အချစ်ကံတွေ ဘာကြောင့် ဆိုးရတာလဲ?

လောကမှာ လူသားတိုင်းအချစ်နဲ့ ကင်းနိုင်တဲ့သူရယ်လို့ မရှိသလောက် ရှားပါတယ်။ အနည်းအကျဉ်းတော့ အချစ်နဲ့ကင်းနိုင်တဲ့ သူတွေတော့ရှိကြမှာပါ။ အမှန်တော့ ရဟန်းပဲဖြစ်ဖြစ်၊ လူပဲဖြစ်ဖြစ် အနာဂါမ်မဖြစ်သရွှေ့တော့ အချစ်ဆိုတာ ရှိနေကြရဦးမှာပါ။ အချစ်ဆိုတာ ရှိနေသရွှေ့ အချစ်နဲ့ဆက်နွှယ်နေတဲ့ ခံစားမှုပြဿနာတွေကလည်း ကြုံတွေ့နေကြရဦးမှာပါ။ အချစ်နဲ့ပါတ်သက်တဲ့ပြဿနာတွေမှာ အချစ်ကြောင့်ဘ၀ပျက်သွားကြရတဲ့သူတွေ၊ အချစ်ကြောင့် ကိုယ့်ဘ၀ကိုအဆုံးသတ်သွားတဲ့သူတွေ၊ အချစ်အပေါ်မှာမူတည်ပြီး ဘ၀လမ်းကြောင်းတွေ ပြောင်းလဲသွားရတဲ့သူတွေ များစွာပါ။ ဒီတော့ အချစ်နဲ့ပါတ်သက်တဲ့ရောဂါတွေကို ကုသဖို့ဆေးကတော့ မရှိမဖြစ် လိုအပ်နေပြန်ပါတယ်။ မြတ်စွာဘုရားရှင် ကိုယ်တော်မြတ်ကြီး ဟောကြားဆုံးမခဲ့တဲ့ တရားတော်တွေဟာ များသောအားဖြင့် စိတ်မှာဖြစ်တတ်တဲ့ ရောဂါတွေကို ကုသဖို့ တရားဆေးတွေပါပဲ။ ဆေးဆိုတဲ့နေရာမှာလည်း ရောဂါတစ်မျိုးတည်းအတွက် မဟုတ်ပြန်ပါဘူး။ ရောဂါမျိုးစုံအတွက်ပါ.. လူမှုရေးရောဂါ၊ ကျန်းမာရေးရောဂါ၊ စီးပွားရေးရောဂါ၊ ပညာရေးရောဂါ၊ နာရေးရောဂါ၊ သေရေးရောဂါ၊ အချစ်ရေးရောဂါ၊ အိမ်ထောင်ရေးရောဂါ စသည်စသည်ဖြင့် ရောဂါပေါင်းစုံပါပဲ။


ဘုရားရှင်ကိုယ်တော်မြတ်ကြီးရဲ့ အဆုံးမတွေဟာ လောကမှာရှိတဲ့ သတ္တ၀ါတွေအားလုံး ခံစားနေရတဲ့ရောဂါပေါင်းစုံကို ပျောက်ကင်းသက်သာသွားအောင် ကုသပေးနိုင်ပါတယ်။ အသုံးကျအောင် အသုံးချတတ်ဖို့ကတော့ အဓိက အကျဆုံးပေါ့။ လောကီမှာဖြစ်ပျက်နေတဲ့ သတ္တ၀ါတွေရဲ့ခံစားနေရတဲ့ ရောဂါအမျိုးက အမျိုးစုံလှတဲ့အတွက် ဘုရားရှင်ကိုယ်တော်မြတ်ကြီးကလည်း အမျိုးစုံအောင် အကြောင်းရာစုံအောင် ဟောပြဆုံးမပေးခဲ့ပါတယ်။ ဒီတော့ လူသားတိုင်းမကင်းနိုင်တဲ့ အချစ်နဲ့ပါတ်သတ်တဲ့ ရောဂါကို နားရှက်စရာကြီးဆိုပြီး ချန်ထားခဲ့ရင် ရောဂါရသူတွေအတွက် အများကြီး နစ်နာပါတယ်။ လက်တွေ့လောကမှာ သေချာလေ့လာကြည့်ရင် အချစ်နဲ့ပတ်သက်လို့ ခံစားနေရတဲ့ ရောဂါသည်တွေ ရာခိုင်နှုန်းတစ်ခုအနေနဲ့ အတော်များများရှိပါတယ်။ အချစ်နဲ့ပတ်သက်ပြီး အသည်းကွဲတာတို့၊ ကိုယ်ကသစ္စာရှိပေမယ့် သူကထားသွားတာတို့၊ ကိုယ်ဒီလောက်ချစ်တာကို သူကဘာလို့တန်ဖိုးမထားရတာလဲတို့၊ ကိုယ်ချစ်သလောက် ဘာလို့ပြန်မချစ်ရတာလဲတို့ စသည်စသည် များစွာပါပဲ။ ဒီတော့ အချစ်နဲ့ ပါတ်သက်လို့ ခံစားရတဲ့ရောဂါဝေဒနာကို သက်သာနိုင်ဖို့ နည်းလမ်းကတော့ အတော်လေးကို လိုအပ်နေတယ်ဆိုတာ အသေချာပါပဲ။

အဓိကအနေနဲ့ အချစ်နဲ့ပတ်သက်ပြီး ဝေခွဲကြည့်လိုက်မယ်ဆိုရင် အချစ်ကံဆိုးခြင်းနဲ့ အချစ်ကံကောင်းခြင်းဆိုပြီး နှစ်မျိုးပဲ ထွက်လာပါမယ်။ အချစ်ကံဆိုးတယ်ဆိုတာကတော့ ကိုယ့်ချစ်သူက ကိုယ့်အပေါ်မှာ သစ္စာမရှိပဲ ကိုယ့်ကိုထားသွားတာ၊ ကိုယ်တစ်ယောက်ထဲတင်မဟုတ်ပဲ ရည်းစားအများကြီးထားပြီး ကိုယ့်ကိုလိမ်ညာနေတာ၊ ကိုယ့်အချစ်ကို တန်ဖိုးမထားပဲ အပျော်သက်သက် သဘောထားတာတို့ စသည့် အချက်လက်တွေပေါ့။ အချစ်ကံကောင်းတယ်ဆိုတာတော့ ကိုယ်ကချစ်သလောက် ကိုယ့်ကိုသူကတန်ဖိုးထားတယ်၊ ကိုယ့်ချစ်သူက ကိုယ့်အပေါ်မှာ သစ္စာစောင့်သိတာ၊ ကိုယ့်အပေါ်မှာသစ္စာရှိတာတို့ပေါ့။ ဒီတော့ ကိုယ့်အနေနဲ့က အချစ်ကံကောင်းချင်တယ်ဆိုရင်.. အချစ်ကံဆိုးခြင်းရဲ့ အဓိကသိရမယ့် အချက်တွေကိုသိပြီး ရှောင်သင့်တာ ရှောင်မယ်ဆိုရင် အချစ်ကံကောင်းလာမယ်ဆိုတာလည်း မလွဲဧကန်ပါပဲ။ အကုသိုလ်ကံတွေရှောင်ရင် ကုသိုလ်ဖြစ်လာသလိုပါပဲ။ ချစ်နေရတဲ့သူတွေမှာလည်း အချစ်ကံဆိုးတာတွေ ရှောင်လိုက်ရင် အချစ်ကံကောင်းတွေ ဖြစ်လာမှာပါ။ ဒီတော့ အဓိကအနေနဲ့ အချစ်ကံကောင်းချင်တယ်ဆိုရင်.. အချစ်ကံဆိုးခြင်းရဲ့ အဓိက အချက်တွေနဲ့ ဘာလို့အချစ်ကံဆိုးရတာလည်းဆိုတာ သိဖို့လိုအပ်ပြီပေါ့။

ဘုရားရှင် ကိုယ်တော်မြတ်ကြီးရဲ့ တရားတော်တွေဟာ အကြောင်းတရားကိုပြပြီး ဟောပြဆုံးမတဲ့ အဆုံးမတွေပါ။ ဒီအကြောင်းတရားတွေကြောင့် ဒီအကျိုးတရားတွေခံစားရတယ်.. ဒီအကျိုးတွေမခံစားရချင်ရင် အကြောင်းတရားတွေ ကင်းအောင်လုပ်ဆောင်ပါဆိုတဲ့ အတိုင်းပါပဲ။ အချစ်ကံဆိုးခြင်းရဲ့ အကျိုးတွေမခံစားရချင်ရင် အချစ်ကံဆိုးခြင်းရဲ့အကြောင်းတရားတွေသိဖို့ အရေးကြီးပါတယ်။ အချစ်နဲ့ပတ်သက်တဲ့ အဆိုးကံတွေ ကြုံတွေ့ရတယ်ဆိုတာ အချစ်နဲ့ပတ်သက်တဲ့ အဆိုးကံတွေ အတိတ်ဘ၀က ကျူးလွန်ခဲ့လို့ပါ။ အတိတ်က ဆိုတဲ့နေရာမှာ ရှေးယခင်ဘ၀တွေက အတိတ်ကံလည်းပါဝင်သလို ယခုဘ၀ရဲ့ ရှေ့ပိုင်းအတိတ်ကံတွေလည်း ပါဝင်ပါတယ်။အချစ်ကံခေခြင်းရဲ့ အဓိကအကြောင်းရင်းကတော့ အချစ်ရေးမှာ သစ္စာမရှိခြင်း၊ တနည်းအားဖြင့် အချစ်ရေးဖောက်ပြန်ခြင်းပဲ ဖြစ်ပါတယ်။ ကိုယ့်ချစ်သူ၊ ကိုယ့်အိမ်ထောင်ဖက်အပေါ်မှာ သစ္စာမရှိဘဲ တခြားတစ်ယောက်၊ သို့မဟုတ် တခြားအယောက်များစွာနဲ့ ဖောက်ပြန်နေတာဟာ အချစ်ကံခေစေတဲ့ အဆိုးကံကို ထူတောင်နေတာပါ။ အဲ့ဒီ့ကံတွေ အကျိုးပေးတဲ့ဘ၀မှာ သေချာပေါက် အချစ်ကံတွေဆိုးနေအုံးမှာပါပဲ။

အချစ်ကံဆိုးခြင်းရဲ့ အဓိကအကြောင်းရင်းကို ဆရာတော်အရှင်ဆန္ဒာဓိကက ဟောပြဆုံးမ ထားပြန်ပါသေးတယ်..“အချစ်ကံဆိုးခြင်းရဲ့ အဓိကနောက်တစ်ချက်အနေနဲ့ကတော့ အချစ်ရေးမှာ သစ္စာမရှိခြင်းပါပဲ။ ကိုယ့်မှာ ချစ်တယ်လို့ ဖွင့်ပြောထားပြီးသား တရားဝင်ချစ်သူရှိပါလျှက် တခြားတစ်ယောက်နဲ့ အီစီကလီ လုပ်တာမျိုး၊ ဘာလိုလို ညာလိုလို ရောတာမျိုး၊ တစ်ဖက်သားအပေါ် ရင်ထဲက တကယ်မချစ်ပါဘဲ ချစ်ဟန်ဆောင်တာမျိုး၊ တစ်ဖက်သားကိုယ့်အပေါ်မှာ ကြွေသွားအောင် စတာနောက်တာမျိုး၊ တစ်ဖက်သားရင်ထဲမှာ ကိုယ်ကိုခံစားသွားရအောင် ကလိတာ ရိတာမျိုး၊ အပျော်သဘောနဲ့ လူတကာအသည်း လှည့်ပတ်ခွဲတာမျိုး၊ အပေါင်းအသင်းတွေကြား တလွဲဂုဏ်ယူချင်စိတ်နဲ့ မြာပွေတာ၊ ရှုပ်တာမျိုး၊ ပုံလာလာ ပြောတိုင်းယုံတတ်တဲ့ အလွယ်ယုံသူတွေအပေါ် ပုံပြောကောင်းပြီး မျက်နှာများတာမျိုး၊ မဆွတ်ခင်က ညွတ်ချင်နေတဲ့ အညှာလွယ်သူတွေအပေါ် ပလီပလာချွဲနွဲ့ပြီး ကျောရရုံ ကြံတာမျိုး၊ တစ်သက်တာယုံမှတ်လို့ အရှက်ပါပုံအပ်သူတွေအပေါ် စားပြီးနားမလည် မသိချင်ယောင်ဆောင်တာမျိုး၊ လက်မထပ်သေးခင် အချစ်နယ်ကျွံပြီး ကြိုပွိုင့်ရိုက်တာမျိုး စတဲ့ စတဲ့အချက်တွေကြောင့် အချစ်ကံဆိုးရတာပါ” လို့ ဆရာတော်က ဟောပြဆုံးမတော်မူပါတယ်။

နောက်တစ်ချက်အနေနဲ့ ဆရာတော်က လူအများစုမသိနိုင်တဲ့ တလွဲထင်ပြီး အကောင်းထင်နေတဲ့ အချစ်ကံဆိုးစေတဲ့ အချက်တွေကို ဟောပြဆုံးမထားပြန်ပါသေးတယ်။ “အချစ်ကံခေစေပြီး တလွဲအကောင်းထင်နေတဲ့ အလွဲအချက်တွေကတော့ အချစ်သ၀န်တိုခြင်း(သို့မဟုတ်) အချစ်သ၀န်ကြောင်ခြင်းပါပဲ။ ကိုယ်ချစ်တဲ့သူက အခြားတစ်ယောက်၊ သို့မဟုတ် အခြားအယောက်ပေါင်း များစွာအပေါ် ကျယ်ပြန့်သန့်ရှင်းတဲ့ ချစ်မြင်းမေတ္တာတွေ မျှဝေပေးနေတာအပေါ် မနာလို မရှုဆိတ်ဖြစ်ပြီး ဟိုလူ့မချစ်ရ၊ ဒီလူ့မချစ်ရ၊ ဘယ်သူနဲ့မပေါင်းရ၊ ဘယ်ဝါနဲ့မပတ်သက်ရလို့ မနာလိုစကားတွေ ပြောကြားနေတာ၊ သ၀န်တိုအမိန့်တွေ ထုတ်ပြန်နေတာဟာ အချစ်ကံခေကြောင်း မကောင်းမှုအကုသိုလ်တွေ ဆည်းပူးစုဆောင်းနေတာပါပဲ။ တစ်ယောက်နဲ့တစ်ယောက် ရိုးသားသန့်စင်စွာ ချစ်ခင်နေကြသူတွေကို ကိုယ့်အထင်နဲ့ကိုယ် မတော်မတရားစွပ်စွဲပြီး၊ သို့မဟုတ် ကိုယ့်စိတ်နဲ့နှိုင်းအရိုင်းသတ်မှတ်ပြီး ချစ်မင်မှုပျက်ပြားသွားအောင် လုပ်တာတွေဟာ ကလေးသိပ်ဆန်လွန်းတဲ့ အချစ်ကံခေစေတဲ့ စိတ်ထားတွေပါပဲ” လို့ ဆရာတော်က ဟောပြဆုံးမထားပြန်ပါတယ်။ ဒီအချက်တွေဟာ လက်ရှိမျက်မှောက်အတွင်းမှာ အချစ်ကံဆိုးစေတဲ့ အချက်တွေကို ဆရာတော်က မြင်သာအောင် ဆွဲထုတ်ပြလိုက်တာပါပဲ။

နောက်အချစ်ကံဆိုးခြင်းကတော့.. ကိုယ်ကသစ္စာမေတ္တာတွေ စေတနာတွေမှန်ကန်စွာနဲ့ ချစ်ပေမယ့် ကိုယ်နဲ့တန်တဲ့စေတနာမျိုး ပြန်မရတဲ့ ချစ်ခြင်းတွေ ဆုံဆည်းကြရတဲ့ အချစ်ကံဆိုးခြင်းမျိုးပါ။ ငါဒီလောက်ချစ်တာ ငါ့ကိုပြန်မချစ်တာ ဘာလို့လဲဆိုတဲ့ အတွေးမျိုးပေါ့။ ငါဒီလောက်သူ့အပေါ်သစ္စာရှိတာ ငါ့ကိုဘာလို့ ပြန်ပြီးသစ္စာမရှိရတာလဲဆိုတဲ့ အတွေးမျိုးပါ။ ကျွန်တော်တို့ဗုဒ္ဓဘာသာမှာ ကောင်းတာလုပ်ရင် ကောင်းကျိုးရမယ်.. မကောင်းတာလုပ်ရင် မကောင်းကျိုးရပါတယ်။ ဒါပေမယ့် ကောင်းတာတွေ လုပ်နေပေမယ့် ကောင်းတာတွေ မဖြစ်ကြသေးတာ ရှိကြသလို. ဆိုးတာတွေလုပ်နေပေမယ့်လည်း ဆိုးတာတွေမဖြစ်ကြသေးတာရှိတတ်ပါတယ်။ မကောင်းတာလုပ်တဲ့သူတွေပဲ ကောင်းစားပြီး ကောင်းတာလုပ်တဲ့သူတွေဆိုးနေရလို့ ငါလည်းမကောင်းတာလုပ်မယ်ဆိုရင်တော့ အမှားကြီး မှားသွားပါလိမ့်မယ်။ ဗုဒ္ဓရဲ့အဆုံးမတွေဟာ တစ်ဘ၀ထဲကိုကွက်ကြည့်ပြီး.. ကောင်းတာတွေလုပ်နေတာ ကောင်းတာလည်း ဖြစ်မလာဘူးလို့ ပြောလို့မရပါဘူး။ သံသရာနဲ့ နှိုင်းယှဉ်တွေးတောကြည့်ရမယ့် အသိဥာဏ်နဲ့ယှဉ်တဲ့ အဆုံးမတွေပါ။ လက်ရှိမှာ ကောင်းတာတွေလုပ်နေပေမယ့် ကောင်းတာတွေဖြစ်မလာတာဟာ အတိတ်ကံအကျိုးပေးတွေနဲ့ သက်ဆိုင်ပါတယ်။ အတိတ်ကံမှာ သူများချစ်ခြင်းပျက်ဆီးအောင်၊ သူတစ်ပါးချစ်ခြင်း ကွေကွင်းစေအောင် နည်းအမျိုးမျိုးနဲ့ ဖျက်ဆီးခဲ့တာတွေ၊ ကာမေသုကံကျူးလွန်ခဲ့တဲ့ အကုသိုလ်ကံတွေ၊ တစ်ပါးသူတွေ ချစ်ခင်နေကြတာကို စိတ်ဝမ်းကွဲအောင် ဂုန်းလျောခဲ့တာတွေ စသည့်အချက်တွေဟာ အချစ်ကံဆိုးခြင်းရဲ့ အတိတ်အကြောင်းတွေပဲ ဖြစ်ပါတယ်။ ဒီအချက်တွေဟာ လက်ရှိအချစ်ကံတွေ ကိုယ်ကကောင်းအောင်လုပ်နေပေမယ့် အတိတ်ကဆိုးကံပါလာတဲ့အတွက် အချစ်ကံတွေ ဆိုးနေရတဲ့အချက်တွေပါပဲ။

အထက်ပါအချက်တွေဟာ အချစ်ကံဆိုးနေတဲ့သူတွေ အချစ်ကံကောင်းသွားစေနိုင်အောင်၊ မေတ္တာစစ်မေတ္တာမှန်နဲ့ ချစ်မြတ်နိုးတတ်စေနိုင်ဖို့အတွက်.. ဆရာတော်အရှင်ဆန္ဒာဓိကရဲ့ ဟောပြဆုံးမချက်တွေပါပဲ။ တကယ်လည်း လက်ရှိမျက်မှောက်မှာ ဖြစ်ပျက်နေတဲ့ လက်ရှိအဖြစ်ပျက်တွေကို ဘုရားရှင်၏တပည့်သားတစ်ပါးတစ်နေနဲ့ လူငယ်တွေ လမ်းလွှဲမရောက်ရအောင် နားလည်လွယ်အောင် စေတနာမေတ္တာအပြည့်နဲ့ ဟောပြဆုံးမပေးတဲ့ အင်မတန် တန်ဖိုးရှိတဲ့ မေတ္တာစကားတွေပါပဲ။ တကယ်တော့ ကိုယ့်ချစ်သူအပေါ်မှာ စစ်မှန်တဲ့မေတ္တာနဲ့ သစ္စာရှိရှိ မချစ်နိုင်တာဟာ ဗုဒ္ဓဘာသာရဲ့အခြေခံအကျဆုံးဖြစ်တဲ့ ကံနဲ့ကံရဲ့အကျိုးကို မယုံကြည်ခြင်းပါပဲ။ ကောင်းတာလုပ်ရင် ကောင်းကျိုးပေးမယ်.. မကောင်းတာလုပ်ရင် မကောင်းကျိုးပေးမယ်ဆိုတဲ့ ကံနဲ့ကံရဲ့အကျိုးအပေါ်မှာ မယုံကြည်ခြင်းပါ။ ကိုယ်မဟုတ်တာလုပ်တာ သူသိတာမှတ်လို့ဆိုပြီး လုပ်ချင်တာလုပ်တာဟာ ကိုယ့်ကိုယ်ကိုမကြည်ညိုတဲ့စိတ်တွေ များသထက်များအောင် အားထုတ်နေတာနဲ့တူပါတယ်။ သူတစ်ပါးမသိအောင် လိမ်ညာနေရတဲ့အတွက်လည်း အနည်းဆုံး ဗုဒ္ဓဘာသာရဲ့အခြေခံဖြစ်တဲ့ ငါးပါးသီလတောင် ပျက်ပြားသွားရပါတော့တယ်။ ဒီတော့ တစ်လိမ်ပေါ် နှစ်လိမ်ဆင့်ပြီး အကုသိုလ်တွေများသထက် များရပါတော့တယ်။ အကုသိုလ်တွေများလာခြင်းရဲ့အကြောင်းဟာ အဆိုးကံတွေဖြစ်သထက်ဖြစ်ဖို့လမ်းကို အရောက်မြန်သွားစေတဲ့ အချက်ပါပဲ။ နောက်ဆုံးတော့.. ကိုယ်က သစ္စာမစစ်တဲ့အချစ်တွေ သူများကိုပေးတော့.. ကိုယ့်အပေါ်လည်း သစ္စာမရှိတဲ့အချစ်တွေ ပေးတဲ့သူနဲ့ပဲ ဆုံဆည်းကြရတော့တာပေါ့။

အထက်မှာဖော်ပြခဲ့တဲ့အကြောင်းရာတွေဟာ အချစ်ကံဆိုးစေတဲ့အချက်တွေနဲ့.. အချစ်ကံဆိုးစေတဲ့ အကြောင်းရင်းတွေပါပဲ။ လူသားအများစု မကင်းနိုင်တဲ့အချစ်ကို ဘယ်သူမဆို အချစ်ကံကောင်းချင်ကြမယ်ဆိုတာ မလွဲပါဘူး။ ဒါပေမယ့် ကိုယ်လုပ်ဆောင်နေတဲ့ အချစ်နဲ့ပတ်သက်တဲ့ ကာယကံ၊ ၀စီကံ၊ မနောကံ အပြုမှုတွေဟာ အချစ်ကံဆိုးစေတဲ့အချက်တွေလား၊ ဒါမှမဟုတ် အချစ်ကံကောင်းစေတဲ့အချက်တွေလား ဆိုတာတော့ သေချာစမ်းစစ်ကြည့်ဖို့ လိုအပ်ပါတယ်။ ကိုယ်ကအချစ်ကံကောင်းအောင် သစ္စာရှိရှိ အကောင်းကံတွေ ချစ်နေပေမယ့် အချစ်ကံတွေဆိုးလာရင်လည်း အတိတ်ကံအကြောင်းတရားတွေကြောင့် ဖြစ်လာတယ်ဆိုတာကို နားလည်လက်ခံနိုင်ဖို့ လိုအပ်ပါတယ်။ ကိုယ့်နေနဲ့ အတိတ်ကံလည်း ဆိုးတာတွေလျော့နည်းလာအောင်.. လက်ရှိတွေ့ကြုံနေတဲ့ အချစ်ကံဆိုးတွေကို အကောင်းကံအချစ်တွေ ဖြစ်သထက်ဖြစ်လာအောင် သစ္စာတရားကို လက်ကိုင်ထားခြင်းဟာ အဓိကအခြေခံအချက်ပါပဲ။

ဓမ္မဒူတ ဆရာတော်အရှင်ဆေကိန္ဒ ဟောပြဆုံးမပေးတဲ့ ဥပမာအတိုင်းဆိုရင်တော့.. အချစ်ကံတွေကောင်းပြီး အကောင်းကံတွေဖြစ်ချင်ရင်တော့ ပက်ပယ်စက်စက်ရိုးသားလိုက်စမ်းပါ ဆိုတာပါပဲ။ ဒီစကားလေးဟာ ရှင်းရှင်းလေးနဲ့ အင်မတန် လေးနက်ပါတယ်နော်။ ဒီတော့ ဘယ်သူတွေဘယ်လောက် သစ္စာမရှိနေနေ.. ဘယ်သူတွေပဲ မိုးခါးရေသောက်နေပါစေလေ.. ပြုသူအသစ်ခံရသူအဟောင်းဆိုတဲ့အတိုင်း ဆိုတာလေးကို အရင်ဆုံး နှလုံးသွင်ဆင်ခြင်လိုက်ပါ။ ကိုယ့်အပေါ် သစ္စာမရှိတဲ့အချစ်တွေနဲ့ ချစ်လာခဲ့ရင်လည်း ကိုယ်ပေးဆပ်ရမယ့် အဟောင်းကြွေးတွေကျေသွားအောင် ဆပ်ပေးတဲ့အတွက် ကျေကျေနပ်နပ်ခွင့်လွှတ်လိုက်ပါ။ သူ့အတွက်တော့ အကုသိုလ်ကံအသစ်တွေကို ဘ၀သံသရာမှာ ခန္ဓာနဲ့ပေးဆပ်အုံးမှာပါလားဆိုပြီး ဂရုဏာသက်လိုက်ပါ။ ကိုယ့်အနေနဲ့လည်း အချစ်ကံဆိုးတွေ ထပ်မဖြစ်ရအောင် ကိုယ်ချစ်ရတဲ့သူကို သစ္စာရှိရှိနဲ့ရိုးရိုးသားသား ချစ်လိုက်ပါလို့ ပြောချင်မိပါတယ်။ ကဲ.. အချစ်ကံဆိုးတွေ ပျောက်စေချင်တယ်ဆိုရင်တော့ အကောင်းကံတွေ အမြဲချစ်နိုင်အောင် ကြိုးစားလိုက်ပါလို့ ပြောလိုက်ပါရစေ။ အချစ်ကံဆိုးတွေနဲ့ ဝေးနိုင်ကြပါစေ..။

မှတ်ချက်။ ။ ဆရာတော်အရှင်ဆန္ဒာဓိက၏ “အကောင်းကံချစ်မှ အချစ်ကံကောင်းမယ်” ဆိုတဲ့ဓမ္မစာအုပ်ကို မှီငြမ်းကိုးကား၍ ရေးသားထားပါသည်။


Source : http://www.dhammamittar.com/ (မောင်ကောင်း)
photo credit to rkar25.wordpress.com

မေတ္တာဖြင့်
အနှိုင်းမဲ့စာတိုပေစများ

လာလည်နိုင်ပါတယ် ( www.infinitydhamma.com)