပါတယ်။ ဒါဟာ ကလေးတို့ရဲ့ တာဝန်ယူစိတ်နဲ့ တကိုယ်ရေသီးခြား ရပ်တည်နိုင်တဲ့ စိတ်တွေကို ချို့ယွင်းသွားအောင်လို့ လုပ်လိုက်တာပါပဲ။ အင်မတန် မှားယွင်းတဲ့ အပြုမူပါ။ နောက်တခုက ကိုးတန်း ဆယ်တန်းမှာ အမှတ်ကောင်း အောင်ရယ်လို့ စာကျက်အကူ ခေါ်ကြတာပါပဲ။ စာကျက်အကူက ကျက်ရမယ့် စာတွေကို နုတ်ထုတ်ပေး၊ နှုတ်ကနေ တိုက်ရိုက် လိုက်ကျက်ပေးနဲ့ လုပ်ပေးကြပါတယ်။ ကိုယ့်ဘာသာ ကျက်ရ၊ နုတ်ထုတ်ရ၊ တွက်ရမယ့် စာတွေကို စာကျက်အကူရဲ့ အပေါ် တာဝန်လုံးလုံး ပေးပြီးတော့ နေကြတာမျိုးဟာ တွေးကြည့်မယ် ဆိုရင်တော့ ဆယ်ကျော်သက် အရွယ် ကလေးတယောက်ရဲ့ တာဝန်ယူစိတ်ကို ရိုက်ချိုးလိုက်တာပါပဲ။
ကလေးတယောက် တာဝန်ယူဖို့ အတွက် တာဝန်ပေးဖို့လည်း လိုပါတယ်။ ကလေးနိုင်တဲ့ အိမ် အလုပ်လေးတွေကို ကလေးကို လုပ်ခိုင်းတာမျိုး။ ဥပမာ – ကြောင်လေးကို အစာကျွေး ခိုင်းတာမျိုးက အစ ကလေးကို လုပ်ခိုင်းရပါမယ်။

အလုပ်မဖြစ်တဲ့ ပြစ်တင်ဝေဖန်ခြင်း
အပြစ်တင် ဝေဖန်တယ် ဆိုတာဟာ တကယ်တော့ တော်တော်လေးကိုမှ အလုပ်မဖြစ်တဲ့ အရာပါ။ မိဘရဲ့ ပြစ်တင် ဝေဖန်မှုကို အမြဲခံနေရတဲ့ ကလေးဟာ သူ့ကိုယ်သူ သိမ်ငယ်စိတ် ၀င်လာစေသလို၊ သူဟာလည်း သူများကို ပြစ်တင် ဝေဖန်ဖို့ ၀န်မလေး တတ်တော့ပါဘူး။
ကျမတို့ဟာ ကလေးကို ကိုယ်မကြိုက်တဲ့ အပြုအမူတွေကို တွေ့တိုင်း ပြစ်တင်ဝေဖန်မယ့်အစား ကလေး ပြင်ဆင်ဖို့အတွက် အခွင့်လေး ပေးကြည့်မယ် ဆိုရင်ဖြင့် ကလေးရော မိဘပါ စိတ်ချမ်းသာ စေရမှာပါ။ ပြီးတော့ အမှားကိုဝန်ခံတတ်တဲ့၊ မှားရင် ချက်ခြင်းပြင်ရဲတဲ့ လူကြီးလူကောင်း စိတ်ဓာတ်လေးကိုလည်း သွင်းပေးရာ ရောက်ပါတယ်။ ဥပမာ – ကလေး မှောက်လိုက်လို့ ဖျော်ရည် ဖိတ်သွားတယ် ဆိုပါစို့။ ကလေးကို ပြစ်တင်ဝေဖန်မယ့် အစား မှောက်သွားတဲ့ ဖျော်ရည်ကို အ၀တ်လေး ယူပြီးတော့ သုတ်ဖို့ ကလေးကို လုပ်ခိုင်းရပါမယ်။

ယဉ်ကျေးပါစေ
လူ့အသိုင်းအ၀န်း ထဲကို ၀င်တဲ့အခါမှာ လူအချင်းချင်း အနှောင့်အယှက် မဖြစ်စေဖို့အတွက် ယဉ်ကျေးမှု ဆိုတာ လိုပါတယ်။ လူအချင်းချင်း ဆက်ဆံကြတဲ့ အခါမှာ တယောက်နဲ့ တယောက် လေးစားတတ်ဖို့၊ မစော်ကားမိစေဖို့ အတွက် နှုတ်အမူအရာ၊ကိုယ်အမူအရာ အားဖြင့် ယဉ်ကျေးဖွယ်ရာဖို့ လိုပါတယ်။ ကိုယ့်ကိုယ်ကိုယ် လေးစား၊ တန်ဖိုးထား တတ်သူများဟာ သူများကို လည်း မစော်ကား တတ်ကြပါဘူး။
ကလေးတို့ကို ယဉ်ကျေးစေလိုသူ မိဘများ အနေနဲ့ သတိပြုရမှာက ကလေးဆိုတာမျိုးဟာ ကိုယ့်ကို အမြဲပဲ အတုခိုး နေတယ် ဆိုတာကိုပါပဲ။ ကလေးကို ရိုင်းရိုင်းစိုင်းစိုင်း မပြောစေချင်ရင်ဖြင့် ကလေးရှေ့မှာ ကိုယ်ကလည်း ရိုင်းရိုင်းစိုင်းစိုင်း မပြောမိဖို့ လိုပါတယ်။ စကားပြောတဲ့ အခါမှာ ကလေးကို ဖြတ်မပြော စေချင်ရင် ကလေး စကားပြောနေတဲ့ အခါမှာလည်း လူကြီးက ဖြတ်မပြောမိဖို့ လိုပါတယ်။ အဲဒီလိုပဲ … ကျေးဇူးတင်ပါတယ် ဆိုတဲ့ စကားကို ကလေး သုံးတတ်စေဖို့အတွက် ကလေး တခုခု ကိုယ့်ကို လာပြီးတော့ လုပ်ပေးတိုင်း ကျေးဇူးတင်ပါတယ် ဆိုတဲ့ စကားကို လူကြီးက သုံးပေးဖို့ လိုပါတယ်။
လူကြီးလူကောင်း စိတ်ဆိုတာ လူ့လောကအတွက် အင်မတန်မှ အသုံးဝင်တဲ့ စိတ်ပါ။ လူ့အသိုင်းအဝန်းထဲမှာ မဟုတ်တာ၊မမှန်တာကို မလုပ်ဘူး ဆိုတဲ့ စိတ်မျိုး ရှိတဲ့လူတွေ များလာစေဖို့အတွက် ကလေးတို့ကို ငယ်ငယ်ကတည်းက လူကြီးလူကောင်း စိတ်လေးတွေ ရှိလာအောင်လို့ မွေးမြူပေးဖို့ လိုပါတယ်။ လူကြီးလူကောင်း စိတ်တွေများတဲ့ ကလေးတွေ များလာမယ် ဆိုရင်ဖြင့် လူကြီးလူကောင်းစိတ်တွေ ရှိတဲ့ လူကြီးတွေ များလာမှာပါပဲ။ ကိုယ့်ကိုယ်ကိုယ် လေးစားတဲ့၊ ကိုယ့်ကိုယ်ကိုယ် ကြည်ညိုတဲ့ လူကြီးလူကောင်းတွေ များလာစေဖို့အတွက် ကလေးတို့ကို လူကြီးလူကောင်း စိတ်ကလေးတွေ သွင်းပေးကြရအောင်ပါ။
(ခေတ်ဘုန်းသစ် သည် စာရေးဆရာမ ပန်းရိပ်ဖြူ၏ ကလောင်ခွဲဖြစ်သည်။ ခေတ်ဘုန်းသစ် ကလောင်အမည်ဖြင့် ကလေးစာပေ၊ ပုံပြင်၊ ကဗျာများရေးသား နေသကဲ့သို့ ပန်းရိပ်ဖြူ ကလောင်အမည်ဖြင့် ရသစာပေ ၀တ္ထုတို၊ ၀တ္ထုရှည်နျင့် ကဗျာများ ရေးသားလျက် ရှိသည်။)
copy from:
http://burma.irrawaddy.org/archives/34558

ရယ်လည်းရယ်၍ငိုလည်းငိုသူ

‎

"မကောင်းမှုပြုသူသည် ကောင်းကင်၌ တည်နေသော် လည်းကောင်း၊ သမုဒ္ဒရာအလယ်၌ တည်နေသော် လည်းကောင်း တောင်ခေါင်းသို့ဝင်၍ တည်နေသော်လည်းကောင်း မကောင်းမှုမှ မလွတ်နိုင်။"
တစ်ခါတုန်းက ဗာရာသီမြို့တော်ကြီးမှာ ဒိသာပါမောက္ခဆရာကြီးတစ်ယောက်သည် ဆိတ်တစ်ကောင်ကိုသတ်၍ မတကဘတ်ပေးလှူရန် စီစဉ်ပါတယ်။ တပည့်များကို ခေါ်စေပြီး ယင်းဆိတ်ကို သန့်ရှင်းစေရန် မြစ်ကမ်းဆိပ်သို့ ရေချိုးပေးရန် စေလွှတ်လိုက်ပါတယ်။ ရေချိုးပြီးလို့ ဆိပ်ကမ်း၌ ခဏတဖြုတ်ချည်နှောင်ထားစဉ် ဆိတ်က ရယ်လည်းရယ်၍ ငိုလည်းငိုပါတယ်။ ဒီဆိတ်ဘာများဖြစ်တာလဲဆိုပြီ ၀ိုင်းမေးကြရာ-ဆိတ်က ဒီကိစ္စကို သင်တို့ရဲ့ ဆရာထံမှောက်ရောက်မှ မေးပါဟု ပြောလိုက်ပါတယ်။ ဆရာထံမှောက်ရောက်တော့ ဆိတ်ရဲ့ထူးစမ်းဖွယ်ဖြစ်ရပ်အစုံကို ပြောပြပါတယ်။ ဒါနဲ့ ဒိသာပါမေက္ခာဆရာကြီးက- အသင်ဆိတ်၊ ဘာကြောင့် ရယ်လည်းရယ်၍ ငိုလည်းငိုရပါသလဲလို့ မေးလိုက်ပါတယ်။
ဆိတ်က မိမိရဲ့ ရှေးဘ၀ဖြစ်စဉ်များကို ဇာတိဿရဥာဏ်ဖြင့် ပြန်လည်အောက်မေ့ကာ- ဆရာကြီး၊ ငါကလည်း ရှေးဘ၀က သင်ကဲ့သို့ပင် ဆိတ်တစ်ကောင်ကိုသတ်ပြီး မတကဘတ်လှူခဲ့ဖူးပါတယ်။ အဲဒီအကုသိုလ်ကြောင့် ငါက လေးရာကိုးဆယ့်ကိုး(၄၉၉)ဘ၀လုံး ခေါင်းဖြတ်ခံလာခဲ့ရပြီးပြီး၊ ဒီဘ၀သည်ကား ငါ့အတွက် နောက်ဆုံးငါးရာမြောက်ဘ၀ဖြစ်တယ်၊ ယနေ့ ထိုဝဋ်ဆင်းရဲမှလွတ်မြောက်တော့မည်ဖြစ်၍ ရယ်တာပါ၊ ဆရာကြီးက ငါ့ကိုသတ်၍ ငါကဲ့သို့ပင် ဘ၀ငါးရာပတ်လုံး ၀ဋ်ဆင်းရဲသို့ ရောက်ရတော့မည်ကို တွေးမြင်၍ ဆရာကိုသနားမိသောကြောင့် ငိုခြင်းဖြစ်ပါတယ် လို့ အကြောင်းစုံကိုပြောပြလိုက်ပါတယ်။
ထိုအခါ ဆရာကြီးက- အသင်ဆိတ်၊ မကြောက်ပါလင့်၊မကြောက်ပါလင့်၊ သင့်ကို ငါမသတ်တော့ ပါဘူးဟုဆိုပါတယ်။ ဒါပေမယ့် ဆရာကြီးမသတ်လည်း ယနေ့ ငါကသေခြင်းမှ မလွတ်နိုင်ပါဘူး ဟုဆိတ်က ပြန်ပြောပါတယ်။ ထို့နောက် ဆိတ်ကို လွှတ်ပေးလိုက်ရာ ဆိတ်သည် ကျောက်ဖျာကြီးပေါ်မှ ကပ်၍ပေါက်နေသော သစ်ရွက်များကိုစားနေချိန် ရုတ်တရက် ပစ်ချလိုက်သော မိုးကြိုးသည် ကျောက်ဖျာကြီးကို လာထိရာမှ ကျောက်လွှာတစ်ခုသည် အရှိန်ဖြင့် ကွာထွက်ပြီး ဆိတ်ရဲ့လည်ပင်းကို ထိမိကာ လည်ပင် ပြတ်ထွက်သွားပါတော့တယ်။ ထိုဖြစ်ရပ်ကို လူများသည် တစ်စုတစ်ဝေးကြီး လာရောက်ကြည့်ရူကြပါတယ်။
ထိုအချိန်က ဘုရားလောင်းသည် ထိုအရပ်၌ သစ်ပင်စောင့် ရုက္ခစိုးဖြစ်ပါတယ်။ ဘုရားလောင်းက သူတစ်ပါးအသက်သတ်ခြင်း၏အပြစ်များကို ဟောကြားပါတယ်။ လူအများစုကလည်း ထိုတရားကို နာကြားကြရ၍ သူတစ်ပါးအသက်သတ်ခြင်းမှ သက်ဆုံးတိုင်း ရှောင်ကြဉ်ကြလေတော့သတည်း။
အထက်ပါဇာတ်လမ်းလေးကို သုံးသပ်ကြည့်ရအောင်ပါ။ မိမိက ကုသိုလ်ကောင်းမူပြုလုပ်ကြသည့်အခါ မကောင်းမူအကုသိုလ်အပြစ်များ မခြံရံဘဲ အသိဥာဏ်ဦးဆောင်သည့်အထက်တန်းစား ကုသိုလ်များဖြစ်အောင် ဆင်ခြင်သတိထားပြီး ပြုလုပ်တတ်ကြစေရန် အထူးသတိပေးဆုံးမလမ်ညွန်ထားသည့် ဇာတ်တော်လေးလို့ပြောရင်လည်းမမှားနိုင်ပါဘူး။ စာရေးသူအထင်တော့-ကုသိုလ်တစ်ပဲ ငရဲတစ်ပိဿာဆိုတဲ့စကားပုံကလည်း ဒီဇာတ်တော်လေးမှဆင်းသက်လာတာဖြစ်မယ်ထင်ပါတယ်။ နောက်တစ်ခုစဉ်းစားမိတာကတော့- လောကလူသားတွေပြောပြောနေတဲ့ မိမိကိုယ်ကို မိမိသတ်သေရင် အဖန်ငါးရာငါးကမ္ဘာခံကြရတယ်လို့ပြောကြပါတယ်၊ တကယ်တမ်းတော့ ဒီဇာတ်တော်လေးကိုထောက်ဆကြည့်မယ်ဆိုရင် မိမိက သူတစ်ပါးအသက်ကိုသတ်လည်း အဖန်ငါးရာငါးကမ္ဘာခံရမှာဖြစ်တယ်ဆိုတာကို သဘောပေါက်သင့်ပါတယ်။ ဒီလိုဆိုရင် မိမိက ဘာပဲလှူလှူ သူတစ်ပါးအသက်ကိုမသတ်ဘဲ လှူဖို့အရေးကြီးပါတယ်။ မိမိကိုယ်တိုင်းလည်း သူတစ်ပါးအသက်ကိုမသတ်ဖို့ ဒီဇာတ်တော်လေးက လမ်းညွန်ပြနေပါတယ်။
ပဋ္ဌာန်းပါဠိတော်ကတော့- ပုရိမာ ပုရိမာ ကုသလာ ဓမ္မာ ပစ္ဆိမာနံ ပစ္ဆိမာနံ အကုသလာနံ ဓမ္မာနံ ကေသဉ္စိ ဥပနိဿယ ပစ္စယေန ပစ္စယော တဲ့။ အဓိပ္ပါယ်က ကုသိုလ်ကောင်းမူပြုလုပ်ရာ၌ သူတစ်ပါးအသက်ကိုသတ်ခြင်း၊ အသိဥာဏ်မပါဘဲ သူများတွေပြုလုပ်လို့၊ သူတစ်ပါးတို့ အကဲ့ရဲ့ခံရမည်စိုးလို့၊ ကုသိုလ်မူကိုပြုလုပ်ခြင်းစသော အကုသိုလ်အမူတို့ ခြံရံပြီးပြုလုပ်ခဲ့မည်ဆိုလျှင် ကုသိုလ်ကံနည်းနည်းလေးကိုပင် အကုသိုလ်ကံ အများကြီးက ခြံရံနေခြင်းကြောင့် မကောင်းကျိုးများစွာ နောက်နောင်မှာပေးပါလိမ့်မယ်ဟု ဆိုလိုပါတယ်။
ကဲစာဖတ်သူရေ… ပတ်ဝန်းကျင်အမြင်မှာ မိမိလှူသောအလှူသည် အသားငါးမဟုတ်သော်လည်း မိမိဘ၀အတွက်ကတော့ အမြင့်မြတ်ဆုံးအလှူကြီးကိုလှူနေရတာပါ။ မိမိဘ၀အထက်ရောက်အောင်ပို့တာကလည်း မိမိပါပဲ၊ မိမိဘ၀အောက်ရောက်သွားအောင်လုပ်တာလဲ မိမိပါပဲ။ အဲဒီတော့ အလှူတစ်ခုများလုပ်တော့မယ်ဆိုရင်ဖြင့်- မြတ်ဗုဒ္ဓနည်းလမ်းအတိုင်းလေးလုပ်သွားတတ်ဖို့ပါပဲ။ ကုသိုလ်ကောင်းမူတို့ကို ပြုလုပ်ကြရာ၌ ကုသိုလ်တစ်ပဲ ငရဲတစ်ပိဿာ အဖြစ်မျိုးမရောက်အောင် ဗုဒ္ဓဘာသာဝင်သူတော်စင်တိုင်း သတိကြီးစွာ ထားသင့်ကြပါတယ်ဆိုတဲ့အကြောင်းလေးကို သတိပေးရင် ဒီဆောင်းပါးလေးကို အဆုံးသတ်လိုက်ရပါတယ်။
လပြည့်ဝန်း(သာစည်) (13.11.2011)
ဘ၀အရေးစိတ်အေးရဖို့ ဓမ္မအသိရှိလျှက်နေကြစို့။
ကျမ်းကိုး။ ။မတကဘတ္တဇာတ်

မွန်ဘုရင်မ ရှင်စောပု

ပြည်ထောင်စုမြန်မာနိုင်ငံသမိုင်

း တလျှောက်တွင် ရှင်စောပု ဟူ၍ မွန်ဘုရင်မတစ်ပါး ထူးခြားစွာ ပေါ်ထွန်းခဲ့ပေသည်။ ရှင်စောပုသည် မွန်တို့၏ မဂဒူးမင်းဆက်တွင် ၁၅ ဆက်မြောက် မင်းဖြစ်သည်။ ရွှေတိဂုံစေတီ မွန်ကျောက်စာနှင့် အခြား မွန်ကျောက်စာများတွင်ြ၈ီတြိဘုဝနာဒိတျ ပြ၀ရ ဓမ္မဇေတြ လောကျနာထပြဝရ မဟာဓမ္မ ရာဇာဓိရာဇာဒေဝီ ဘွဲ့ခံ ၀ိဟာရဒေ၀ီဟူ၍ လည်းကောင်း၊ ဗညာထာဝ်ဟူ၍ လည်းကောင်း ပါရှိသည်။ မွန်ရာဇ၀င်တွင် ၀ိဟာရဒေ၀ီ၊ ၀ိသုဒ္ဓရာဇာ၊ ဣတ္ထိရာဇာ၊ဗညားထောဝ် (မင်းအို) နှင့် သေ၀်စါဝ်ပေါအ် (ရှင်စောပု) ဟူ၍ နာမည်အမျိုးမျိုးဖြင့် ဖော်ပြပါရှိလေသည်။

ရှင်စောပုသည် မွန်ရာဇ၀င်တွင် အလွန်ထင်ရှားသည့် ရာဇာဓိရာဇ်ဘုရင်နှင့် မိဘုရား ဒလသုဒ္ဓမာယာတို့မှ ဖွားမြင်သော သမီးတော် ဖြစ်သည်။ ရှင်စောပု၏ မွေးနေ့ သက္ကရာဇ်သည် ၇၃၅ ခုနှစ်၊ တပေါင်းလဆန်း ၁၂ ရက်၊ ဗုဒ္ဓဟူးနေ့ ဖြစ်လေသည်။ နေ့နံအရ ၀ိဟာရဒေ၀ီဟု စတင်ခေါ်တွင်ခဲ့ဟန် တူလေသည်။ ယင်းနှင့်အတူ တစ်မိတည်းတွင် ဖွားမြင်သူကား မောင်တော် ဗညားရံ (ဗညားရာံ/ဗညားရာမ) ဖြစ်လေသည်။

သက္ကရာဇ် ၇၇၅ ခုနှစ်တွင် ခမည်းတော် ရာဇာဓိရာဇ် ရှိစဉ်ကပင် အသက် ၂၀ အရွယ် ရှိပြီဖြစ်သော ရှင်စောပုအား တူတော် သမိန်စည်သူနှင့် စုံဖက်စေခဲ့သည်။ ရှင်စောပုတွင် သမီးနှစ်ယောက်နှင့် သားတယောက် ထွန်းကားခဲ့လေသည်။ သမီးနှစ်ယောက်ကို မိပကောထော် (မိပ္ကထ၀်) နှင့် မိကာသင်(မိပ္ကသြန်)၊ သားကို ဗညားဗရူး (ဗညားဗရောဝ်) ဟူ၍ အမည်ပေးလေ၏။

သက္ကရာဇ် ၇၈၀ ပြည့်နှစ်တွင် ဗညားဗရူးကို ဖွားမြင်ပြီးနောက် မြောက်သားတော် သမိန်စည်သူ ကံကုန်လေသည်။ ထို့နောက်တွင် ရှင်စောပုသည် မောင်တော် ဗညားကျန်းနှင့်အတူ ဒဂုန်တွင် စံနေရသည်။ သက္ကရာဇ် ၇၈၃ ခုနှစ်တွင် ခမည်းတော် ရာဇာဓိရာဇ် နတ်ရွာစံ၍ သားတော်ကြီး ဗညားဓမ္မရာဇာ(ဗညားကျန်း) နန်းတက်လေသည်။ ထိုမင်း၏ လက်ထက်တွင် ရှင်စောပု အင်းဝသို့ ပါတော်မူ၍ သီဟသူမှအစ မိုးညှင်းမင်းတရားအထိ အင်းဝမင်းလေးဆက်တို့၏ မိဖုရားအဖြစ် အင်းဝတွင် ခုနစ်နှစ်ကြာမျှ စံနေခဲ့ရလေသည်။

အင်းဝသို့ ရှင်စောပု ပါတော်မူပုံကို မွန်ရာဇဝင်များတွင် တမျိုးဖြစ်ပြီးလျှင် မြန်မာရာဇဝင်များ၌ တဖုံဟူ၍ နှစ်မျိုးနှစ်ဖုံ ဖော်ပြထားလေသည်။
မြန်မာရာဇဝင်များဖြစ်သော ဦးကုလား၊ မှန်နန်းနှင့် သုသောဓိတမဟာရာဇဝင်များအရ သိရသည်မှာ ဟံသာဝတီတွင် ဗညားရံ (ဗညားရာံ/ဗညားရာမ)နှင့် ညီတော်အထွေး ဒဂုန်စား ဗညားကျန်းတို့ ပုန်ကန်ကြလေ၏။ (ရာဇာဓိရာဇ်အရးတော်ပုံကျမ်းတွင်မူ ညီနောင် သုံးပါးဟု မဆိုပဲ ညီနောင်နှစ်ပါးသာပြကာ ဗညားဓမ္မရာဇာသည် ဗညားကျန်းဟုဆိုပါသည်။) ဟံသာဝတီတွင် အချင်းချင်း မညီမညွတ် ဖြစ်နေကြောင်းကို အင်းဝဘုရင် ဆင်ဖြူရှင် သီဟသူ ကြားရလျှင် အခွင့်ကောင်း အခါကောင်းကို ယူပြီးသော် ဟံသာဝတီသို့ စုန်ဆင်း၍ တိုက်ခိုက်လေ၏။ အင်းဝတို့က တိုက်လာလျှင် ညီနောင်တို့ ပြန်၍ ညီညွတ်ကြသည်။ ဗညားဓမ္မရာဇာသည် ဗညားရံကို ဒဂုန်စားအဖြစ် ပြောင်းပေး၍ ဗညားကျန်းကို မုတ္တမစားအဖြစ် စေလွှတ်သည်။ အင်းဝတပ်တို့သည် ပုသိမ်နှင့် ဒလ(ယခု တွံတေး) တို့ကို အောင်မြင်ပြီးနောက် ဒဂုန်ကို ဆက်လက် တိုက်ခိုက်သော်လည်း ချက်ချင်း မဝင်နိုင်သဖြင့် ကြည်းကြောင်း၊ ရေကြောင်းဖြင့် ဝိုင်းရံထား၏။ ယင်းသို့ ဝိုင်းရံထားရာ၌ တစ်လခန့် ကြာလတ်သော် ဒဂုန်စား ဗညားရံ မခံနိုင်တော့သဖြင့် စစ်ပြေငြိမ်းရန် ကမ်းလှမ်းပြီးလျှင် နှမတော် ရှင်စောပုကို ဆက်သလိုက်လေသည်။

ဗညားရံသည် ပြာသာဒ်သုံးဆောင် ဆောက်ပြီးလျှင် နှမတော်ကို သီရိတြိဘုဝနာဒိတျ ပြဝရအတုလ အဂ္ဂမဟာ ဓမ္မရာဇာဓိရာဇ မဟာဒေဝီ ဟူသော အမည်၊ မိဖုရားကြီးတို့၏ အဆောင်အယောင်နှင့်တကွ ကိုယ်လုပ်အမျိုးသမီး သုံးကျိပ် အထိန်းအချီ ခန့်ရန်း၍ ရွှေဝေါနှင့် မွန် မြန်မာအမတ် ဝိုင်းရံပြီးလျှင် သီဟသူမင်းထံသို့ ပို့လေသည်။
သီဟသူလည်း မိမိဖောင်တော်ထက်မှ လက်လှမ်းဆီးကြိုကာ အင်းဝသို့ ဆောင်သွားသည်။ ရှင်စောပုသည် အပြင်အလျာ အရောင်အဆင်းကောင်းမြတ်လှသောကြောင့် သီဟသူမင်း အလွန် လေးမြတ်တော်မူလေသည်။

သို့ရာတွင် မွန်ရာဇာဝင်၊ ပေမူ၊ ပတ်လတ်ပုံနှိပ်မူနှင့် ပီဒဗျူ ရှမစ်တို့ ပြန်ဆိုသည့် ဟံသာဝတီမင်းဆက် ရာဇဝင်မူများအရ သိရပြန်သည်မှာ ရှင်စောပုသည် ဆံတော်ရှင် ဒဂုန်ဘုရားသို့ မကြာခဏ ကြွရောက်ဖူးမြှော်လေ့ ရှိသည်။ ထိုသို့ အစောင့်အရှောက် နည်းပါးစွာဖြင့် ရှင်စောပုသည် ဟံသာဝတီနှင့် ဒဂုန်သို့ ဘုရားဖူးရန် သွားလာနေကြောင်းကို အင်းဝဘုရင် ကြားသိရလျှင် မိမိအား ပမာမခန့်၍သာ ထိုသို့ အစောင့်အရှောက် နည်းပါးစွာဖြင့် သွားလာနေခြင်း ဖြစ်သည်ဟု ယူဆပြီး ရှင်စောပုအား ဖမ်းယူရန် မင်းနန္ဒသူအား စစ်တပ်အင်အား လုံလောက်စွာဖြင့် ဒဂုန်အနီး တောစခန်း တနေရာသို့ စေလွှတ်လိုက်လေသည်။ ရှင်စောပုလည်း ဟံသာဝတီမှ ဒဂုန်သို့ ဆံတော်ရှင်ဘုရား ဖူးမြော်ရန် ဥပုသ်နေ့တနေ့တွင် ယခင်နည်းအတိုင်း ဆင်စီး၍ အစောင့်အရှောက် နည်းပါးစွာဖြင့် ထွက်ခွာလာရာ ဒဂုန်အနီးတောစခန်းသို့ ဆိုက်ရောက် လာသောအခါ အဆင်သင့် စောင့်နေသည့် မင်းနန္ဒသူသည် စစ်တပ်ဖြင့် ဝိုင်းရံပြီးလျှင် ရှင်စောပုအား ဆင်ထက်မှ မဆင်းစေဘဲ အသာအကြည် အင်းဝသို့ ခေါ်ဆောင်သွားသည် ဟု ဖြစ်လေသည်။ ထို အကြောင်းအရာနှစ်ရပ်တွင် ပထမအကြောင်းအရာမှာ ပိုမိုခိုင်လုံပြီး လက်ခံနိုင်ဖွယ်ရှိပေသည်။

မည်သို့ဆိုစေ ရှင်စောပုသည် အင်းဝသို့ ပါတော်မူခဲ့ရပြီးလျှင် အင်းဝဘုရင်၏ မိဖုရားကြီးအဖြစ် နေခဲ့ရသည်ကိုကား မွန်၊ မြန်မာ ရာဇဝင်များ အားလုံးက ဖော်ပြကြပေသည်။
ရှင်စောပုသည် အင်းဝတွင် မိဖုရားကြီးတပါးအဖြစ် စံနေရလင့်ကစား မပျော်ပိုက်ပေ။ အင်းဝတွင် သီဟသူနှင့် သုံးနှစ်၊ မင်းလှငယ်နှင့် သုံးလ၊ ကလေးတောင်ညိုမင်းနှင့် ခုနှစ်လ၊ မိုးညှင်းမင်းတရားနှင့် သုံးနှစ် စုစုပေါင်း ခုနစ်နှစ် ကြာခဲ့လေသည်။ ထိုမျှသော ကာလပတ်လုံး မိဖုရားကြီး၏ စည်းစိမ်ချမ်းသာကို တပ်မက်မောခြင်း မရှိဘဲ မိမိ၏နေရင်း ဟံသာဝတီ သို့သာ ပြန်လိုလှ၍ ဒဂုန်ဆံတော်ရှင်၏ ခြေတော်ရင်းတွင် ဥပုသ်သီတင်း ဆောက်တည်ကာ ဒါန၊ သီလ၊ ဘာဝနာ အလုပ်တို့ကိုသာ ဆောင်ရွက်နေလိုစိတ် ပြင်းပြနေခဲ့လေသည်။

ဟံသာဝတီတွင် ရှင်စောပုရှိစဉ်က သားအမှတ်စားခဲ့၍ ရဟန်းပြုပေးခဲ့သော ပိဋကဓရ မည်သော ရဟန်းတစ်ပါးသည် မယ်တော်ကြီးအလား ကျေးဇူးကြီးလှသော ရှင်စောပု ဟံသာဝတီသို့ ပြန်လည်ရောက်ရှိရေးကို တွေးတောအားထုတ်ခဲ့လေသည်။ ပိဋကဓရသည် ရှင်သာမဏေ ဘဝကပင် ပုဂံသို့ သွားရောက်ပြီးလျှင် ပိဋကတ်သုံးပုံကို ငါးနှစ်မျှ သင်ကြား တတ်မြောက်ခဲ့၍ ဟံသာဝတီသို့ ပြန်ရောက်သောအခါ မွန်၊ ဗမာ နှစ်ဘာသာဖြင့် တရားဓမ္မ ဟောကြားရာတွင် အလွန်ကျော်ကြားလေသည်။ ပိဋကဓရသည် ရှင်စောပုအား ကူညီနိုင်ရန် ဓမ္မဥာဏဘွဲ့ အမည်ရှိ အခြားမွန်ရဟန်းတစ်ပါးနှင့် တိုင်ပင်နှီးနှောပြီးလျှင် အင်းဝသို့ ကြွလာခဲ့ကြလေသည်။ အင်းဝသို့ရောက်လျှင် ထိုရဟန်းတို့ တရားဟော အလွန်ကောင်းသည်ဟု ကျော်ကြားလေသည်။ ထိုအချိန်ကာလသည် မိုးညှင်းမင်းတရား လက်ထက် သက္ကရာဇ် ၇၉၁ ခုနှစ်ဖြစ်ပေသည်။

ပိဋကဓရတို့ ရောက်လတ်လျှင် ရှင်စောပုသည် ထိုရဟန်းတို့နှင့် လျှို့ဝှက်စွာ အဆက်အသွယ်ပြုလျက် ဟံသာဝတီသို့ ထွက်ပြေးရန် စီစဉ်သည်။ ထို့နောက် မိဖုရားကြီးသည် ကြိုတင်စီစဉ်ထားသည့်အတိုင်း ချိပ်ရည်ဖြင့် ဖော်စပ်ထားသော ဆေးကို သောက်လေလျှင် ဝမ်းက အနီအဝါ သွေးဝမ်းများ ကျလတ်သည်။ အထိန်းတော်များလည်း စိုးရိမ်စွာဖြင့် မင်းကြီးအား သံတော်ဦး တင်၏။ ရောဂါကူးစက်မည် စိုး၍ ရှင်စောပုအခန်းသို့ နန်းတွင်းသူများ မဝင်လိုကြဘဲ ရှောင်ရှားနေကြသည်။ ရှင်စောပုလည်း မိမိဝေဒနာကြီးစွာ ခံစားနေရသဖြင့် ကံမကုန်မီ ပိဋကဓရနှင့် ဓမ္မဉာဏတို့၏ တရားတော်တို့ကို နာကြားလိုသည် ဟု လျှောက်သည်။
မင်းကြီးလည်း ယုံကြည်၍ ရဟန်းနှစ်ပါးအား အချိန်မရွေးပင် ထွက်ခွင့်ပေးသည်။ အချိန်းအချက် ပြုထားသည့်နေ့တွင် ပိဋကဓရနှင့် ဓမ္မဉာဏတို့ ရဟန်းနှစ်ပါးလည်း သိက္ခာချ၍ သာမဏေအဖြစ်ဖြင့် နေကြသည်။ ထိုညဉ့်သန်းခေါင်ယံအချိန်တွင် အဝတ်အစား သေတ္တာကြီးတလုံးအတွင်းသို့ ရှင်စောပုအား ဝင်စေ၍ အဝတ်အထည်များဖြင့် ဖုံးကွယ်ကာ ရဟန်းနှစ်ပါးတို့က သေတ္တာကို တဖက်စီဆွဲလျက် အခန်းအတွင်းမှ ထွက်သည်။ နန်းတော်တံခါးစောင့်များ မေးလျှုင် ရှင်စောပု လှူလိုက်သော ပစ္စည်းများဟု ဆိုသဖြင့် မည်သို့မျှ ရှာဖွေခြင်း မပြုဘဲ လွှတ်လိုက်၏။ ထို့နောက် မြို့အနောက် လုံးတော်ပေါက်မှ ထွက်ကာ ကြိုတင်စီစဉ်ထားသည့်အတိုင်း ရဟန်းနှစ်ပါးနှင့် တကာနှစ်ယောက်တို့သည် ရှင်စောပုအား လှေပေါ်တင်ပြီးသော် ဟံသာဝတီသို့ စုန်ပြေးလေသည်။

မိုးညှင်းမင်းတရားသည် အမတ်ကြီးအား လှော်ကားငါးစင်းနှင့် လက်ပြည့်လှော်၍ လိုက်စေသော်လည်း မတွေ့ရချေ။ ရှင်စောပုတို့လူစုသည် နေ့တွင် တောအတွင်း၌ ပုန်း၍ ညဥ့်အခါတွင်သာ စုန်ဆင်းကြသည်။ မိုးညှင်းမင်းတရားလည်း ရှင်စောပုသည် အင်းဝ၌ မပျော်ပိုက်သဖြင့် ပြေးလေသည်ကို ဆင်ခြင်မိ၍ ရှိစေတော့ဟုဆိုကာ ဟံသာဝတီအရောက် လိုက်လံ တိုက်ခိုက်ခြင်း မပြုတော့ပေ။

ထိုအချိန်တွင် ဟံသာဝတီပြည်၌ ဗညားရံ ထီးနန်းစိုးစံနေသည်။ ဗညားရံသည် နှမတော် ပြန်ရောက်လာလျှင် ဝမ်းမြောက် ဝမ်းသာရှိ၍ နန်းတွင်း၌ အိမ်ဆောက်နေစေသည်။ ရှင်စောပုသည် ဟံသာဝတီပြည်သို့ ပြန်ရောက်ြပီးနောက်တွင် ပိဋကဓရနှင့် ဓမ္မဉာဏတို့အား ရဟန်းသိက္ခာ အသစ်ပြန်တင်ပေးခြင်း၊ ရဟန်းနှစ်ပါး သီတင်းသုံးရန် ကျောင်းတဆောင် ဆောက်ပေးခြင်း၊ ရဟန်းသံဃာတော် အများအပြား ဆွမ်းကပ်လှူခြင်းစသော ကုသိုလ်ကောင်းမှု အများအပြားကို ပြုလုပ်လေသည်။

သက္ကရာဇ် ၈ဝ၈ ခုနှစ်တွင် ဗညားရံ လွန်လေရာ ရှင်စောပု၏ သားတော် ဗညားဗရူး နန်းတက်သည်။ ဗညားဗရူး လုပ်ကြံခံရသောကြောင့် လွန်ပြန်သော် ရှင်စောပု၏ မောင်တော်ဖြစ်သော ဗညားကျန်းသည် ထီးနန်းရိုက်ရာကို ဆက်ခံသည်။ (မွန်မူတွင် ဗညားကျန်းထောဟုဆိုသည်။) ဗညားကျန်းလည်း နန်းသက် မကြာရှည်ချေ။ ဗညားကျန်း လွန်လျှင် ဗညားရံ၏ သားတော် လိတ်မွတ်ထော် (မမောဟ်ထာဝ် ရှင်စောပု၏ တူတော်) နန်းတက်၍ မင်းကျင့်တရားနှင့်မညီသဖြင့် မှုးမတ်တို့လုပ်ကြံရာ ခြောက်လမျှသာ နန်းစံရလေသည်။ (မွန်မူတွင် ခုနှစ်လဟုဆိုသည်။)

မင်းမော်ဓော ဟုလည်း ခေါ်တွင်သော လိတ်မွတ်ထော်၏ ထီးနန်းရိုက်ရာကို အရီးတော် ရှင်စောပုက ၈၁၄ ခုနှစ်တွင် ဆက်ခံ၍ ဟံသာဝတီပြည်ကြီးအား အုပ်ချုပ်မင်းလုပ်သည်။ နန်းတက်သည့်အခါတွင် သက်တော် ၆ဝ နီးပါးခန့်ရှိပြီဖြစ်ရာ ရှင်စောပုသည် ဗညားထော (ဗညားထာဝ်) သို့မဟုတ် မင်းအို ဟူသော အမည်ကို ခံယူလေသည်။ ဘုရင်မကြီးအား ပြည်သူပြည်သားတို့က ကြည်ဖြူနှစ်လိုကြသည်တကြောင်း၊ ထို့ပြင် အထက်တွင် အင်းဝတို့အချင်းချင်း တိုက်ခိုက်နေကြ၍တကြောင်း ဘုရင်မကြီး လက်ထက်တွင် ဟံသာဝတီသည် စစ်မက်ဘေးမှ ကင်းလွတ်နေ၍ အေးချမ်း သာယာနေလေသည်။

နောက်ဆက်တွဲ

ရှင်စောပုသည် ဘာသာရေးတွင်သာ ထက်သန်သူဖြစ်ကာ တိုင်းပြည်ကိုအုပ်ချုပ်ရန် များစွာ စိတ်အားထက်သန်လှသူ မဟုတ်ချေ။ ရွှေတိဂုံစေတီတော်အား ဥာဏ်တော် တိုးမြှင့်ကာပြုပြင်ပူဇော်သည်။ ဘ၀၏နောက်ပိုင်းကာလများတွင် မိမိအား ဟံသာဝတီသို့ ပြန်ရောက်အောင် ကျေးဖူးပြုခဲ့သည့် ရဟန်း နှစ်ပါးအနက်မှ ဓမ္မဉာဏအား လူဝတ်လဲစေပြီး သမီးတော် မိတကာတင်နှင့် လက်ဆက်စေသည်။

ထို့နောက် ဓမ္မစေတီဘွဲ့ဖြင့် အိမ်ရှေ့အရာပေးကာ ကိုယ်စားအဖြစ် တိုင်းရေးပြည်ရွာ ကိစ္စများကို လွှဲအပ်လေသည်။ မိမိမှာမူ ရွှေတိဂုံစေတီတော် ခြေတော်ရင်းတွင်သာ တရားဓမ္မများကို လေ့လာအားထုပ်ပြီးနေသည်မှာ နတ်ရွာစံသည့် အချိန်အထိပင်ဖြစ်သည်။

ထို့ကြောင့် ဘုရင်မကြီးရှင်စောပု၏ အုတ်ဂူကို ရွှေတိဂုံဘုရားအနီးတွင် တည်ထားခဲ့ခြင်းဖြစ်သည်။ ရှင်စောပု လွန်လျှင် သားမက်တော် ဓမ္မစေတီမင်း နန်းတက်ကာ ဟံသာဝတီထီးနန်းကို စိုးစံသည်။ ထိုမင်းသည်လည်း မြန်မာ့သမိုင်းတွင် သာဿနာတော် သန့်ရှင်းရေးအတွက် ပြုပြင်ရေးများကို အင်တိုက်အားတိုက်ပြုလုပ်ခဲ့သည့်အတွက် အလွန်ထင်ရှားသည်။

ဘုရင်မကြီးသည် ဇရာလည်းထောင်းလာပြီဖြစ်၍ တိုင်းပြည်အုပ်ချုပ်ရန် စိတ်မထက်သန်ချေ။ ထို့ပြင် ပင်ကိုယ်ကပင် တရားဓမ္မ အလှူဒါနတို့၌သာ မွေ့လျော်ခဲ့သူဖြစ်သည်။ ထို့ကြောင့် ဟံဟာဝတီ ထီးနန်းအား သင့်တော်သူတဦးကို လွှဲအပ်လိုသည်။ လွှဲအပ်ခံနိုင်မည့်သူကို ဆင်ခြင်ရွေးချယ်သောအခါ ပိဋကဓရ ရဟန်းသည် ဉာဏ်ပညာ အလိမ္မာနှင့် ပြည့်စုံသည်။ ထို့ကြောင့်သာလျှင် အခြားသူတပါးတို့ မပြုဝံ့သော အမှုကို ပြုကာ မိမိအား အင်းဝမှ ဟံသာဝတီအရောက် ဆောင်ကြဉ်းနိုင်ခဲ့ခြင်းဖြစ်သည်။
ထို့ပြင် ပိဋကဓရ၏ ကျေးဇူးသည် မိမိအပေါ်၌ ကြီးမားခဲ့ခြင်းတို့ကို ထောက်ထား၍ ပိဋကဓရအား ထီးနန်းလွှဲအပ်ရန် မှူးမတ်တို့နှင့် တိုင်ပင်သည်။ မှူးမတ်တို့က သဘောမကြိုက်ညီ ရှိကြလျှင် လူအများ ကျော်နင်းသည့် တံတားသစ်သားတိုင်ကို ထုထားသည့် ဗုဒ္ဓရုပ်ပွားတော်အား ရုပ်ပွားတော်ဖြစ်လာသည့်အခါ ယုတ်ညံ့သည့်အသားဖြင့် ထုထားသည့်အပြစ်ကို ပမာဏမထားကြံဘဲ ရှိခိုးပူဇော်သည့် ပုံပမာကိုဆောင်၍ ထိုနည်းတူစွာ ဆင်းရဲသား မုဆိုးမသားဖြစ်သော်လည်း ဘုန်းပညာ လက္ခဏာနှင့် ပြည့်စုံသူ ပိဋကဓရ ဘိက္ခုအား မိမိက ဘုရင်အဖြစ် ချီးမြှင့်ခြင်းကို မှူးမတ်တို့ ကြည်ဖြူလေအောင် ဘုရင်မကြီး ဆောင်ရွက်သည်ဟု ဆိုလေသည်။

ဘုရင်မကြီးသည် ပိဋကဓရ ဘိက္ခုအား လူထွက်စေပြီးလျှင် သမီးတော် မိပကာထော်နှင့် (မိပ္က’ထဝ်) နှင့် စုံဖက်ပေး၍ အိပ်ရှေ့အရာနှင်းသည်။ ၈၂၁ ခုနှစ်တွင်မူ သမက်တော်အား ဟံသာဝတီ ထီးနန်းကို လွှဲအပ်လေသည်။ သမက်တော်ကား ဓမ္မစေတီမင်းဟူ၍ လည်းကောင်း၊ ရာမာဓိမတိမင်းဟူ၍ လည်းကောင်း ထင်ရှားလေသည်။

မင်းအိုဘွဲ့ခံ ဘုရင်မကြီးသည် ကုသိုလ်ဒါနပြုရေး၌ စိတ်ဆန္ဒပြင်းပြခဲ့သည့်အတိုင်း တိုင်းပြည်အုပ်ချုပ် မင်းလုပ်နေစဉ်တွင်လည်း ကုသိုလ်ဒါနများ ပြုခဲ့သည်။ ထိုကုသိုလ်တော်များအနက် ကျိုက်မရော(ကျာက်မရဟ်) ဆုတောင်းပြည့် ဘုရားကြီး၌ အလှူဒါန ပြုခဲ့ကြောင်းကို ထိုဘုရားကြီး၌ မွန်ဘာသာဖြင့် ကျောက်စာနှစ်ချပ် ကမ္ဗည်းထိုးစေခဲ့သည်။ ထိုကျောက်စာလာ အရေးပါသော အချက်များကား ဆင်ဖြူရှင် ဗညားဦး၏ မြေးတော် သူ့ရှင်ဗညာထာဝ်သည် သက္ကရာဇ် ၈၁၇ ခုနှစ်တွင် ကျိုက်မရောဘုရား၌ ကုသိုလ်ကောင်းမှုများပြုကြောင်း၊ မိမိ၏ အလှူဒါန၌ ဝိုင်းဝန်း ကူပံ့သူများအား ကြီးပွားချမ်းသာကြစေရန် လေးနက်စွာမေတ္တာပို့၍ ဆုတောင်းပြီးလျှင် မိမိ၏ ကုသိုလ်ကောင်းမှုတို့ကို ဖျက်ဆီးသူများအား ကျိန်ထားသည်ကို တွေ့ရလေသည်။

ကျိုက်မရောဘုရားတွင်သာမက အနီးအနားရှိ ကော့ဗိန်း(အိုးသည်ကုန်း) ကျောက်တောင်ဂူ၊ ဓမ္မသတ်ဂူ၊ ခရုံဂူ၊ ကော့ဂွမ်းဂူနှင့် ဖားကပ်ဂူ အစရှိသည့် ဂူဘုရားများတွင် ခရစ် ၁၅ ရာစုနှစ် အတွင်း ထုလုပ်ထားသော ရှေးဟောင်းပန်းပုလက်ရာများ ပါရှိသည်ကို ထောက်ရှု၍ ကျိုက်မရော အနီးတဝိုက်ရှိ အထက်ပါဘုရားများသို့လည်း ရှင်စောပု ရောက်ရှိပြီးလျှင် ကောင်းမှုကုသိုလ်များ ပြုခဲ့သေးသည်ဟု ယူဆနိုင်လေသည်။

ရှင်စောပုသည် သမက်တော်အား ထီးနန်းလွှဲအပ်ပြီး နောက်တွင် ကောင်းမှု ကုသိုလ်ပြုရေးကိုသာ လုံးလုံးလျားလျား ဆောင်ရွက်ခဲ့ဟန် တူပေသည် ပဲခူး(ဗဂိုး) ဘုရားခုနစ်ဆူ မွန်ကျောက်စာအရ ရှေးဟံသာဝတီပြည့်ရှင် မဟာတိဿမင်းကြီး၏ မိဖုရား သုဘဒ္ဒါဒေဝီ (ဘဒြဒေဝီ) တည်ထားခဲ့သော ဘုရားခုနစ်ဆူတို့ ပျက်စီးယို ယွင်းနေသည်ကို ဒါန သီလ၊ သမာဓိပညာနှင့် ပြည့် စုံသော ရှင်စောပုမင်းသမီးသည် မင်းကျင့်တရား ၁ဝ ပါးကို စောင့်ထိန်းသော သမက်တော် ရာမာဓိပတိမင်းနှင့် အတူတကွ ထိုပျက်စီးယိုယွင်းသော ဘုရားခုနစ်ဆူတို့ကို ခိုင်ခံ့စွာ ပြန်လည်မွမ်းမံသည်။

သက္ကရာဇ် ၈၃၂ ခုနှစ် တပို့တွဲလဆန်း ၁ ရက်နေ့တွင် ဓာတ်တော်ဟောင်းသစ်များနှင့် တကွ ရတနာခုနစ်ပါးတို့ကို ဌာပနာသည်။ ပြုသောကုသိုလ်အဖို့ကို သတ္တဝါပေါင်းအား အမျှပေးဝေ၍ ထိုကုသိုလ်ကောင်းမှုကြောင့် သံသရာမှ လွတ်မြောက်ပြီးလျှင် ထိုကောင်းမှုသည် သဗ္ဗညုတဉာဏ်အတွက် အထောက်အပံ့ဖြစ်ပါစေဟု ဆုတောင်းထားလေသည်။ ရှင်စောပု၏ ဘွဲ့တော်ကို ယင်းကျောက်စာတွင် "ြ၈ီတြိဘုဝနာဒိတျ ပြ၀ရ ဓမ္မဇေတြ လောကျနာထပြဝရ မဟာဓမ္မရာဇာဓိရာဇာဒေဝီ" ဟု ကမ္ဗည်းထိုးထားလေရာ အခြားကျောက်စာများတွင် ပါရှိသည့်ဘွဲ့ထက် ပြဝရ ပို၍ပါသည်။

ထို့ပြင် ပဲခူး (ဗဂိုး) ခရိုင် ဘုရားကြီးရွာရှိ ဘုရားကြီးကို ရှင်စောပုနှင့် သမက်တော်တို့ ပြုပြင် မွမ်းမွံခဲ့ကြောင်းကို ရှင်စောပုလွန်ပြီးသည့်နောက် ၈၄၈ ခုနှစ် တော်သလင်းလဆုတ် ၃ရက် တနင်္ဂနွေနေ့၌ ရေးထိုးခဲ့သော ဘုရားကြီးကျောက်စာများအနက် ဘုရားကြီးကျောက်စာသည် အစုံလင်ဆုံးနှင့် အရှည်လျားဆုံးဖြစ်သည်။ ကျောက်စာကို စီကုံးရေးသားသူ အမည်နှင့် ကျောက်စာထုသူ ကျောက်ဆစ်သမား၏ အမည်ကိုပါ ဖော်ပြထားသည်။
ကျောက်စာပါ အခြားအကြောင်းအရာများမှာ ဂေါတမမြတ်စွာဘုရား လက်ထက်တွင် ဂဝံမတိထေရ်သည် ရှေးဘဝက ညီတော်ဖြစ်ခဲ့သော သထုံဘုရင် သီရိမာသောက (သီဟရာဇာ) မင်းထံ ကြွရောက်ကြောင်း၊ သီရိမာသောကမင်း၏ လျှောက်တောင်းပန်ချက် အရ ဂဝံပတိထေရ်က မြတ်စွာဘုရားအား သထုံပြည်သို့ ပင့်ဆောင်၍ မြတ်စွာဘုရား ကြွလာသည်။
သထုံ (သုဓမ္မဝတီ> သုဓမ္မ>သုဓမ်> သုဓိုမ်> သဓီု> သထုံ)ပြည်ရှိ ရသေ့ခြောက်ပါးတို့အား ဆံတော် ဓာတ်တဆူစီ ပေးသနားခဲ့၍ သီရိမာသောကမင်းကိုမူ ဆံတော်မပေး၊ နောက် ၃၇ နှစ်ကြာ၍ ဘုရားရှင် ပရိနိဗ္ဗာန်ပြုသည့် အခါ၌သာ သွားတော်ဓာတ်တဆူကို ဂဝံပတိထေရ်က သီရိမာသောကမင်းထံ ဆောင်ကျဉ်းပေးလိမ့်မည်။ ထိုသွားတော်ဓာတ်တဆူမှ ၃၃ ဆူပွားမည်ဖြစ်ကြောင်း ဗျာဒိတ်တော် (သက္ကတ-ဝျာဒေဝ>ဗျာဒေသ်> ပါဠိတွင် ဗျာဒိတ္တဟူ၍လုံးဝမရှိပါ) ပေးခဲ့လေသည်။

သုံးဆယ့်ခုနစ်နှစ်ကြာ၍ မြတ်စွာဘုရား ပရိနိဗ္ဗာန်ပြုလျှင် သွားတော်ဓာတ်ကို သီရိမာသောကမင်း ရရှိသည်။ ဓာတ်တော် ၃၃ ဆူပွား၍ စေတီ ၃၃ ဆူတည်ပြီးလျှင် ဌာပနာသည်။ ထိုမင်းနတ်ရွာစံ၍ ကာလရှည်ကြာသော် စေတီများပျက်စီးယိုယွင်းသည်။ ထိုစေတီများကို ရာဇာဓိရာဇ်မင်း လက်ထက်ကလည်း ပြုပြင်ခဲ့သည်။ ယခု ရှင်စောပု လက်ထက်တွင် ရှင်စောပုနှင့် သမက်တော်တို့က ပြန်လည်တည်ထားကြောင်းကို စာကြောင်း ၆၃ ကြောင်းဖြင့် ရေးထိုးထားလေသည်။

ထို့ပြင် သထုံခရိုင် တောင်စွန်းကေလာသ တောင်ပေါ်၌ သက္ကရာဇ် ၈၄၈ ခုနှစ် တပို့တွဲလဆန်း (၁)ရက် ဗုဒ္ဓွဟူးနေ့၌ ရေးထိုးသော မွန်ကျောက်စာအရ ကျောက်စာ၌ ငွေတောင်ဟုခေါ်သော ကေလာသတောင်ရှိ စေတီတော်ကို ရှင်စောပုနှင့် သားမက်တော်တို့ ပြုပြင်မွမ်းမံကြောင်း၊ ထိုငွေတောင်ရှိ စေတီသည် သီရိမာသောကမင်းရရှိသည့် သွားတော်ဓာတ်အစစ် ကိန်းဝပ်ရာစေတီဖြစ်ကြောင်း၊ ထိုစေတီတော်ကို ဟံသာဝတီမင်းအဆက်ဆက်တို့ ပြုပြင်မွမ်းမံကြောင်း၊ စေတီအနီးတွင် ရှစ်မြှောင့် ပုံသဏ္ဌာန် သိမ်တော်ကြီးတဆောင်ကိုလည်းကောင်း၊ ကေလာသ ဘုရားစေတီအတွက် ဝတ္တက လယ်ယာမြေတို့ကိုလည်းကောင်း၊ သားနှင့်အမိ မင်းနှစ်ပါးက လှူဒါန်းကြောင်းများ ပါရှိလေသည်။

အထက်ဖော်ပြပါ ကျောက်စာများအရ ရာမည ဒေသရှိ ပဲခူး(ဗဂိုး) ခရိုင်နှင့် သထုံခရိုင်အတွင်း၌ ဘုရင်မကြီး ရှင်စောပုနှင့် သမက်တော်တို့သည် ရှေးဟောင်စေတီတော်များစွာတို့ကို ပြန်လည်တည်ထား မွမ်းမံခဲ့ကြောင်း သိရှိရလေသည်။

ဘုရင်မကြီး ရှင်စောပု အများဆုံး ပြုပြင်မွမ်းမံ၍ ကုသိုလ်ကောင်းမှု အများဆုံး ပြုခဲ့သည်ဟု ယူဆရသော စေတီတော်မှာ ဒဂုန် (ရန်ကုန်)မြို့ရှိ ဒဂုန်ဆံတော်ရှင် ရွှေတိဂုံစေတီတော်ကြီးပေတည်း။

ဘုရင်မကြီးသည် ရွှေတိဂုံဆံတော်ရှင် စေတီကြီးအား အလွန်တရာ ကြည်ညိုလှ၍ ထိုစေတီတော်ကြီးတွင် သဒ္ဓွါတရား ထက်သန်လှစွာဖြင့် ကုသိုလ်ကောင်းမှုများ ပြုသည်။ သမက်တော်အား ထီးနန်းလွှဲအပ်ပြီးသည့်နောက်တွင် ဒဂုန်မြို့သို့ ရွှေ့ပြောင်းစံမြန်းသည်။

ရွှေတိဂုံဘုရားကြီး၏ အရှေ့ဘက်စောင်းတန်း အလယ်ပစ္စယာတွင် သက္ကရာဇ် ၁၂၄၁ခုနှစ် (ခရစ်နှစ် ၁၈၈ဝ) တွင် ကျောက်စာဌာနမှ တူးဖော်တွေ့ရှိသော ပါဠိဘာသာ၊ မွန်ဘာသာ မြန်မာဘာသာတို့ဖြင့် ရေးထိုးထားသည့် ကျောက်စာတိုင် သုံးတိုင်ရှိသည်။ ထိုကျောက်စာများတွင် ဘုရင်မကြီး ရှင်စောပုနှင့် သမက်တော်တို့သည် ဒဂုန်ဆံတော်ရှင် စေတီအား မည်ကဲ့သို ဉာဏ်တော်မြှင့်တင်၍ မည်ကဲ့သို့ ပြုပြင်မွမ်းမံခဲ့ပုံများကို အကျယ်တဝင့် ဖော်ပြထားသည်။ ထိုမွန်ကျောက်စာတွင် မွန်ကို(ရ္မန်=ရမန်) ဟုရေးထိုးခဲ့ပါသည်။ မွန်တိုင်းဌာန ရာမညဒေသ၏ မင်းအဆက်ဆက် တို့သည် စေတီတော်ကြီးကို အစဉ်အဆက် ပြုပြင်မွမ်းမံခဲ့ကြသည်။
ထိုနောက် ရှင်စောပုနှင့် သမက်တော်တို့သည် သမက်တော်မင်းပြုသော ကာလအတွင်း သားနှင့်အမိတို့ စစ်သည်ဗိုလ်ပါအပေါင်း ခြံရံလျက် ဘုရားခြေတော်ရင်း၌ ကြွရောက် စံမြန်းပြီးလျှင် ကြီးစွာသော အလှူဒါနပြုကြသည်။
စေတီတော်ပတ်လည်ရှိ ချောက်ကမ်းပါးနှင့် ချိုင့်ဝှမ်းများကို ဂဝံကျောက်တုံးကြီးဖြင့် ဖို့စေသည်။ မြင့်သော ကုန်းမြေကို ညီညာစေရန် တူးညှိစေသည်။ အပြင်ဘက်တို့တွင် ဂဝံကျောက်တုံးများဖြင့်စီစေသည်။ စေတီကိုခံသော ပစ္စယာပေါ်တွင် ကျောက်ထီးများပြုလုပ်၍ ရွှေချသည်။ ပန်းတင်ခုံပစ္စယာကို ခါးဖွဲ့၍ ကျောက်ဖြင့်ပြီးသော ဆီမီးအိမ်တို့ဖြင့် ပတ်လည်စီထားသည် စသည်ဖြင့် ရွှေတိဂုံကျောက်စာ၌ ဆံတော်ရှင်အား အထူးတလည် မွမ်းမံပုံ များကို ဖော်ပြထားသည်။

ဘုရင်မကြီးသည် ဒဂုန်ဆံတော်ရှင်မြတ်ကို အလွန်တရာကြည်ညိုတော်မူသဖြင့် မိမိ၏ ကိုယ်အလေးချိန်ဖြစ်သော ရွှေ ၂၅ ပိဿာကို မျက်ပါးခတ်ပြီးလျှင် စေတီတော်ကြီးတွင် ရွှေသင်္ကန်း ကပ်လှူတော်မူသည်။ မြို့သူ၊ မြို့သား တို့ကလည်း ရွှေပိဿာချိန် ၅ဝ မျှကို ကူ၍ ပူဇော်ကြသည်။ ဘုရင်မကြီးသည် ကြေးချိန် ၁၇ဝဝ ပိဿာရှိ ခေါင်းလောင်းကြီးတစ်လုံးကိုလည်း သွန်းလုပ် လှူဒါန်းသည်။
စေတီတော်ကြီးအတွက် နယ်မြေလေးရပ် လှူတော်မူရာ ထိုနယ်မြေလေးရပ်မှာ ဤသို့ဖြစ်သည်။

-စေတီတော်မှ အရှေ့လားသော် ကျိုက်ကနက် ဘုရားအထိ
-အနောက်လားသော် ကျိုက်မြောင်းဘုရားအထိ
-မြောက်လားသော် ကျိုက်မိုးရပ်အထိ

တောင်လားသော် ကျိုက်နုတ်ဘုရား (အချို့က ကျိုက်သုတ်ဟုလည်း ဆိုသည်) အထိဟူ၍ သတ်မှတ်၍ ဘုရားကြီး၏ ဝတ္တကမြေအဖြစ် လှူတော်မူသည်။ ထို့ပြင် ဘုရားကြီး ရင်ပြင်တော်အပြည့် ကျောက်ပြားခင်းသည်။ ရင်ပြင်တော်အဆုံး ပတ်လည်တွင် မဟာရံတံတိုင်းခုနစ်ထပ် ပြုလုပ်၍ တံတိုင်းများ အကြားတွင် အုန်းပင်၊ ထန်းပင်၊ ပေပင်၊ သရက် ပိန္နဲ၊ ကံ့ကော် စသည့် အပင်အမျိုးမျိုးကို စိုက်စေသည်။ တံတိုင်းအောက်ဆင့် စေတီပတ်ဝန်းကျင်တွင် ဇရပ်ကြီးများကို ဆောက်လုပ်စေလေသည်။

ရွှေတိဂုံစေတီတော်မြတ်တွင် ဘုရင်မကြီး လှူဒါန်းခဲ့သော ကောင်းမှု၊ အလှူဒါနများနှင့် စပ်လျဉ်း၍ စေတီတော်ကြီးများ၏သမိုင်းနှင့် မွန်သမိုင်းတို့၌ ဖော်ပြသည်မှာ ရှင်စောပုသည် စေတီတော်ကြီးတွင် ထီးဖြူလေးစင်း၊ ရွှေသပိတ်လေးလုံး၊ ရွှေပန်းကန် လေးလုံး (ပန်းကန်တလုံးလျှင် ဆန်တတင်းချက် ဝင်သည်။) ငွေပန်းကန်ရှစ်လုံး၊ ရွှေဇွန်းလေးစင်း၊ ငွေဇွန်းရှစ်စင်း၊ (ဇွန်းတစင်းလျှင် ဆန်တစလယ်ချက် ဝင်သည်။) ဆွမ်းသင်ပုတ်တော် ၄၄ ခွက်၊ ရေအိုးကြီးလေးလုံး၊ ထွေးအင်လေးလုံး၊ ကုလားစည်လေးလုံးနှင့် စောင်းတန်းမုခ် လေးဘက်လေးဆောင်တို့ကို လှူဒါန်းခဲ့သည်။

ထို့ပြင် စေတီတော်ကြီး၏ ဝေယျာဝစ္စ ဆောင်ရွက်ရန် တံခါးစောင့်၊ တံမြက်လှဲ၊ ပန်းတင်သမား၊ ဆီမီးခွက်ထွန်းသမား စသည်တို့ကိုလည်း လှူထား၍ စေတီတော်ကြီးအား မွမ်းမံပြုပြင်ရန် ပန်းထိမ်ဖိုလေးဖိုနှင့် ပတ်ဝိုင်းလေးဝိုင်းကိုလည်း ထားရှိသည်။ ဘုရင်မကြီးသည် စေတီတော်ကြီးအတွက် ထိုမျှ ပြည့်စုံလုံလောက်စွာ လှူဒါန်းထားပြီးလျှင် နေ့စဉ်နေ့တိုင်းလည်း ဥပုသ်သီတင်း ဆောက်တည်သည်။ အနောက်ဘက် စောင်းတန်းမှ ကုန်းပေါ်သို့တက်၍ ဆံတော်ရှင်စေတီတော်ကြီးကို ကြည်လင်သဒ္ဓါကြီးမားစွာဖြင့် ဖူးမြော် ကြည်ညိုလေ့ ရှိပေသည်။

ဘုရင်မကြီး ရှင်စောပုသည် သက္ကရာဇ် ၈၃၄ ခုနှစ် သက်တော် ၇၉ နှစ်တွင် ဒဂုန်မြို့၌ စံနေစဉ် ကံကုန်သည်။ ပြည်ထောင်စု မြမာရာဇဝင်တလျှောက်တွင် တစ်ပါးတည်းသောပြည်ကြီးရှင် ဘုရင်မကြီးပေတည်း။

ခမည်းတော်၊ မောင်တော်၊ သားတော်၊ တူတော်နှင့် သမက်တော်တို့သည် မင်းချည်းနှင်နှင်ဖြစ်ကြ၍ ကိုယ်တိုင်လည်း တချိန်က အင်းဝဘုရင်လေးပါး၏ မိဖုရားအဆက်ဆက် တင်မြှောက်ခြင်းခံခဲ့ရသော ထူးခြားသည့် မဟာသွေး မဟာဆီ တစ်ပါး ဖြစ်ပေသည်။

ဘုရင်မကြီး ဒဂုန်တွင် စံမြန်းစဉ်က ဘုရင်မကြီး၏ စံအိမ်တော်သည် ရွှေတိဂုံအနောက်ဘက်ရှိ စစ်တပ်နေရာဖြစ်မည်ဟု ခန့်မှန်းရကြောင်း ရွှေတိဂုံသမိုင်းတစ်စောင်တွင် ဖော်ပြသည်။

ရွှေတိဂုံဆံတော်ရှင်မြတ်၏ အနောက်တောင်ဘက်၌ မြို့နန်းတည်၍ ဆောက်လုပ်ထားသော စံအိမ်တော်၌ အသက်ထက်ဆုံး နေထိုင်ပြီးလျှင် ဥပုသ်သီလ စောင့်ထိန်းကာ တရားဘာဝနာ စီးဖြန်းလေ့ရှိသည်။ ရွှေတောင်ကြီးပမာ ရွှေရောင်တဝင်းဝင်းနှင့် တင့်တယ်သပ္ပာယ်စွာ ရှိနေသော ဆံတော်ရှင်စေတီကြီးကို ဇရာရောဂါ ဖိစီး၍ ဇိဝိနြေ္ဒချုပ်လုဆဲခါနီးအထိ သမာဓိ တည်စွာဖြင့် အာရုံပြုကာ လက်အုပ်ချီ၍ ကြည်ညိုမြတ်နိုး ရှိခိုးလျက်ပင် ကံတော်ကုန်သည် ဟု ဆိုကြလေသည်။

ဘုရင်မကြီး နတ်ပြည်စံလွန်သောအခါတွင် အလောင်းတော်ကို ဟံသာဝတီသို့ ပြန်မယူဘဲ ဘုရင်မကြီး ပျော်မွေ့သည့် ဒဂုန်(ရန်ကုန်) တွင် သင်္ဂြိုဟ်ခဲ့သည်။

ဒဂုန်မြို့ မြေနီကုန်း ရဲတပ်စခန်းနှင့် စမ်းချောင်းအကြားတွင် ရှင်စောပုကုန်းဟု ယနေ့တိုင်ခေါ်ဝေါ်နေကြသော အရပ်ရှိရာ ထိုအရပ်သည် ရှင်စောပု၏ သင်္ချိုင်းတော် ရှိရာအရပ်ဟု ယူဆကြသည်။ ရန်ကုန်မြို့၊ စမ်းချောင်းမြို့နယ်၊ ၀င်ဆာလမ်းကိုလည်း ရှင်စောပုလမ်းဟု ယနေ့တိုင် မည့်ခေါ်လေသည်။

ဘုရင်မကြီး အသုံးပြုခဲ့သည်ဟုဆိုသော ရွှေခေါင်းဆောင်းတစ်ခုကို လန်ဒန်မြို့ဝိတိုရိယနှင့် အယ်လဗတ်ပြတိုက်ကြီးတွင် ယနေ့တိုင် ပြသထားလေသည်။

source: myanmarsite- shinsawpu

အာဖရိက ရဲ့ပထမဦးဆုံးဗုဒ္ဒဘာသာ

အာဖရိကတိုက်၊ ယူဂန်ဒါ နိုင်ငံငယ်လေးက ခရစ်ယာန်မိသားစုမှာ Steven ကို၁၉၆၆-ခုနှစ်က ဖွားမြင်ခဲ့တာပါ။ သူဟာ ငယ်ငယ်က ဘာသာတရားဆိုလို့ ခရစ်ယာန်နဲ့အစ္စလာမ် ၂-ခုတည်းသာရှိတယ်လို့ ထင်ခဲ့တာပါ။ ၁၀ ကျော်သက်အရွယ်ရောက်မှ
အိန္ဒိယနိုင်ငံမှာ ဂေါတမ ဆိုတဲ့ ပုဂ္ဂိုလ်တစ်ဦး ပေါ်ထွန်းခဲ့ဖူးကြောင်းကိုနာမည်လောက်သာ ကြားဖူးခဲ့သူပါ။ အရွယ်ရောက်လာတဲ့ အခါမှာ သူဟာအိန္ဒိယနိုင်ငံကို နိုင်ငံခြားပညာသင် သွားခဲ့ပါတယ်။ အဲဒီမှာ ထိုင်းလူမျိုးရဟန်းတော် ၂-ပါးနဲ့ ခင်မင်ခဲ့ပြီး ဗုဒ္ဓဝါဒကို အနည်းငယ်
လေ့လာခွင့်ရခဲ့ပါတယ်။

ထိုင်းဘုန်းတော်ကြီး ၂-ပါး မရှိတော့တဲ့နောက်ပိုင်း သူဟာ ဗုဒ္ဓဝါဒကိုဆက်လက်လေ့လာဖို့ သိပ်ပြီး စိတ်ဝင်စားခဲ့တယ်။ အဲဒီမှာ သူက
တိဗတ်ဘုန်းတော်ကြီး ဒလိုင်းလားမားရှိရာကို သွားရောက် အရိုအသေပေးခဲ့ပါတယ်။
နောက်ပိုင်းမှာတော့ ထိုင်းနိုင်ငံမှာ လေ့လာဖို့ဆုံးဖြတ်ပြီးစားဝတ်နေရေးအတွက် နိုင်ငံခြားသား ခရီးသွားတွေများတဲ့ ဒေသတစ်ခုမှာ
ဒိုင်ဗင်ပစ်၊ ရေကူး နည်းပြလုပ်ခဲ့ပါတယ်။ သူ့ဘဝဟာအတိုင်းအတာတစ်ခုပြည့်ပြည့်စုံစုံ နေခဲ့ရပါတယ်။ သူဟာ
လောကီဥစ္စာပြည့်စုံမှုတွေ မှာ ဘယ်လိုမှ မမွေ့လျော်နိုင်တော့တဲ့ နောက်ပိုင်းလက်ရှိအလုပ်ကို စွန့်လွှတ်ပြီး အမိခင်နိုင်ငံကို ပြန်သွားခဲ့ပါတယ်။

မိသားစုနဲ့ ဆွေမျိုးတွေက သူ့ကို ခရီးဆောင်အိပ်ကြီးသယ်ဆောင်ပြီး ပြန်လာမဲ့အောင်မြင်တဲ့ စီးပွားရေး သမားကြီးအဖြစ် မျှော်လင့်ခဲ့ကြတာပါ။သူ့ကိုတကယ်တွေ့လိုက်ရတော့ ဗုဒ္ဓဘာသာစာအုပ်တွေနဲ့ ဒိုင်ဗင်ပစ်၊ ရေးကူးရာမှာ
သုံးတဲ့ ပစ္စည်းတွေသယ်လာတဲ့ ဆံပင်ရိတ်ထားတဲ့ ယောဂီတစ်ယောက်ဖြစ်နေတာကိုတွေ့လိုက်ရတယ်။ အခြားလူတွေအတွက်တော့ ရေကူးစရာ ပင်လယ်မရှိ တရားဆွေးနွေးစရာဗုဒ္ဓဘာသာဝင် မရှိတဲ့ နိုင်ငံကို ဒါတွေသယ်လာတယ် ဆိုတော့ ထူးဆန်းနေကြတယ်။
ထိုင်းနိုင်ငံက ပြည့်စုံတဲ့ ဘဝကို စွန့်ပစ်ခဲ့တော့ အချို့က မင်းစိတ်မှမှန်သေးရဲ့လား ဆရာဝန်ပြပါလားလို့ နောက်ကြတယ်။ သူကတော့ တရားစာအုပ်တွေဖတ်တရားအားထုတ်နဲ့သာ ကိုယ့်ဟာကိုယ်နေခဲ့တယ်။ (သူမရှိတော့တဲ့ နောက်ပိုင်းမှာသူအလုပ်၊လုပ်ခဲ့တဲ့ အပန်းဖြေစခန်းလေးဟာ ဆူနာမီဒဏ် ခံလိုက်ရတော့ခင်မင်ရင်းနှီးသူတွေ များစွာရုတ်တရက်သေဆုံးသွားတဲ့ သတင်းကိုကြားခဲ့ရတယ်။
ဆရာတော်အလောင် လျာတွက်လည်း သံဝေဂယူစရာတွေ ဖြစ်ခဲ့ပါလိမ္မယ်။

(ကျွန်တော်ကတော့ သာသနာပြုဖို့ လူဖြစ်လာတဲ့ ပုဂ္ဂိုလ်ဖြစ်တာကြောင့်
နတ်ကောင်း နတ်မြတ်တွေများ စောင့်ရှောက်နေသလားလို့ တွေးမိသေးတယ်။)

အချို့သော ဆွေမျိုးတွေက ဆိုရင် စာအုပ်တွေအားလုံးမီးရှို့ဖျက်ဆီးပစ်ဖို့နဲ့ ဘိုင်ဘယ်တစ်မျိုးတည်းကိုသာထိုင်ဖတ်နေဖို့၊ သူ့ကို ခရစ်ယာန်ဘာသာဝင် ပြန်ဖြစ်လာဖို့စည်းရုံးကြသေးတယ်။ သူ့ကို အချို့ကလည်း ဆိတ်ကလေး၊ ကြက်ကလေးတွေ စားဖို့
လက်ဆောင်အဖြစ်ပေးပြီး ကြိုဆိုကြတယ်။ ဗုဒ္ဓဘာသာဝင်ဖြစ်လာတဲ့ ယောဂီလူငယ်Steven က အကောင်တွေ သတ်တာကို မလိုလားတော့ဘူး။ အထူးသဖြင့် သူ့အတွက်သတ်မှာကို လုံးဝ မဖြစ်စေချင်ဘူး။ ဗုဒ္ဓဘာသာဝင် မရှိတဲ့ဒေသမှာ
သူဟာတစ်ဦးတည်း တရားအားထုတ်နေတယ်။ တိုင်ပင်စရာမိတ်ဆွေနဲ့ နည်းခံစရာဆရာမရှိတဲ့ဘဝမှာ သူမနေနိုင်တော့ဘူး။ ပိုမိုပြည့်စုံတဲ့ အမှန်တရားကိုရှာဖွေဖို့ သူဟာ အမိမြေကို နောက်တစ်ကြိမ်စွန့်ခွာရပြန်တယ်။

တောင်အမေရီကား မြောက်အမေရီကားမှာ ဝိပဿနာတရားတွေ အားထုတ်ခဲ့တယ်။ TathagataMeditation Center TMC မှာ တရားအားထုတ်ခွင့်ရတယ်။ နောက်ပိုင်းမှာတော့သူဟာ ရဟန်းဝတ်ဖို့ကို ဆုံးဖြတ်လိုက်တယ်။ TMC စင်တာကပဲ
ဗီယက်နာမ်ဆရာတော်တွေ၊ မြန်မာဆရာတော်ကြီးတွေရဲ့ ကျေးဇူးနဲ့သာကီဝင်မင်းမျိုးမှ ရဟန်းပြုသွားသော သိဒ္ဓတ္ထဂေါ်တမ ဘုရားရှင်ရဲ့
သားတော်အဖြစ်ကို ရယူခဲ့တယ်။ ဗုဒ္ဓရက္ခိတ ဘွဲ့တော်နဲ့ မြင့်မြတ်သော ရဟန်းဘဝကို ခံယူလိုက်တယ်။

ရဟန်းပြုပြီးတဲ့ နောက်ပိုင်း ဆရာတော်ဟာ အိန္ဒိယနိုင်ငံတောင်ကြားဒေသတစ်ခုမှာ တရားအားထုတ်နေရရင် ကောင်းမလား၊ အမိမြေကို
ဓမ္မမျိုးစေ့ချပေးရရင် ကောင်းမလားလို့ အတွေး ၂-မျိုးဝင်လာတယ်။
မြန်မာဆရာတော်ဘုရားကြီး ဦးပဏ္ဍိတက ယူဂန်ဒါ နိုင်ငံမှာ သာသနာပြုဖို့ကိုအားပေးတော်မူခဲ့တယ်။ အမေရိကန်လူမျိုး အချို့ကတော့ ဗုဒ္ဓဘာသာဝင် တစ်ဦးမှမရှိတဲ့ဒေသမှာ ရဟန်းတပါးအဖြစ် နေဖို့ မလွယ်ကူနိုင်ကြောင်းစားဖို့နေဖို့ပင် အခက်အခဲရှိနိုင်ကြောင်းတွေကို ပြောကြသေးတယ်။
နောက်ဆုံးတော့ ဆရာတော်အရှင် ဗုဒ္ဓရက္ခိတဟာ အမိမြေကို ပြန်ပြီး ဗုဒ္ဓသာသနာပြုဖို့ ဆုံးဖြတ်လိုက်တယ်။ အမိမြေကို မပြန်ခင် အိန္ဒိယ၊ မြန်မာ၊သိရီလင်္ကာနိုင်ငံတွေကို အလည်အပတ်သွားရောက်ခဲ့သေးတယ်။ သိရီလင်္ကာနိုင်ငံဘာသာရေး အဖွဲ့အစည်းတစ်ခုက သူ့အပြန်လမ်းအတွက် ဗုဒ္ဓရုပ်ပွားဆင်းတုတော်၂-ဆူထဲက တစ်ဆူကို လက်ဆောင်အဖြစ် ယူသွားဖို့ ပေးလိုက်တယ်။ သူကလည်း
အရွယ်ကြီးမားတဲ့ ရုပ်ပွားတော်ကို ယူဖို့ဆုံးဖြတ်ခဲ့တယ်။
ဗုဒ္ဓဆင်းတုတော်ကြီးကို လေယာဉ်နဲ့ သယ်ဆောင်ရာမှာ ကင်ညာနိုင်ငံအရောက်အခက်အခဲတွေနဲ့ ကြုံခဲ့ရတယ်။ ဘုန်းတော်ကြီးကို မဖူးမြင်ဖူးတဲ့ လူတွေကသူ့ကို အထူးအဆန်း ဖြစ်နေကြတယ်။ ဒေသခံ Maasai လူမျိုးစုတစ်ခုရဲ့ဝတ်စားဆင်ယင်မှုနဲ့ ဆင်တူနေလို့ Maasai မဟုတ်ဘဲ ထေရဝါဒ ဗုဒ္ဓဘာသာဝင်ရဟန်းတော်တစ်ပါးဖြစ်ကြောင်းကို ရှင်းပြခဲ့ရတယ်။

အိမ်ပြန်ရောက်လိုက်တော့ မိခင်ဖြစ်သူက တအံ့တသြဖြစ်ရတယ်။သားရဟန်းကိုကြည့်ပြီး Steven မှဟုတ်ရဲ့လားလို့ မေးသေးတယ်။
ဟုတ်မှန်ကြောင်း ပြောပြတော့ မယ်တော်ကြီးဟာ သားဖြစ်သူကို အိမ်အရောက်ပြန်ပို့ပေးသော God ကို ကျေးဇူးတင်ကြောင်း ပြောသေးတယ်။ သားဖြစ်သူကတော့သူ့ကို အိမ်ရောက်အောင် ပြန်လည်ပို့ဆောင်ပေးသော ဘုရားသခင်ဆိုတာ
လုံးဝမရှိကြောင်း ကောင်းကောင်းနားလည်နေတယ်။ ဒါပေမဲ့ အမေဖြစ်သူစိတ်အနှောင်အယှက် မဖြစ်စေချင်လို့ ဘာမှ မပြောပဲနေခဲ့တယ်။

ဗုဒ္ဓဆင်းတုတော်ကြီးနဲ့ သင်္ဃန်းဝတ်ကြီးနဲ့ အိမ်မှာကြာကြာနေလို့မသင့်တော်တာကြောင့် ဗုဒ္ဓဘာသာဘုန်းကြီးကျောင်းလေး ဖြစ်လာအောင်အားထုတ်ရတယ်။ အမေရိကန်နိုင်ငံ TMC စင်တာက ဆရာတော်ဘုရားကြီးတွေ ကျေးဇူးနဲ့
ယူဂန်ဒါ နိုင်ငံမှာ ပထမဆုံးသော ထေရဝါဒ ဗုဒ္ဓဘာသာ စင်တာတစ်ခုကိုဖွင့်လစ်နိုင်ခဲ့ပါတယ်။

သတင်းသုံးရာ၊ ဆွမ်းခံရာ၊ အစစ နားမလည်သူတွေများလို့ အခက်အခဲအမျိုးမျိုးတွေ့ရပါတယ်။ မြန်မာပြည်က ပါလာတဲ့ သံဃာတော်များကိုင်တဲ့ ယပ်ကို တင်းနစ်ကစားနည်းတစ်မျိုးအတွက် ဘတ်တန်လို့ထင်သူတွေ၊ သပိတ်ကို
ဗုံးထင်သူတွေ၊ ဘောလုံးထင်သူတွေ ဝတ်စားဆင်ယင်မှုကိုကြည့်ပြီးတိုင်းရင်းဆေးရောင်းတဲ့ Maasai ထင်သူတွေ စသဖြင့် အမျိုးမျိုးသောအခက်အခဲတွေ ရှိခဲ့ပါတယ်။ ဆွမ်းခံထွက်လို့ ဆွမ်းလောင်းရကောင်းမှန်းသိသူကလည်း မရှိသလောက် ရှားခဲ့ပါတယ်။ ဒါပေမဲ့ ဆရာတော်ကတော့ ဖိနပ်မပါချေဗလာနဲ့ ကြိုးစားပြီး ဆွမ်းခံထွက်ခဲ့ပါတယ်။ နောက်ပိုင်းမှာတော့လက်လှုပ်မှ ပါးစပ်လှုပ်ရတဲ့ ဆင်းရဲသားများကတောင် ဆွမ်းလှူဖို့ သဒ္ဓါတရားတွေဖြစ်လာကြပါတယ်။

အမေရိကန်နိုင်ငံမှာရှိတဲ့ မိတ်ဆွေအချို့ရဲ့ အဆက်အသွယ်နဲ့ယူဂန်ဒါနိုင်ငံမှာ နေထိုင်နေကြတဲ့ ထိုင်းမိသားစုတွေ၊ သိရီလင်္ကာမိသားစုတွေရဲ့ လိပ်စာကို ရခဲ့ပါတယ်။ မယ်တော်ကြီးကိုပါ အတူတကွအဆိုပါ မိသားစုတွေဆီကို ကြွခဲ့ပါတယ်။ ထိုင်းလူမျိုးတွေကစုပေါင်းဖွင့်ထားတဲ့ စားသောက်ဆိုင်ကို ရောက်ခဲ့ပါတယ်။ ထေရဝါဒပုံစံစနစ်တကျ သင်္ဃန်းရုံထားတဲ့ ဆရာတော်ကို ဖူးမြှော်ရလို့ ထိုင်းလူမျိုးတွေဟာဆွမ်းကိုလည်းလောင်းလှူကြ ရိုသေစွာ ရှိခိုး ကန်တော့ကြတာတွေ့တော့မယ်တော်ကြီးက အလွန်တရာ အံ့သြခဲ့ပါတယ်။ သိရီလင်္ကာလူမျိုးကလည်းစက်ရုံတစ်ခုရဲ့ ပိုင်ရှင် အရပ်မြင့်မြင့် လူကြီးလူကောင်းတစ်ယောက်ပါ။
ဆရာတော်ကို မြင်တာနဲ့ ဗုဒ္ဓဝါဒီတို့ ထုံးစံအတိုင်းရိုသေစွာရှိခိုးကန်တော့ပါတယ်။ အဲဒီအချိန်မှာ မယ်တော်ကြီးရဲ့
စိတ်ခံစားမှုသဒ္ဓါတရားကို မြင်လို့ ဆရာတော်က လက်ျာတော်ရံ အရှင်သာရိပုတ္တရာရဲ့ မယ်တော်ကြီး ချွတ်ခန်းကို သတိရခဲ့ပါတယ်။ ထိုင်းလူမျိုးတွေက ဆိုရင်ယူဂန်ဒါနိုင်ငံမှာ ဆရာတော် သီတင်းသုံးသရွေ့ ဆွမ်းအဖို့ကိုတာဝန်ယူပါရစေလို့ လျှောက်ထားလိုက်ပါသေးတယ်။

အိမ်ကို ပြန်ရောက်တော့ တစ်ချိန်တုန်းက ခရစ်ယာန်ဘာသာဝင်ဖြစ်ခဲ့ပြီးလောလောဆယ်အနေအားဖြစ် အစ္စလာမ်ဘာသာဝင်ဖြစ်နေခဲ့သည်မှာ ၁၀-နှစ်ခန့်ကြာပြီဖြစ်သော မယ်တော်ကြီဟာ ဗုဒ္ဓဆင်းတုတော်ရဲ့ တင့်တယ်လှတဲ့
ရူပကာယတတော်ကို ကြည်ညိုတတ်ပြီဖြစ်ကြောင်း နဲ့ ဗုဒ္ဓဝါဒကို လေ့လာလိုကြောင်းသားရဟန်းပြောပါတယ်။ သားဖြစ်သူက တရာဓမ္မတွေ ဟောပြလို့ မယ်တော်၊နှစ်မတော်နဲ့ ယောက်ဖ၊ တူ/တူမ များအပြင် မိတ်ဆွေအချို့နဲ့ အနည်းငယ်သော
ယူဂန်ဒါ နိုင်ငံသားတွေဟာ သရဏဂုံသုံးပါးနဲ့ ငါးပါးသော နိစ္စသီလတို့ကိုတည်ဆောက်သူ ဗုဒ္ဓရဲ့တပည့်သာဝကများ ဗုဒ္ဓဘာသာဝင်များ ဖြစ်လာကြပါတယ်။ အခုတော့အာဖရိကတိုက်ရဲ့ ရတနာမြေ ဖြစ်သော ယူဂန်ဒါနိုင်ငံ the pearl of Africa မှာ
ဗုဒ္ဓဝါဒဟာ စတင်လို့ အမြစ်တွယ်ခဲ့ပါပြီ။

ဆရာတော်ဟာ ဂျပန်နိုင်ငံမှာ ကျင်းပတဲ့ အပြည်ပြည်ဆိုင်ရာ ဗုဒ္ဓဘာသာညီလာခံကြီးကိုလည်း ယူဂန်ဒါနိုင်ငံတော် ကိုယ်စားပြုအနေနဲ့ ပထမဆုံးတတ်ရောက်ခွင့်ရခဲ့ပါတယ်။King Oyo of Tooro ယူဂန်ဒါနိုင်ငံက Tooroဒေသရဲ့ဘုရင်လေး Oyo ဟာလည်း ဆရာတော်နဲ့အတူ အစည်းအဝေးကို တတ်ရောက်ခဲ့ပါတယ်။

မကြာသေးခင်က မြန်မာနိုင်ငံမှာ သီတဂူဆရာတော်ဘုရားကြီးဦးဆောင်ကျင်းပခဲ့တဲ့ ထေရဝါဒဗုဒ္ဓဘာသာ တက္ကသိုလ်ပေါင်းစုံ
အစည်းအဝေးကြီးကိုလည်း တတ်ရောက်ခဲ့ပါတယ်။

ယူဂန်ဒါနိုင်ငံ Kampalaမြို့တော်က University of Makere ရဲ့ဖိတ်ကြားချက်ကြောင့်ဟောပြောပွဲတစ်ခုကို ဟောပြောခဲ့ရပါတယ်။
အမေရိကန်နိုင်ငံ မဆာချူးဆက်တက္ကသိုလ်မှာလည်း အခါအားလျော်စွာ ဟောပြောမှုတွေ ပြုလုပ်ပါတယ်။ အဲဒါတွေကတော့ဆရာတော်ရဲ့ အောင်မြင်မှုတွေပါပဲ။
၂၀၀၉ ခုနှစ်အတွင်း ဆရာတော်ရဲ့ဆက်လက်လုပ်ဆောင်ဖွယ် ခရီးစဉ်နဲ့ လုပ်ငန်းစဉ်တွေကိုတော့ ဒီမှာလေ့လာနိုင်ပါတယ်။
မေးမှာတွေ့ရှိ၍ ပြန်လည်မျှဝေလိုက်ပါတယ်။။
ဝမ်းသာစရာဆိုတော့လဲ ကျောင်းသားလေးလည်းဝမ်းသာခဲ့လို့ ပြန်လည်ပြီးမျှဝေလိုက်ပရစေလို့..။
Posted by ဗာရာဏသီကျောင်းသားလေး